യുവതാരനിരയോടാണ് സുരാജ് ഏറ്റുമുട്ടുന്നത്, ഈയാഴ്ച തിയേറ്ററുകളിലേക്കെത്താന്‍ സാധ്യതയുള്ള സിനിമകള്‍,കാണൂ

യുവത്വത്തിന്റെ ആഘോഷവുമായി നാം

നവാഗതനായ ജോഷി തോമസ് സംവിധാനം ചെയ്ത ചിത്രമാണ് നാം. ക്യാംപസ് പശ്ചാത്തലത്തിലാണ് ചിത്രം ഒരുക്കിയിട്ടുള്ളത്. ചിത്രത്തിലെ ഗാനങ്ങള്‍ നേരത്തെ തന്നെ ശ്രദ്ധിക്കപ്പെട്ടിരുന്നു. രാഹുല്‍ മാധവ്, ശബരീഷ്, ടോണി ലൂക്ക്, അദിതി രവി, ഗായത്രി, നോബി തുടങ്ങിയവരാണ് ചിത്രത്തില്‍ അഭിനയിച്ചിട്ടുള്ളത്. വിനീത് ശ്രീനിവാസന്‍, ടൊവിനോ തോമസ്, ഗൗതം വാസുദേവ് മേനോന്‍ തുടങ്ങി നിരവധി പേരാണ് ചിത്രത്തില്‍ അതിഥിയായി എത്തുന്നത്.

നാം ട്രെയിലര്‍ കാണാം

നാം ട്രെയിലര്‍.

വ്യത്യസ്തമായ സിനിമയുമായി സുരാജ് വെഞ്ഞാറമൂട്

ജീന്‍ മാര്‍ക്കോസ് സംവിധാനം ചെയ്ത ചിത്രമാണ് കുട്ടന്‍പിള്ളയുടെ ശിവരാത്രി. കോണ്‍സ്റ്റബിള്‍ കുട്ടന്‍പിള്ളയെന്ന കഥാപാത്രവുമായി സുരാജ് വെഞ്ഞാറമൂട് ചിത്രത്തില്‍ എത്തുന്നുണ്ട്. മിഥുന്‍ രമേഷ്, ബിജു സോപാനം, രാജേഷ് ശര്‍മ്മ, കൊച്ചുപ്രേമന്‍, ശ്രിന്ദ തുടങ്ങി വന്‍താരനിര തന്നെ ചിത്രത്തില്‍ അണിനിരക്കുന്നുണ്ട്. ചിത്രത്തിന്റെ ട്രെയിലര്‍ ഏറെ ശ്രദ്ധിക്കപ്പെട്ടിരുന്നു.

കുട്ടന്‍പിള്ളയുടെ ശിവരാത്രി ട്രെയിലര്‍

കുട്ടന്‍പിള്ളയുടെ ശിവരാത്രി ട്രെയിലര്‍

പ്രേമസൂത്രവും പൂര്‍ത്തിയായി

വിനയ് ഫോര്‍ട്ടും ചെമ്പന്‍ വിനോദും പ്രധാന കഥാപാത്രങ്ങളായി എത്തിയ ഉറുമ്പുകള്‍ ഉറങ്ങാറില്ല എന്ന ചിത്രത്തിന് ശേഷം ജിജു അശോകന്‍ സംവിധാനം ചെയ്ത ചിത്രമാണ് പ്രേമസൂത്രം. ബാലു വര്‍ഗീസ്, ലിജി മോള്‍, ധര്‍മ്മജന്‍, സുധീര്‍ കരമന, ശ്രീജിത്ത് രവി, വെട്ടുകിളി പ്രകാശ് തുടങ്ങി വന്‍താരനിര തന്നെ ചിത്രത്തില്‍ അണിനിരക്കുന്നുണ്ട്. സിനിമയുടെ റിലീസ് നേരത്തെ തന്നെ വൈറലായിരുന്നു.

പ്രേമസൂത്രം ട്രെയിലര്‍ കണ്ടിരുന്നുവോ?

പ്രേമസൂത്രം ട്രെയിലര്‍.

അസ്‌കര്‍ അലിയും അപര്‍ണ്ണ ബാലമുരളിയും ഒരുമിച്ചെത്തുന്നു

സ്റ്റൈല്‍, ഇതിഹാസ തുടങ്ങിയ ചിത്രങ്ങള്‍ക്ക് ശേഷം ബിനു എസ് സംവിധാനം ചെയ്യുന്ന ചിത്രമാണ് കാമുകി. ആസിഫ് അലിയുടെ നായികയായതിന് പിന്നാലെയാണ് അപര്‍ണ്ണ മുരളി അസ്‌കര്‍ അലിക്കൊപ്പം എത്തുന്നത്. കോമഡിയും പ്രണയവും ഒരുമിച്ച് ചേര്‍ത്തൊരുക്കുന്ന സിനിമയുടെ വര്‍ക്കുകളെല്ലാം ഇതിനോടകം തന്നെ പൂര്‍ത്തിയായിക്കഴിഞ്ഞതാണ്.

കാമുകിയുടെ ട്രെയിലര്‍ ഇതാ

കാമുകിയുടെ ട്രെയിലര്‍ .

പോലീസ് ജൂനിയറും ലിസ്റ്റിലുണ്ട്

നരേന്‍ പ്രധാന വേഷത്തിലെത്തുന്ന ചിത്രമാണ് പോലീസ് ജൂനിയര്‍. സുരേഷ് ശങ്കറാണ് ചിത്രം സംവിധാനം ചെയ്തിട്ടുള്ളത്. പേര് സൂചിപ്പിക്കുന്നത് പോലെ തന്നെ സിനിമ പോലീസുകാരുടെ കഥയാണ് പറയുന്നത്. മിനിസ്‌ക്രീന്‍ പ്രേക്ഷകരുടെ പ്രിയതാരമായ ഷാനവാസ് (കുങ്കുമപ്പൂവ്) ഈ സിനിമയില്‍ പോലീസ് വേഷത്തിലെത്തുന്നുണ്ട്.

ദുല്‍ഖര്‍ സല്‍മാന്റെ മഹാനദി

മലയാളികളുടെ സ്വന്തം കുഞ്ഞിക്ക ഇപ്പോള്‍ തെലുങ്കരുടെ കൂടി പ്രിയതരമായി മാറിയിരിക്കുകയാണ്. മഹാനദി തെലുങ്ക് പതിപ്പ് കഴിഞ്ഞദിവസം റിലീസ് ചെയ്തിരുന്നു. ഇതിന് പിന്നാലെയാണ് ചിത്രത്തിന്റെ മലയാളം, തമിഴ് പതിപ്പുകള്‍ റിലീസിന് തയ്യാറെടുക്കുന്നത്. സാവിത്രിയുടെ ജീവിതകഥ പറയുന്ന ചിത്രത്തില്‍ ജെമിനി ഗണേശന്റെ വേഷത്തിലാണ് ദുല്‍ഖര്‍ എത്തുന്നത്.

ട്രെയിലര്‍ കാണാം

ട്രെയിലര്‍ കാണാം