2.o ബോക്‌സോഫീസ് തകര്‍ക്കും, തിയറ്ററുകളെ പൂരപ്പറമ്പാക്കി വമ്പന്‍ റിലീസ്! പ്രേക്ഷക പ്രതികരണമിങ്ങനെ

ആരാധകര്‍ക്ക് ആഘോഷിക്കാം

ചിട്ടിയുടെ മാസ് വരവോടെ ശങ്കര്‍ വീണ്ടും ട്രാക്കിലെത്തിയിരിക്കുകയാണെന്ന് പറയാം. ആരാധകര്‍ക്ക് ആഘോഷിക്കാനുള്ളതെല്ലാം സിനിമയിലുണ്ട്.

റേറ്റിംഗ്

രമേഷ് ബാല 2.oയ്ക്ക് അഞ്ചില്‍ നാല് ആണ് റേറ്റിംഗ് കൊടുത്തിരിക്കുന്നത്. ശരിക്കും നോക്കുകയാണെങ്കില്‍ സിനിമയിലെ നായകനെന്ന് പറയാന്‍ കഴിയുക അക്ഷയ് കുമാര്‍ അവതരിപ്പിച്ച കഥാപാത്രമാണ്.

ത്രിഡിയില്‍ തന്നെ കാണണം

2.o ത്രിഡിയില്‍ ഒരുക്കിയിരിക്കുന്ന സിനിമയാണ്. ദൃശ്യ വിസ്മയത്തിന് പ്രധാന്യം കൊടുത്തിരിക്കുന്ന സിനിമ എല്ലാവരും അങ്ങനെ തന്നെ കാണാണമെന്നാണ് ആരാധകന്‍ പറയുന്നത്. അതല്ലെങ്കില്‍ ആ അനുഭവം ലഭിക്കുകയില്ലെന്നും അദ്ദേഹം പറയുന്നു.

വേറെ ലെവല്‍

സിനിമ വേറെ ലെവല്‍ ആണെന്നാണ് പ്രേക്ഷക പ്രതികരണം. വേണമെങ്കില്‍ ഉടന്‍ തന്നെ 3.o എന്ന സിനിമ കൂടി വരുത്താം.

ഇന്ത്യയ്ക്ക് അഭിമാനിക്കാം

കിടിലന്‍ ദൃശ്യ വിസ്മയമുള്ള 2.o ഇന്ന്് ഇന്ത്യയില്‍ ലഭിക്കാവുന്നതില്‍ വെച്ച് ഏറ്റവും കിടിലന്‍ വിഷ്വല്‍ ട്രീറ്റാണ് ഉള്‍പ്പെടുത്തിയിരിക്കുന്നത്. ഹിന്ദി, തമിഴ് സിനിമയില്‍ ഒരുപാട് ഉയരങ്ങളിലാണ് സിനിമയുടെ സ്ഥാനമെന്നും സിനിമ കണ്ട ആരാധകന്‍ പറയുന്നു.

മാസ് ഹീറോയായി രജനി

ആരാധകരുടെ ട്വീറ്റുകളില്‍ നിന്നും തമിഴ്‌നാടിന്റെ തലൈവരെ മാസ് ഹീറോയായി വീണ്ടും തിരിച്ച് കിട്ടിയിരിക്കുകയാണെന്നാണ് പറയുന്നത്. രജനികാന്തിന്റെ അധ്വാനം സിനിമയില്‍ കാണാന്‍ കഴിയുന്നുണ്ടെന്നും ആരാധകര്‍ പറയുന്നു.

ഇത്രയും മതിയോ?

ചിലര്‍ സിനിമയിലെ വിഎഫ്എക്‌സിനെ കുറ്റം പറയുന്നുണ്ട്. എന്നാല്‍ ലോകത്ത് ലഭിക്കാവുന്നതില്‍ മികച്ച ക്വാളിറ്റിയുള്ളത് തന്നെയാണ് സിനിമയിലുള്ളത്. ഇന്ത്യന്‍ സിനിമയ്ക്ക് അഭിമാനിക്കുന്ന സിനിമയാണിതെന്നും ആരാധകന്‍ വ്യക്തമാക്കുന്നു.

തിരക്കഥയെ കുറിച്ച്

സംവിധാനത്തിനൊപ്പം എസ് ശങ്കര്‍ തന്നെയാണ് സിനിമയ്ക്ക് തിരക്കഥ ഒരുക്കിയിരിക്കുന്നത്. സിനിമ കണ്ടിരിക്കാന്‍ കഴിയുന്ന തരം തിരക്കഥയാണ് ചിത്രത്തിലുള്ളത്. 2.o ഹോളിവുഡ് മൂവിയുടെ ഫീലാണ് നമുക്ക് തരുന്നതെന്നാണ് പറയുന്നത്.

ആരാധകര്‍ സജീവം

വെളിപ്പിന് മുതൽ സിനിമ കാണാൻ സ്ത്രീകളും കുട്ടികളുമടക്കമുള്ള ആരാധകര്‍ സജീവമാണ്.

സിനിമയിലെ രജനികാന്തിന്റെ ഫസ്റ്റ് ലുക്ക് വന്നപ്പോൾ ആരാധകർക്ക് ആഘോഷിക്കാൻ മൂന്ന് മിനുറ്റ് സിനിമ തന്നെ നിർത്തി വെച്ചു.

മരണ മാസ്

സ്‌റ്റേഡിയത്തില്‍ നിന്നുള്ള സീന്‍ മരണമാസ് ആണെന്നാണ് ആദ്യം വരുന്ന പ്രതികരണം.

യന്തിരന്റെ തുടര്‍ച്ചയല്ല

യന്തിരന്‍ എന്ന ഹിറ്റ് സിനിമയുടെ രണ്ടാം ഭാഗമായി നിര്‍മ്മിച്ചതെങ്കിലും ആദ്യ ഭാഗത്തിന്റെ തുടര്‍ച്ചയല്ല സിനിമ. പ്രേക്ഷകര്‍ അത് പ്രതീക്ഷിച്ചെങ്കിലും യന്തിരനിലെ ചിട്ടിയും വസിഗരനും തന്നെയാണ് വ്യത്യസ്ത കഥയുമായി എത്തിയിരിക്കുന്നത്.

രജനികാന്തിന്റെ മേക്കോവര്‍

ചിത്രത്തില്‍ ഒന്നിലധികം ഗെറ്റപ്പുകളില്‍ രജനികാന്ത് ഉണ്ടെന്നുള്ളതാണ് മറ്റൊരു പ്രത്യേകത. സിനിമയുടെ പ്രമോയില്‍ രജനികാന്തിന്റെ ഒരു മേക്കോവര്‍ കാണിച്ചിരുന്നു. സിനിമ റിലീസിനെത്തിയതോടെയാണ് രജനികാന്തിന്റെ നാലോളം ഗെറ്റപ്പുകള്‍ പ്രേക്ഷകര്‍ കണ്ടത്.

ഐശ്വര്യ റായിയുടെ സാന്നിധ്യം

യന്തിരന്റെ പ്രധാന ആകര്‍ഷണം ലോകസുന്ദരി ഐശ്വര്യ റായി ആയിരുന്നെങ്കില്‍ 2.o യില്‍ എമി ജാക്‌സനാണ്.

ബിഗ് ബജറ്റ് ചിത്രം

2.o ഇന്ത്യന്‍ സിനിമയില്‍ പുതിയൊരു ചരിത്രം സൃഷ്ടിക്കാനുള്ള വരവായിരുന്നു. ബിഗ് ബജറ്റെന്ന് പറയുമ്പോള്‍ 600 കോടിയ്ക്ക് അടുത്തായിരുന്നു സിനിമയുടെ മുടക്ക് മുതല്‍. പ്രമോഷന്‍സും മറ്റ് ചിലവുകളെല്ലാം കണക്ക് കൂട്ടിയാണ് ഇത്രയും വലിയൊരു തുകയിലെത്തിയത്. ബോക്‌സോഫീസിലും ആ പ്രകടനം നിലനിര്‍ത്താന്‍ സിനിമയ്ക്ക് കഴിയുമെന്നാണ് വിശ്വസിക്കുന്നത്.