ഇസ്ലാം മതം സ്വീകരിച്ചെന്ന വ്യാജ കഥ, ഏറെ കാലത്തെ ആ ആഗ്രഹവും സാധിച്ചു!

മലയാളത്തിലേക്ക്

1988ല്‍ പുറത്തിറങ്ങിയ പുരാവൃത്തം എന്ന ചിത്രത്തിലൂടെയാണ് ഓം പുരി മലയാളത്തില്‍ എത്തുന്നത്. ലെനിന്‍ രാജേന്ദ്രന്‍ രാജേന്ദ്രന്‍ സംവിധാനം ചെയ്ത ചിത്രത്തില്‍ രേവതി, ഇന്നസെന്റ്, കെഎപിഎസി ലളിത എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിച്ചത്.

ഇരുപത്തിയേഴ് വര്‍ഷങ്ങള്‍ക്ക് ശേഷം

പുരാവൃത്തത്തിന് ശേഷം ഒരു നീണ്ട ഇടവേളയ്ക്ക് ശേഷം ഓം പുരി വീണ്ടും മലയാളത്തില്‍ അഭിനയിച്ചു. കണ്ണന്‍ താമരക്കുളം സംവിധാനം ചെയ്ത ആടുപുലിയാട്ടം എന്ന ചിത്രത്തിലാണ് ഓം പുരി അഭിനിയിച്ചത്. ചിത്രത്തിലെ യോഗേന്ദ്രമുനി എന്ന കഥാപാത്രത്തെയാണ് അവതരിപ്പിച്ചത്.

ആ മോഹം

മലയാള സിനിമയില്‍ ഒരു കൊമേഷ്യല്‍ ചിത്രത്തില്‍ അഭിനയിക്കുക എന്നത് ഓം പുരിയുടെ ഏറെ നാളായുള്ള ആഗ്രമായിരുന്നു. ആടുപുലിയാട്ടത്തില്‍ അഭിനയിക്കാന്‍ അവസരം കിട്ടിയപ്പോള്‍ ആ ആഗ്രഹത്തെ കുറിച്ച് ഓം പുരി തുറന്ന് പറഞ്ഞിരുന്നു.

ഹാസ്യ നടന്‍

ഹാസ്യ നടനായി അഭിനയിച്ചും ഓം പുരി കഴിവ് തെളിയിച്ചിട്ടുണ്ട്. ചാച്ചി 420, ഹേര ഫേരി, ചോര്‍ മച്ചായെ ഷോര്‍, മാലാമല്‍ വീക്കിലി, സിങ് ഈസ് കിങ് തുടങ്ങിയവ ഹാസ്യ നടനായി ഓം പുരി അഭിനനയിച്ച ചിത്രങ്ങളാണ്.

ജനനം

ഹരിയാനയിലുള്ള അംബാനയിലാണ് ഓം പുരിയുടെ ജനനം. പഞ്ചാബിലും കുറച്ച് നാള്‍ താമസിച്ചിട്ടുണ്ട്. ഫിലിം ആന്റ് ടെലിവിഷന്‍ ഇന്‍സ്റ്റിറ്റ്യൂട്ട് ഓഫ് ഇന്ത്യ എന്ന സര്‍വ്വകലാശാലയില്‍ നിന്ന് ബിരുദം എടുത്ത ഓം പുരി ദില്ലിയിലെ നാഷ്ണല്‍ സ്‌കൂള്‍ ഓഫ് ഡ്രാമയിലും പഠിച്ചിട്ടുണ്ട്.

ഇസ്ലാം മതം സ്വീകരിച്ചത്

അടുത്തിടെ ഓം പുരി ഇസ്ലാം മതം സ്വീകരിച്ചതായി വാര്‍ത്തകളുണ്ടായിരുന്നു. എന്നാല്‍ വാര്‍ത്ത അടിസ്ഥാന രഹിതമാണെന്ന് പിന്നീട് ഓം പുരി തന്നെ വ്യക്തമാക്കിയിരുന്നു. ഒരു പാക് മാധ്യമത്തിന് നല്‍കിയ അഭിമുഖമായിരുന്നു ഈ തെറ്റായ വാര്‍ത്തയ്ക്ക് പിന്നിലെന്നും ഓം പുരി പറഞ്ഞിരുന്നു.