ഹൃദയം നിറഞ്ഞ ആശംസകൾ!! മോദിക്ക് ആശംസയുമായി ലാലേട്ടൻ, സന്തോഷം പങ്കുവെച്ച് താരങ്ങൾ..

ആശംസകൾ

മോദിയുമായി മികച്ച ബന്ധം സൂക്ഷിക്കുന്ന വ്യക്തിയാണ് നടൻ മോഹൻലാൽ. മോദിയുടെ ഉയർച്ചകളം അഭിനന്ദിച്ച് താരം രംഗത്തെത്താറുണ്ട്. ഇപ്പോഴിത ലോക്സഭ തിരഞ്ഞെടുപ്പിൽ രണ്ടാ ഘട്ടവും മികച്ച വിജയം സ്വന്തമാക്കിയ മോദിയ്ക്ക് അഭിനന്ദവുമായി ലാലേട്ടൻ എത്തിയിട്ടുണ്ട്. ബഹുമാനപ്പെട്ട മോദി ജിയ്ക്ക് ഹൃദയം നിറഞ്ഞ ആശംസകൾ എന്നായിരുന്നു ലാലേട്ടന്റെ ട്വീറ്റ്.

ഈശ്വരൻ അനുഗ്രഹിക്കട്ടെ

മോദിയ്ക്ക് ആശംസയുമായി തെന്നിന്ത്യൻ സൂപ്പർ താരം രജനികാന്തും രംഗത്തെത്തിയിരുന്നു. ബഹുമാനപ്പെട്ട മോദി ജി , ഹൃദയം നിറഞ്ഞ അഭിനന്ദനങ്ങൾ. നിങ്ങൾ അത് സാധിച്ചെടുത്തു. ഈശ്വരൻ അനുഗ്രഹിക്കട്ടെ. എന്നിങ്ങനെയായിരുന്നു രജനിയുടെ ട്വീറ്റ്.

രാജ്യത്തിന്റെ ശക്തി

മോദിയ്ക്ക് അഭിനന്ദനവുമായി സംവിധായകൻ പ്രിയദർശനും എത്തിയിട്ടുണ്ട്. ഫേസ്ബുക്ക് പേജിലൂടെയായിരുന്നു പ്രിയദർശൻ മോദിയ്ക്ക് ആശംസ നേർന്നത്, നിങ്ങളാണ് എന്റെ രാജ്യത്തിന്റെ ശക്തി. ഹൃദയം നിറഞ്ഞ ആശംസകൾ എന്ന് പ്രിയദർശൻ ഫേസ്ബുക്കിൽ

അങ്ങയുടെ സന്ദേശത്തിന് നന്ദി

മോദിയ്ക്ക് അഭിനന്ദനവുമായി സംവിധാനകൻ അനുരാഗ് കശ്യപ് . മോദിയെ അഭിനന്ദിക്കുന്നതിനോടൊപ്പം തന്റെ മകൾക്ക് നേരിടേണ്ടി വന്ന സൈബർ ആക്രമണത്തെ കുറിച്ചും അത് എങ്ങനെ നേരിടണമെന്നതിനെ കുറിച്ചും സംവിധായകൻ ചോദിക്കുന്നുണ്ട്. മോദിസാറിന് അഭിനന്ദനങ്ങൾ. ഏവരേയും എന്തിനേയും ഉൾക്കൊളളണമെന്നുളള അങ്ങയുടെ സന്ദേശത്തിന് നന്ദി. അതോടൊപ്പം നിങ്ങളോട് അഭിപ്രായ വ്യത്യാസമുളള ആളെന്ന നിലയിൽ തനിയ്ക്ക് ഒരു കാര്യം കൂടി പറഞ്ഞു തരണം. നിങ്ങളുടെ വിജയമാഘോഷിക്കാൻ ഇത്തരത്തിലുളള സന്ദേശമയച്ച് എന്റെ മകളെ ഭീഷണിപ്പെടുത്തുന്ന നിങ്ങളുടെ അണികളെ എഎന്തു ചെയ്യണം. മകളുടെ ചിത്രത്തിനോടൊപ്പം പോസ്റ്റ് ചെയ്ത് അശ്ലീല കമന്റും അദ്ദേഹം ട്വിറ്ററിൽ ചേർത്തിട്ടുണ്ട്.

സ്ഥിരതയുളള സർക്കാരിന് വോട്ട് ചെയ്തു

തിരഞ്ഞെടുപ്പിൽ വിജയം നേടിയ പ്രധാനമന്ത്രി നരേന്ദ്രമോദിയെ അഭിനന്ദിച്ച് നടി പ്രീതി സിന്റ. ട്വിറ്റിലൂടെയാണ് താരം ആശംസ നേർന്നത്. ഇന്ത്യക്കാർ ശക്തമായ സ്ഥിരതയുള്ള സർക്കാരിന് വോട്ട് ചെയ്തു. എന്ത് ആവിശ്വസനീയമായ ജനവിധിയാണ്. എന്ത് അവിസ്മരണീയമായ വിജയമാണ് ബിജെപിക്കും ബഹുമാനപ്പെട്ട നരേന്ദ്രമോദിക്കും ലഭിച്ചതെന്ന് പ്രീതി സിന്റ ട്വീറ്ററിൽ കുറിച്ചു.

രണ്ടാം ഘട്ടം

നരേന്ദ്രമോദിയ്ക്ക് അഭിനന്ദനവുമായി നടൻ അക്ഷയ് കുമാർ രംഗത്തെത്തിയിട്ടുണ്ട്. ലോക് സഭ തിരഞ്ഞെടുപ്പിലെ ഉജ്ജ്വല വിജയത്തിന് ഹൃദയം നിറഞ്ഞ ആശംസ നേർന്നിട്ടുണ്ട്. രണ്ടാം ഘട്ടത്തിലും ഇതിലും മികച്ച നേട്ടങ്ങൾ ഉണ്ടാക്കാൻ സാധിക്കട്ടെ എന്നും താരം ട്വീറ്ററിൽ കുറിച്ചു. തിരഞ്ഞെടുപ്പിന് മുൻപ് അക്ഷയ് കുമാറും മോദിയുമായിട്ടുള്ള അഭിമുഖം ഏറെ ശ്രദ്ധിക്കപ്പെട്ടിരുന്നു.