ആക്ഷന്‍ ഹീറോ ബിജുവിലെ കഥാപാത്രം ചോദിച്ച് വാങ്ങിയതാണ്, സുരാജിന്‍റെ തുറന്നുപറച്ചില്‍ വൈറല്‍

രഞ്ജിയേട്ടനോട്

കോമഡി വേഷങ്ങള്‍ ചെയ്തു ചെയ്തു മടുത്തപ്പോഴാണ് രഞ്ജിയേട്ടനോട് എന്നെ ഒന്ന് രക്ഷപ്പെടുത്താമോ എന്ന് ചോദിക്കുന്നത്. ഇപ്പോള്‍ നീ കോമഡി കളിച്ചു നിറഞ്ഞു നില്‍ക്കുവല്ലേ അത് തുടരട്ടെ, നിന്നെ മാറ്റി പരീക്ഷിക്കണമെന്ന് തോന്നുമ്പോള്‍ അത് ഉണ്ടാവുക തന്നെ ചെയ്യുമെന്ന് പറഞ്ഞതോടെ എനിക്ക് ആത്മവിശ്വാസം കൂടി. രഞ്ജിയേട്ടന്‍ എനിക്ക് സ്പിരിറ്റില്‍ വേറിട്ട ഒരു വേഷവും നല്‍കി.

ആ വേഷം

ദേശീയ പുരസ്‌കാരം ലഭിച്ചു കഴിഞ്ഞു ആ അവാര്‍ഡ്‌ വീട്ടില്‍ കൊണ്ട് വെച്ചതല്ലാതെ കൂടുതല്‍ ആളുകള്‍ ആ സിനിമ കാണാത്തത് കൊണ്ട് അവരുടെ അംഗീകാരം എനിക്ക് ലഭിച്ചില്ല. ആക്ഷന്‍ ഹീറോ ബിജുവിലെ കഥാപാത്രം കണ്ടിട്ടാണ് പ്രേക്ഷകര്‍ എനിക്ക് അവാര്‍ഡ്‌ നല്‍കിയതെന്നും താരം പറയുന്നു. സുരാജിന്‍റെ കഥാപാത്രത്തിന് മികച്ച പിന്തുണയായിരുന്നു ലഭിച്ചത്.

ചോദിച്ച് വാങ്ങിയത്

എല്ലാ സിനിമയിലും നായകന്റെ കൂട്ടുകാരനായി കോമഡി പറഞ്ഞു മടുത്തപ്പോഴാണ് ഞാന്‍ രഞ്ജിയേട്ടനോട് ചാന്‍സ് ചോദിച്ചത്. ആക്ഷന്‍ ഹീറോ ബിജുവിലെ കഥാപാത്രവും എബ്രിഡ് ഷൈനിനോട് ചോദിച്ചു വാങ്ങിയതാണെന്നുമായിരുന്നു സുരാജ് പറഞ്ഞത്. ആക്ഷന്‍ ഹീറോ ബിജുവിലെ കഥാപാത്രത്തെ അവതരിപ്പിച്ചതിന് ശേഷമുള്ള കാര്യങ്ങളെക്കുറിച്ച് നേരത്തെയും താരം വാചാലനായിരുന്നു.

പടം കണ്ടിറങ്ങിയ കണ്ണൂരെ ഒറിജിനൽ മുരളിയുടെ പ്രതികരണം | Vellam Movie | FilmiBeat Malayalam

പവിത്രനായുള്ള വരവ്

പവിത്രന്‍ എന്ന കഥാപാത്രത്തെയായിരുന്നു സുരാജ് വെഞ്ഞാറമൂട് അവതരിപ്പിച്ചത്. താന്‍ വളര്‍ത്തിയ കുഞ്ഞ് കാമുകന്റേതായിരുന്നുവെന്ന് ഭാര്യ തുറന്നുപറഞ്ഞപ്പോഴുള്ള പവിത്രന്റെ മാനസികാവസ്ഥ അഭിനയിച്ച് ഫലിപ്പിച്ചിരുന്നു താരം. ചിത്രത്തിലെ ഒരു രംഗം ചിത്രീകരിച്ച് കഴിഞ്ഞപ്പോള്‍ എല്ലാവരും വന്ന് അഭിനന്ദിച്ചിരുന്നു. ആ അഭിനന്ദനങ്ങള്‍ നല്‍കിയ സന്തോഷം അത്രയും വലുമായിരുന്നു. പുരസ്‌കാരനേട്ടത്തിനും അപ്പുറത്തുള്ള സന്തോഷമായിരുന്നു അന്നുണ്ടായിരുന്നതെന്നും മുന്‍പ് താരം പറഞ്ഞിരുന്നു.