മമ്മൂട്ടിയില്‍ നിന്നും റസൂല്‍ പൂക്കുട്ടിയിലേക്ക്.. ആ ചിത്രത്തിലെ നായകവേഷം മാറി മറിഞ്ഞത് ഇങ്ങനെ!

തൃശ്ശൂര്‍ പൂരം ലൈവായി റെക്കോര്‍ഡ് ചെയ്യാന്‍ സാധിച്ചു

പൂരങ്ങളുടെ പൂരമായ തൃശ്ശൂര്‍ പൂരം ലൈവായി റെക്കോര്‍ഡ് ചെയ്യാന്‍ കഴിഞ്ഞതിന്റെ ചാരിതാര്‍ത്ഥ്യത്തിലാണ് താന്‍. വളരെ മുന്‍പേ മനസ്സിലുണ്ടായിരുന്നു ആഗ്രഹമായിരുന്നു ഇത്. അനേകം കലാകാരന്‍മാരുടെ ശബ്ദം ഒരേസമയം റെക്കോര്‍ഡ് ചെയ്യുകയെന്നത് അത്ര ഈസിയായ കാര്യമല്ല. കുറച്ച് ബുദ്ദിമുട്ടിയാണെങ്കിലും ഇക്കാര്യം സാധിച്ചതിന്റെ സന്തോഷത്തിലാണ് താനെന്ന് റസൂല്‍ പൂക്കുട്ടി പറഞ്ഞു.

മുന്‍പ് അറിഞ്ഞിരുന്നുവെങ്കില്‍

തൃശ്‌ര്‍ പൂരത്തെക്കുറിച്ച് നേരത്തെ അറിഞ്ഞിരുന്നുവെങ്കില്‍ അത് തന്റെ സിനിമയില്‍ ഉള്‍പ്പെടുത്തുമായിരുന്നുവെന്ന് സംവിധായകന്‍ ശങ്കറും വ്യക്തമാക്കി. ചെന്നൈയില്‍ വെച്ച് നടന്ന ഓഡിയോ ലോഞ്ചില്‍ പ്രമുഖരടക്കം നിരവധി പേര്‍ പങ്കുവെച്ചിരുന്നു.

വര്‍ഷങ്ങള്‍ക്ക് മുന്‍പ് കഥ പറഞ്ഞിരുന്നു

ഓസ്‌ക്കാര്‍ പുരസ്‌കാരം ലഭിച്ചതിന് ശേഷമുള്ള സ്വീകരണ ചടങ്ങുകള്‍ക്ക് ശേഷം തിരുവനന്തപുരത്തെത്തിയപ്പോള്‍ തന്നെ കാണാനെത്തിയ കുട്ടി പറഞ്ഞ കഥ കേട്ടിരുന്നു. അന്ന് മമ്മൂട്ടിയായിരുന്നു ആ കഥയിലെ നായകന്‍. എന്നാല്‍ വര്‍ഷങ്ങള്‍ക്ക് ശേഷം ആ സിനിമ യാഥാര്‍ത്ഥ്യമായപ്പോള്‍ നായകനായി താന്‍ തന്നെ എത്തുമെന്ന് കരുതിയിരുന്നില്ലെന്നും അദ്ദേഹം പറയുന്നു.

ഡോക്യുഫിക്ഷന്‍ വിഭാഗത്തില്‍

ഡോക്യു ഫിക്ഷന്‍ വിഭാഗത്തില്‍ ഉള്‍പ്പെടുത്താവുന്ന ചിത്രമാണ് ഒരു കഥൈ സൊല്ലട്ടുമ. ശബ്ദ വിന്യാസത്തിന്റെ അത്ഭുതങ്ങള്‍ കാട്ടി പ്രേക്ഷകരെ വിസ്മയിപ്പിച്ച റസൂല്‍ പൂക്കുട്ടി നായകനായി അരങ്ങറേുന്ന ചിത്രം കൂടിയാണിത്.