Don't Miss!
- News പോളിംഗ് ബൂത്തില് ചൂടൊന്നും പ്രശ്നമാകില്ല; എല്ലാ സൗകര്യവുമുണ്ടാകുമെന്ന് മുഖ്യ തിരഞ്ഞെടുപ്പ് ഓഫീസര്
- Automobiles ക്രാഷ് ടെസ്റ്റിൽ ഹോണ്ടയുടെ 'മാരുതി'യായി അമേസ്; ഇടിപ്പരീക്ഷയിൽ കിട്ടിയത് വെറും 2-സ്റ്റാർ റേറ്റിംഗ്
- Technology അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ
- Finance തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ്
- Lifestyle ദാമ്പത്യത്തില് വഴക്കുകള് പതിവ്, പരസ്പര വിയോജിപ്പ് അവസാനിപ്പിക്കാന് വേണ്ടത് ഈ 7 കാര്യം
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
- Sports T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
അന്ന് നിങ്ങളുടെ പടമാണ് ഞങ്ങള്ക്ക് പേടിയെന്ന് മമ്മൂക്ക പറഞ്ഞു, വെളിപ്പെടുത്തി ജയരാജ്
ഭരതന്റെ സംവിധാനത്തില് 1988ല് പുറത്തിറങ്ങിയ ക്ലാസിക്ക് ചിത്രമായിരുന്നു വൈശാലി. റിലീസ് ചെയ്ത് വര്ഷങ്ങള് കഴിഞ്ഞെങ്കിലും ഇന്നും പ്രേക്ഷക മനസുകളില് നിന്നും മായാതെ നില്ക്കുന്ന സിനിമ കൂടിയാണ് വൈശാലി. ചിത്രത്തിലെ കഥാപാത്രങ്ങളെല്ലാം പ്രേക്ഷകരുടെ ഹൃദയം കീഴടക്കിയിരുന്നു. വൈശാലിയായി സുപര്ണ ആനന്ദും ഋഷ്യശൃംഗനായി സഞ്ജയ് മിത്രയും ശ്രദ്ധേയ പ്രകടനമാണ് ചിത്രത്തില് കാഴ്ചവെച്ചത്.
ഒപ്പം പാര്വ്വതി ജയറാം, ബാബു ആന്റണി, ഗീത, നെടുമുടി വേണു, വികെ ശ്രീരാമന്, വല്സല മേനോന്, അശോകന്, നരേന്ദ്ര പ്രസാദ്, ജയലളിത തുടങ്ങിയവരും വെെശാലിയില് പ്രധാന വേഷങ്ങളില് അഭിനയിച്ചു. എംടി വാസുദേവന് നായരുടെ തിരക്കഥയിലാണ് സംവിധായകന് സിനിമ അണിയിച്ചൊരുക്കിയത്. പീരിയഡ് ഡ്രാമ വിഭാഗത്തില്പ്പെട്ട വൈശാലി തിയ്യേറ്ററുകളില് നിന്നും വലിയ വിജയമാണ് നേടിയത്.
സിനിമയിലെ പാട്ടുകളും ഒരുകാലത്ത് മോളിവുഡില് തരംഗമായി മാറിയിരുന്നു. അതേസമയം വൈശാലി റിലീസ് ചെയ്ത സമയത്ത് തന്നെയാണ് മമ്മൂട്ടിയുടെ 1921 എന്ന ചിത്രവും പുറത്തിറങ്ങിയത്. മലബാര് കലാപവുമായി ബന്ധപ്പെട്ട ഒരു ചരിത്ര കഥയുടെ സിനിമാവിഷ്കാരം കൂടിയായിരുന്നു 1921. മമ്മൂട്ടി നായകനായ ബിഗ് ബഡ്ജറ്റ് ചിത്രം ഐവി ശശിയാണ് സംവിധാനം ചെയ്തത്.
രണ്ട് സിനിമകളുടെയും റിലീസ് സമയത്ത് മമ്മൂക്ക തന്നോട് പറഞ്ഞ കാര്യം സംവിധായകന് ജയരാജ് ഒരഭിമുഖത്തില് വെളിപ്പെടുത്തിയിരുന്നു. കൗമുദി ടിവിയുടെ അഭിമുഖത്തിലാണ് ഇതേ കുറിച്ച് സംവിധായകന് സംസാരിച്ചത്. വൈശാലി ഇറങ്ങുന്ന സമയത്ത് തന്നെയായിരുന്നു മമ്മൂക്കയുടെ 1921 റിലീസെന്ന് ജയരാജ് പറയുന്നു.
അന്ന് ലാബിലെ ഞങ്ങളുടെ ഫൈനല് വര്ക്ക് നടക്കുമ്പോള് മമ്മൂക്കയെ കണ്ടിരുന്നു. അന്ന് ഞാന് മമ്മൂക്കയോട് പറഞ്ഞു, ഇക്ക ഞങ്ങളുടെ പടവും നിങ്ങളുടെ പടവും ഉണ്ട്. അപ്പോ മമ്മൂക്ക പറഞ്ഞു ഞങ്ങള്ക്ക് നിങ്ങളുടെ പടമാണ് പേടിയെന്ന്. കാരണം അന്ന് 1921 ഒരുപാട് പണം ചെലവഴിച്ച് ഒരുക്കിയ സിനിമയാണ്. ഞങ്ങള് പേടിക്കുന്നത് നിങ്ങളുടെ പടത്തെയാണ് എന്ന് മമ്മൂക്ക പറഞ്ഞു.
അപ്പോ ഭരതേട്ടന് പറഞ്ഞു ഞങ്ങള്ക്കാണ് പേടിയെന്ന്. ആ രീതിയിലായിരുന്നു അന്നത്തെ സംസാരം. പക്ഷേ ഇറങ്ങിയപ്പോ വൈശാലി ഭയങ്കര ഹിറ്റാണ്, ജയരാജ് പറഞ്ഞു. അന്നത്തെ കാലത്ത് ആകെയുളള പ്രൊമോഷന് എന്ന് പറയുന്നത് പോസ്റ്ററുകള് ഒട്ടിക്കുക എന്നതാണെന്നും സംവിധായകന് പറയുന്നു. പിന്നെ സിനിമാ മാഗസിനുകളില് ഒന്ന് രണ്ട് ഇന്റര്വ്യൂസ് വന്നാല് ആയി. ടിവി ചാനലുകളിലൂടെയുളള പരസ്യം ഇല്ല, റേഡിയോ പരസ്യം ഇല്ല. അന്ന് ഭരതേട്ടന്റെ തന്നെ പെയിന്റുങ്ങുകളായിരുന്നു വൈശാലിയുടെ പോസ്റ്ററുകള്. പോസ്റ്ററുകള് ഒട്ടിക്കുക എന്നത് മാത്രമായിരുന്നു ഞങ്ങളുടെ ആകെയുളള ആശ്രയം. ജയരാജ് പറഞ്ഞു.
പൃഥ്വിരാജിന്റെ നായികയുടെ ഗ്ലാമറസ് ചിത്രങ്ങള് വൈറല്
-
അക്ഷയ് കുമാറിനെ സൂക്ഷിക്കണം, പ്രമുഖ നടന് രാജേഷ് ഖന്ന മകള്ക്ക് നല്കിയ ഉപദേശം വീണ്ടും വൈറലാവുന്നു
-
'ആക്ടിങ് എന്നെക്കൊണ്ട് പറ്റുന്ന പരിപാടിയാണോയെന്ന് ഞാൻ ചിന്തിച്ചിരുന്നു, ഓവറായാൽ ഗിരീഷേട്ടൻ പറയും'; നസ്ലിൻ
-
ഒന്നെങ്കില് കാമുകി, അല്ലെങ്കില് സിനിമ! സംവിധായകന്റെ ഭീഷണിയെക്കുറിച്ച് സെയ്ഫ് അലി ഖാന്