ദിലീപിനൊപ്പം മഞ്ജു വാര്യരും മത്സരിച്ച് അഭിനയിച്ചു, ആ ഭാവപ്രകടനം നോക്കി നിന്നുപോയെന്ന് സത്യന്‍ അന്തിക്കാട്

സല്ലാപത്തിന്‍റെ ചിത്രീകരണം

ലോഹിതദാസ് ചിത്രമായ സല്ലാപത്തിന്റെ ചിത്രീകരണം കാണാന്‍ പോയപ്പോഴുള്ള അനുഭവത്തെക്കുറിച്ചായിരുന്നു സംവിധായകന്‍ തുറന്നുപറഞ്ഞത്. സ്റ്റാര്‍ ആന്‍ഡ് സ്‌റ്റൈലിന് നല്‍കിയ അഭിമുഖത്തിനിടയിലായിരുന്നു അദ്ദേഹം മഞ്ജു വാര്യരെക്കുറിച്ച് പറഞ്ഞത്. ലോഹിതദാസായിരുന്നു സല്ലാപത്തിന്റെ സെറ്റിലേക്ക് സത്യന്‍ അന്തിക്കാടിനെ വിളിച്ചത്. സുന്ദര്‍ദാസ് സംവിധാനം ചെയ്്ത ചിത്രത്തിന് തിരക്കഥയൊരുക്കിയത് ലോഹിതദാസായിരുന്നു.

നാച്ചുറലാണ്

നന്നായി അഭിനയിക്കുന്നുണ്ടെന്നും, മഞ്ജു മിടുക്കിയാണെന്നും നാച്ചുറലായാണ് അഭിനയിക്കുന്നതെന്നും ലോഹിതദാസ് നേരത്തെ തന്നെ സത്യന്‍ അന്തിക്കാടിനോട് പറഞ്ഞിരുന്നു. ചിത്രീകരണത്തിനിടെ അവിടേക്ക് പോയി തല കാണിച്ചേക്കാമെന്നായിരുന്നു സത്യന്‍ അന്തിക്കാട് വിചാരിച്ചിരുന്നത്. ഒരു സീന്‍ കണ്ടിട്ട് പോവാമെന്നായിരുന്നു കരുതിയത്. എന്നാല്‍ ആ ദിവസത്തെ മുഴുവന്‍ രംഗങ്ങളും കണ്ടതിന് ശേഷമാണ് തിരിച്ച് പോന്നതെന്നും സംവിധായകന്‍ പറയുന്നു.

തൂവല്‍ക്കൊട്ടാരത്തില്‍

പുതുമുഖത്തിന്റെ ആശയക്കുഴപ്പമൊന്നുമില്ലാതെ സ്വഭാവികമായി ക്യാമറയ്ക്ക് മുന്നില്‍ പെരുമാറുന്ന മഞ്ജു വാര്യര്‍ തന്നെ അത്രയേറെ ആകര്‍ഷിച്ചിരുന്നുവെന്നും സത്യന്‍ അന്തിക്കാട് പറയുന്നു. ജയറാമും മഞ്ജു വാര്യരും പ്രധാന വേഷത്തിലെത്തിയ തൂവല്‍ക്കൊട്ടാരമെന്ന സിനിമ സംവിധാനം ചെയ്തത് സത്യന്‍ അന്തിക്കാടാണ്. ഈ ചിത്രത്തിലെ നായികയായി ഗംഭീര പ്രകടനമായിരുന്നു മഞ്ജു വാര്യര്‍ പുറത്തെടുത്തതെന്നും അദ്ദേഹം പറയുന്നു.

Recommended Video

മഞ്ജു വാര്യര്‍ പാടി കിംകിംകിംകിം എന്താണ് ?

ടി കെ രാജീവ് കുമാര്‍ പറഞ്ഞത്

മഞ്ജു വാര്യരുടെ അഭിനയത്തിന് മുന്നില്‍ കട്ട് പറയാന്‍ മറന്നുപോയ നിമിഷത്തെക്കുറിച്ച് പറഞ്ഞ് നേരത്തെ സംവിധായകനായ ടികെ രാജീവ് കുമാറും എത്തിയിരുന്നു. കണ്ണെഴുതി പൊട്ടും തൊട്ട് സിനിമയുടെ ചിത്രീകരണത്തിനിടയിലെ കാര്യങ്ങളെക്കുറിച്ചുള്ള തുറന്നുപറച്ചില്‍ അടുത്തിടെ വൈറലായി മാറിയിരുന്നു. ചിത്രത്തില്‍ ഗ്ലാമറസ് രംഗങ്ങളുണ്ടോയെന്നായിരുന്നു മഞ്ജു ചോദിച്ചതെന്നും ഇല്ലെന്നറിഞ്ഞതോടെ അഭിനയിക്കാന്‍ സമ്മതിക്കുകയായിരുന്നുവെന്നും അദ്ദേഹം പറഞ്ഞിരുന്നു.