കേവലം കച്ചവടമായി കാണരുത്!! നടിമാരുടെ വസ്ത്രധാരണത്തിനെതിരെ പ്രശസ്ത സംഗീതജ്ഞൻ

പൊതുപരിപാടിയിൽ ഗ്ലാമറസ് വസ്ത്രങ്ങൾ വേണ്ട

പെതുപരിപാടിയിൽ എത്തുമ്പോൾ ഗ്ലാമറസ്സ് വസ്ത്രങ്ങൾ ഒഴിവാക്കണമെന്നാണ് എസ്പിബിയുടെ വാദം. താരങ്ങൾ മാന്യമായ വസ്ത്രം ധരിക്കാൻ തയ്യാറാകണമെന്നും അദ്ദേഹം പറഞ്ഞു. ഒരു പൊതുപരിപാടിയിൽ പങ്കെടുത്തപ്പോഴാണ് വീണ്ടും വസ്ത്രധാരണം ചർച്ച വിഷയമായത്. വസ്ത്രധാരണത്തിൽ നടിമാർ മാത്രമല്ല കുറ്റക്കാരെന്നും സംവിധായകനും നിർമ്മാതാവിനും ഇതിൽ പങ്കുണ്ടെന്നും അദ്ദേഹം തുറന്നടിക്കുന്നു.

അവരുടെ ലക്ഷ്യം കച്ചവടം

നിർമ്മാതാക്കളും സംവിധായകന്മാരും കാരണമാണ് സിനിമയിൽ നടിമാർ ഇത്തരത്തിലുളള വസ്ത്രം ധരിക്കുന്നത്. അതു കൊണ്ടാണ് അവർ പൊതുപരിപാടിയിലും ഗ്ലാമറസ്സ് വേഷങ്ങൾ തിരഞ്ഞെടുക്കുന്നതെന്നും അദ്ദേഹം പറ‍ഞ്ഞു.തെലുങ്ക് സംസ്കാരത്തെ പോലും മാനിക്കാത്തവരാണ് ഇത്തരക്കാർ. സിനിമയിൽ നിന്ന് ലഭിക്കുന്ന ലാഭം മാത്രമാണ് അവരുടെ ലക്ഷ്യമെന്ന് അദ്ദേഹം പറഞ്ഞു.

തെലുങ്ക് സിനിമയുടെ സംസ്കാരം

നല്ല സംസ്കാരം ഉയർത്തി പിടിച്ചിരുന്ന ഒരു കാലഘട്ടം തെലുങ്ക് സിനിമകൾക്കുണ്ടായിരുന്നു. സിനിമ എന്ന മാധ്യമത്തിന് സമൂഹവുമായി വളരെ വലിയ ബന്ധമാണുള്ളത്. സമൂഹത്തിനോട് ഏറെ പ്രതിബന്ധതയും ഉത്തരവാദിത്വവുമുണ്ട്. കേവലം ലാഭത്തിനു വേണ്ടി മാത്രം സംവിധായകന്മാരും നിർമ്മാതാക്കളും സിനിമയെ ഉപയോഗിക്കുന്നത് വളരെ ഖേദകരമാണെന്ന് അദ്ദേഹം കൂട്ടിച്ചേർത്തു.

ഗ്ലാമറസ് വേഷം

ബോളിവുഡ് കഴിഞ്ഞാൽ ഏറ്റവും കൂടുതൽ ഗ്ലാമറസ് വേഷത്തിൽ പ്രത്യക്ഷപ്പെടുന്നത് ടോളിവുഡ് താരങ്ങളാണ്. സിനിമയിൽ അതീവ ഗ്ലാമറസ്സായിട്ടും പൊതു നിരത്തിവും താരങ്ങൾ പ്രത്യക്ഷപ്പെടുന്നത്. ഇത് പല തവണ വൻ വിമർശനങ്ങൾക്ക് വഴിവെച്ചിരുന്നു. എന്നാൽ എസിപിബി ഈ വിഷയത്തിൽ ആദ്യമായിട്ടാണ് തന്റെ അഭിപ്രായം തുറന്ന് പറഞ്ഞിരിക്കുന്നത്. ഇത് ടോളിവുഡിൽ വലിയ ചർച്ചയ്ക്ക് വഴിവെച്ചിട്ടുണ്ട്.