ജാഡയാണോ എന്ന് ചോദിച്ചയാളോട് ദേഷ്യപ്പെടാനുളള കാരണം ഇതാണ്; അന്ന് സംഭവിച്ചതിനെ കുറിച്ച് സണ്ണി വെയ്ന്‍

നടന്റെ വാക്കുകള്‍ ഇങ്ങനെ... '' പൊതുവെ ഫോണില്‍ മെസേജുകള്‍ അധികം നോക്കാത്ത ആളാണ് ഞാന്‍. എപ്പോഴെങ്കിലും എവിടെ നിന്ന് എങ്കിലും നമ്പര്‍ തപ്പി പിടിച്ച് ആളുകള്‍ മെസേജ് അയക്കുമ്പോള്‍, നമ്മളോടുള്ള സ്നേഹം കൊണ്ടാണല്ലോ എന്ന് കരുതി പറ്റുമ്പോഴൊക്കെ മറുപടി കൊടുക്കാറുണ്ട്. എന്താ മറുപടി അയക്കാത്തത് എന്ന് ചോദിക്കുന്നവരോട് തിരക്കായിരുന്നു എന്ന് പറഞ്ഞ സാഹചര്യവും ഉണ്ട''്.

അന്ന് ഞാന്‍ മെന്റലി കുറച്ച് ഡൗണ്‍ ആയിരുന്നു. മറ്റ് ചില പ്രശ്നങ്ങള്‍ നേരിടുന്ന സമയത്താണ് ആ മെസേജ് വന്നത്. ആദ്യമൊന്നും ഞാന്‍ മൈന്റ് ചെയ്തില്ല. കുറേ നേരം മിണ്ടാതിരുന്നപ്പോള്‍, 'ജാഡയാണോടാ തനിക്ക്' എന്ന് ചോദിച്ച് കൊണ്ട് അയാള്‍ മെസേജ് അയച്ചു. അതുവരെയുള്ള എന്റെ സകല നിയന്ത്രണങ്ങളും പോയി. അപ്പോഴത്തെ എന്റെ മാനസിക അവസ്ഥയും അതായത് കൊണ്ട് അങ്ങനെ സംസാരിക്കേണ്ടി വന്നു- സണ്ണി വെയിന്‍ പറഞ്ഞു.

സണ്ണി വെയ്ന്‍ എന്ന പേര് വന്നതിനെ കുറിച്ചും നടന്‍ അഭിമുഖത്തില്‍ പറയുന്നുണ്ട്. എന്റെ റെക്കോഡിക്കല്‍ നെയിം സുജിത്ത് ഉണ്ണികൃഷ്ണന്‍ എന്നാണ്. കൂട്ടുകാരില്‍ ചിലര്‍ സണ്ണി എന്ന് വിളിക്കാറുണ്ട്. അതേ കൂട്ടുകാര്‍ തന്നെയാണ് എന്റെ ആദ്യ ചിത്രത്തിലും ഉണ്ടായിരുന്നത്. അവര്‍ അവിടെ വച്ച് സണ്ണി എന്ന് വിളിച്ചു. കൂടുതല്‍ സിമിലിയാരിറ്റിയ്ക്ക് വേണ്ടി ആ പേര് തന്നെ സ്‌ക്രീന്‍ നെയിം ആക്കാം എന്ന് തീരുമാനിച്ചു. പക്ഷെ സണ്ണി മാത്രം പോര എന്ന അഭിപ്രായം വന്നു. അന്ന് വയനാട്ടിലാണ് ഷൂട്ടിങ്. ഒരു ഓളത്തില്‍ സണ്ണി വെയിന്‍ എന്ന് അങ്ങ് ആക്കാം എന്ന് തീരുമാനിക്കുകയായിരുന്നു. അങ്ങനെയാണ് സുജിത്ത് ഉണ്ണികൃഷ്ണന്‍ സണ്ണി വെയ്ന്‍ ആയത് എന്ന് നടന്‍ പറയുന്നു

Recommended Video

Sreesanth Talks About Manju Warrier | FilmiBeat Malayalam

അഭിനയിക്കുന്നതിനോടൊപ്പം അപ്പന്റെ നിര്‍മ്മാണ പങ്കാളി കൂടിയാണ് സണ്ണി വെയ്ന്‍. ജോസ്‌കുട്ടി മഠത്തില്‍, രഞ്ജിത്ത് മണബ്രക്കാട്ട് എന്നിവര്‍ ചേര്‍ന്ന് ടൈനി ഹാന്‍ഡ്‌സ് പ്രൊഡക്ഷന്‍സിന്റെ ബാനറില്‍ സണ്ണി വെയിന്‍ പ്രൊഡക്ഷന്‍സുമായി ചേര്‍ന്ന് ചിത്രം നിര്‍മ്മിക്കുന്നത്.
സംവിധായകന്‍ മഞ്ജുവാണ് സിനിമയുടെ രചനയും നിര്‍വഹിക്കുന്നത്. ഒരു കുടുംബ പശ്ചാത്തലത്തിലുള്ള കഥയാണിത്. അനന്യ, ഗ്രേസ് ആന്റണി, പോളി വത്സന്‍, രാധിക രാധാകൃഷ്ണന്‍, അനില്‍ കെ ശിവറാം, വിജിലേഷ്, ഉണ്ണി രാജ, അഷ്‌റഫ്, ദ്രുപദ് കൃഷ്ണ എന്നിവരാണ് പ്രധാന വേഷത്തില്‍ എത്തുന്നത്.