പഞ്ചാബി ഹൗസിൽ 'അതായത് ഉത്തമ' എന്ന ഡയലോഗ് ഉണ്ടാകില്ലായിരുന്നു!! പിന്നെയുണ്ടായത്....

പ്രേക്ഷകരെ ചിരിപ്പിച്ച രംഗങ്ങൾ

പഞ്ചാബി ഹൗസിലെ ഭൂരിഭാഗം രംഗങ്ങളും പ്രേക്ഷകരെ ഏറെ ചിരിപ്പിച്ചിരുന്നു. വർഷങ്ങൾ കഴിഞ്ഞിട്ടും ഇന്നും പഞ്ചാബി ഹൗസ് കണ്ട് ചിരിക്കാത്തവരായി ആരും തന്നെയുണ്ടാകില്ല. പഞ്ചാബി ഹൗസിൽ പ്രേക്ഷകരെ ഏറ്റവും കൂടുതൽ ചിരിപ്പിച്ചത് ഇന്ദ്രൻസും ഹരിശ്രീ അശോകനുമായിരുന്നു. ഉത്തമൻ- രമണൻ കോമ്പോ ഇന്നും ഹിറ്റാണ്.

അതായത് രമണ

പഞ്ചാബി ഹൗസിലെ ഹിറ്റ് ഡയലോഗുകളിൽ ഒന്നായിരുന്നു അതായത് രമണ എന്നുള്ള സംഭാഷണം. ചിത്രത്തിൽ പ്രേക്ഷകരെ ഏറ്റവും കൂടുതൽ ചിരിപ്പിച്ച ഡയലോഗുകളിൽ ഒന്നായിരുന്നു അത്. കിണറ്റിൻ ചുവട്ടിൽ ഇരുന്ന് മൂന്നു പേരും കൂടി പല്ലു തേയ്ച്ചു കൊണ്ട് തലേദിവത്തെ സ്വപ്നത്തെ കുറിച്ച് സംസാരിക്കുന്ന രംഗമാണിത്. സീൻ പോലെ തന്നെ ചിത്രത്തിലെ അതായത് രമണ എന്നുള്ള സംഭാഷണവും ശ്രദ്ധിക്കപ്പെട്ടിരുന്നു. എന്നാൽസീൻ ചിത്രത്തിൽ നിന്ന് ഒഴിവാക്കാൻ തീരുമാനിച്ചിരുന്നുവത്രേ.

ഒഴിവാക്കിയ കോമഡി രംഗം

സംവിധായകന്റെ ഉർജം എന്നത് വളരെ ഭയങ്കരമാണ്. ചിത്രത്തിലെ ഒരേ ഡയലോഗും സംവിധായകൻ തന്നെ ഇരുന്ന് ആസ്വദിച്ച് ചിരിക്കുമായിരുന്നു. ചിത്രത്തിന്റെ നീളം കൂടുമ്പോൾ ഏത് കളയണമെന്ന് അലോചിച്ച് വിഷമിക്കാറുണ്ട്. ആ കിണറ്റിൻ കരയിലെ രംഗവും അങ്ങനെ ഒഴിവാക്കിയ രംഗങ്ങളിൽ ഒന്നായിരുന്നു.

ഹരിശ്രീ അശോകന്റെ ഇടപെടൽ

ആ കിണറ്റിൻ കരയിലെ ആ ചെറിയ രംഗം എല്ലാവരും കൂടി ചേർന്ന് വലുതാക്കുകയായിരുന്നു. തലേദിവസത്തെ സ്വപ്നത്തെ കുറിച്ച് പറയുന്ന ആ രംഗം പിന്നീട് നമുക്ക് തന്നെ ഏറെ രസകരമായി തോന്നിയിരുന്നു. എന്നാൽ പിന്നീട് ഏതോ സീൻ എടുത്തപ്പോൾ ഇതങ്ങ് ഒഴിവാക്കുകയായിരുന്നു. പിന്നീട് ഹരിശ്രീ അശോകൻ പോയി ഒഴിവാക്കി തിരിച്ചെടുപ്പിക്കുകയായിരുന്നു.