മോഹന്‍ലാലിനെ വിറപ്പിച്ച റാവുത്തര്‍ വീണ്ടും മലയാളത്തില്‍ വരുമോ? താരത്തിന്റെ മറുപടി?

മലയാളത്തിലേക്ക് തിരിച്ചുവരുമോ?

നീണ്ട ഇടവേളയ്ക്ക് ശേഷം സിനിമയില്‍ സജീവമാവാനുള്ള തയ്യാറെടുപ്പിലാണ് ഉദയ് രാജ്കുമാര്‍. റാവുത്തറെ ന്ന കഥാപാത്രത്തിലൂടെയാണ് ഇദ്ദേഹം മലയാളികള്‍ക്ക് സുപരിചിതനായത്. തിരിച്ച് വരവിനെക്കുറിച്ച് അറിഞ്ഞപ്പോള്‍ മുതല്‍ മലയാള സിനിമയില്‍ എത്തുമോയെന്ന ചോദ്യമാണ് ആരാധകര്‍ ഉന്നയിക്കുന്നത്.

അവസരം ലഭിച്ചാല്‍ തിരിച്ചുവരും

മലയാളത്തില്‍ നിന്നും അവസരം ലഭിച്ചാല്‍ തിരിച്ചു വരുമെന്നാണ് താരം പറയുന്നത്. കേരളവും മലയാള സിനിമയേയും ഏറെ ഇഷ്ടമാണെന്ന് അദ്ദേഹം പറയുന്നു. റാവുത്തറെന്ന ഒരൊറ്റ കഥാപാത്രത്തിലൂടെയാണ് അദ്ദേഹം ഇന്നും ഓര്‍ക്കപ്പെടുന്നത്.

നീണ്ട ഇടവേളയ്ക്ക് ശേഷം അഭിനയിച്ചു

വിയറ്റ്‌നാം കോളനി റിലീസ് ചെയ്ത് നീണ്ട ഇടവേളയ്ക്ക് ശേഷം മനുഷ്യമൃഗം, വെനീസിലെ വ്യാപാരി തുടങ്ങിയ ചിത്രങ്ങളിലും അദ്ദേഹം അഭിനയിച്ചിരുന്നു. ജ്യുവല്‍ നായികയായി അഭിനയിക്കുന്ന തമിഴ് ചിത്രത്തിലൂടെയാണ് വീണ്ടും തിരിച്ച് വരുന്നത്.

റാവുത്തറിനെ ഇന്നും പ്രേക്ഷകര്‍ ഒാര്‍ത്തിരിക്കുന്നു

സിദ്ദിഖ് ലാല്‍ കൂട്ടുകെട്ടില്‍ പുറത്തിറങ്ങിയ വിയറ്റ്‌നാം കോളനിയിലെ റാവുത്തറെന്ന കഥാപാത്രത്തെ ചിത്രം കണ്ടവാരും മറന്നുകാണാനിടില്ല. വിജയ രംഗരാജുവാണ് ആ കഥാപാത്രത്തെ അവതരിപ്പിച്ചത്.

മോഹന്‍ലാലുമായുള്ള സംഘട്ടനരംഗം

കൃഷ്ണമൂര്‍ത്തിയും റാവുത്തറുമായുള്ള ഫൈറ്റ് ചിത്രത്തിന്റെ പ്രധാന സവിശേഷതകളിലൊന്നാണ്. വില്ലന്റെ വരവ് കാണുമ്പോള്‍ തന്നെ കോളനി നിവാസികള്‍ നടുങ്ങിയിരുന്നു.

ശബ്ദം നല്‍കിയത് മറ്റൊരു വില്ലന്‍

വില്ലന്‍ കഥാപാത്രങ്ങളിലൂടെ പ്രേക്ഷകര്‍ക്ക് സുപരിചിതനായി മാറിയ എന്‍എഫ് വര്‍ഗീസാണ് റാവുത്തറെന്ന കഥാപാത്രത്തിന് ശബ്ദം നല്‍കിയത്. ശരിക്കും റാവുത്തറാണ് സംസാരിക്കുന്നതെന്നായിരുന്നു പ്രേക്ഷകര്‍ വിശ്വസിച്ചിരുന്നത്.

വര്‍ഷങ്ങള്‍ക്ക് ശേഷം അദ്ദേഹത്തെ കണ്ടുമുട്ടി

അവതാരകയായി പ്രേക്ഷക മനസ്സില്‍ ഇടം നേടിയ ജുവല്‍ മേരിയാണ് വര്‍ഷങ്ങള്‍ക്ക് ശേഷം റാവുത്തറിനെ കണ്ടെത്തിയത്. മിനിസ്‌ക്രീനില്‍ ബിഗസ്‌ക്രീനിലേക്ക് പ്രവേസിച്ച ജുവലിന് നിറയെ സിനിമകളാണ് ലഭിച്ചുകൊണ്ടിരിക്കുന്നത്. ജുവലിന്റെ പോസ്റ്റ് സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്.