ഇറങ്ങും മുന്‍പേ ചിലർ പരാജയപ്പെടുത്തിയ കുഞ്ചാക്കോ ബോബൻ സിനിമയെക്കുറിച്ച് ഷാഫി

സിനിമ ഇറങ്ങും മുന്‍പേ ചിലര്‍ സിനിമയെ വിലയിരുത്തുന്ന പ്രവണത ശരിയല്ല എന്ന് പറഞ്ഞുകൊണ്ടാണ് സംവിധായകൻ സിനിമയ്ക്ക് നേരിട്ട ദുർസ്ഥിതിയെ കുറിച്ച് പറഞ്ഞത്. ഞാന്‍ സംവിധാനം ചെയ്ത ‘101 വെഡിംഗ്സ്' എന്ന സിനിമയ്ക്ക് അങ്ങനെയൊരു അനുഭവം നേരിടേണ്ടി വന്നു. ഇറങ്ങും മുന്‍പേ സിനിമ മോശമാണെന്ന രീതിയില്‍ ചിലര്‍ അതിനെ വിലയിരുത്തി. കലവൂര്‍രവികുമാര്‍ രവി കുമാറായിരുന്നു സിനിമയ്ക്ക് വേണ്ടി തിരക്കഥ ഒരുക്കിയത്.

ആ സിനിമയ്ക്ക് പ്രശ്നങ്ങളുണ്ട് സമ്മതിക്കുന്നു. മികച്ച ഒരു കൊമേഴ്സ്യല്‍ സിനിമയാണെന്ന് പറയുന്നില്ല. എന്നിരുന്നാലും സിനിമ ഇറങ്ങും മുന്‍പേ അതിനെക്കുറിച്ച് മോശം അഭിപ്രായം പറയുന്നത് അംഗീകരിക്കാന്‍ കഴിയുന്ന കാര്യമല്ല. എനിക്ക് എപ്പോഴും കൊമേഴ്സ്യല്‍ സിനിമകള്‍ ചെയ്യാനാണ് ഇഷ്ടം. എല്ലാത്തരം സിനിമകളും ഇവിടെ വേണം. ഓരോരുത്തരും അവരവര്‍ക്ക് ഇഷ്ടമുള്ള സിനിമയാണ് ചെയ്യുന്നത്'. ഷാഫി അഭിമുഖത്തിൽ പറയുന്നു.

കുഞ്ചാക്കോ ബോബൻ,ജയസൂര്യ ബിജുമേനോൻ, സംവൃത, ഭാമ തുടങ്ങി വൻ താരനിര അണിനിരന്ന ചിത്രമാണ് 101 വെഡ്ഡിംഗ്സ് . മേക്കപ്പ്മാനും മമ്മൂട്ടി ചിത്രമായ വെന്നീസിലെ വ്യാപാരിക്ക് ശേഷം പുറത്തിറങ്ങിയ ചിത്രമായിരുന്നു ഇത്.. പ്രേക്ഷകരുടെ പ്രിയതാരങ്ങൾ അണിനിരന്ന ചിത്രത്തിനായി ഏറെ പ്രതീക്ഷയോടെയാണ് പ്രേക്ഷകർ കാത്തിരുന്നത്... തിയേറ്ററിൽ പ്രതീക്ഷിച്ച വിജയം നേടാനായില്ലെങ്കിലും മിനിസ്ക്രീനിൽ മികച്ച കാഴ്ചക്കാരെ സ്വന്തമാക്കൻ ചിത്രത്തിന് കഴിഞ്ഞിരുന്നു.

2020ൽ പ്രേക്ഷകർ ഏറ്റവും കൂടുതൽ ഗൂഗിളിൽ തിരഞ്ഞ മലയാളി താരങ്ങൾ

101 വെഡ്ഡിംഗ്സിന് ശേഷം ഷാഫി സംവിധാനം ചെയ്ത ചിത്രമായിരുന്നു 2 കൺട്രീസ്. സഹോദരൻ റാഫി തിരക്കഥ എഴുതിയ ചിത്രം വൻ വിജയമായിരുന്നു.. ദിലീപ്, മംമ്ത മോഹൻദാസ്, അജു വർഗീസ് എന്നിവരായിരുന്നു പ്രധാന വേഷത്തിലെത്തിയത്. ഇതിന് ശേഷം ബിജു മേനോൻ ചിത്രം ഷെർലക് ടോം, ഒരു പഴയ ബോബ് കഥ എന്നീ ചിത്രങ്ങൾ സംവിധാനം ചെയ്തിരുന്നു. 2019 ൽ പുറത്തിറങ്ങിയ ചിൽഡ്രൻസ് പാർക്കാണ് ഷാഫി സംവിധാനം ചെയ്ത അവസാന ചിത്രം. ധ്രുവ്,വിഷ്ണു ഉണ്ണികൃഷ്ണൻ, ഷറഫുദ്ദീൻ തുടങ്ങിയവരാണ് ചിത്രത്തിൽ പ്രധാന വേഷത്തിലെത്തിയത്. റാഫിയായിരുന്നു തിരക്കഥ