ഹോം

വിശേഷങ്ങൾ

താരവിവാഹങ്ങള്‍ ആരാധകരും ആഘോഷമാക്കി മാറ്റാറുണ്ട്. അത്തരത്തിലൊരു വിവാഹമായിരുന്നു കഴിഞ്ഞ ദിവസം നടന്നത്. മിനിസ്‌ക്രീനിലെയും ബിഗ് സ്‌ക്രീനിലെയും പ്രിയതാരങ്ങളെല്ലാം വിവാഹത്തില്‍ പങ്കെടുക്കാനെത്തിയിരുന്നു. മഹാലക്ഷ്മിയുടെ വിവാഹ ചടങ്ങില്‍ നിറഞ്ഞുനിന്നിരുന്ന താരങ്ങളിലൊരാളായിരുന്നു വിന്ദുജ മേനോന്‍. മകള്‍ക്കൊപ്പമായാണ് താരമെത്തിയത്. അതിഥികളെ സ്വീകരിക്കാനും മറ്റ് കാര്യങ്ങള്‍ക്കുമൊക്കെയായി ഓടി നടക്കാന്‍ താരം മുന്നിലുണ്ടായിരുന്നു. നീണ്ടനാളത്തെ കാത്തിരിപ്പിനൊടുവിലായി താരത്തെ പൊതുവേദിയില്‍ കണ്ടതിന്റെ സന്തോഷത്തിലായിരുന്നു ആരാധകര്‍. മഹാലക്ഷ്മിയും വിന്ദുജ മേനോനും ബന്ധുക്കളാണോയെന്ന ചോദ്യങ്ങളുമായാണ് ചിലരെത്തിയത്.

മഹാലക്ഷ്മിയും കുടുംബവുമായി അടുത്ത ബന്ധമാണ് തങ്ങള്‍ക്കുള്ളതെന്ന് വ്യക്തമാക്കി എത്തിയിരിക്കുകയാണ് താരമിപ്പോള്‍. സമയം മലയാളത്തിന് നല്‍കിയ അഭിമുഖത്തിനിടയിലായിരുന്നു വിന്ദുജ മേനോന്‍ മനസ്സുതുറന്നത്. തന്റെ കുഞ്ഞനുജത്തിയാണ് മഹാലക്ഷ്മി. അവളുടെ അച്ഛന്‍ തന്റെ കുടുംബത്തിലെ ഒരു അംഗം തന്നെയാണ്. ജീവിതത്തിലെ പല സന്തോഷനിമിഷങ്ങളും അറിഞ്ഞതും ആഘോഷിച്ചതുമെല്ലാം അദ്ദേഹത്തിനൊപ്പമാണ്. അമ്മ കേരള നാട്യ അക്കാദമി തുടങ്ങിയപ്പോള്‍ മുതല്‍ മൃദംഗിസ്റ്റായി അദ്ദേഹം ഒപ്പമുണ്ട്. മൂത്ത മകന്‍രെ സ്ഥാനത്താണ് അമ്മ അദ്ദേഹത്തെ കാണുന്നത്. ലക്ഷ്മിയുടെ വിവാഹത്തിനിടയില്‍ വെറുതെയിരിക്കാന്‍ തങ്ങള്‍ക്ക് കഴിയില്ല, അവളുടെ വിവാഹത്തില്‍ പങ്കെടുക്കുന്നതിന് വേണ്ടിയാണ് ഞാനും സഹോദരനുമൊക്കെ നാട്ടിലെത്തിയത്.

മഹാലക്ഷ്മി എന്ന പേര് എന്‍രെ അമ്മയാണ് തിരഞ്ഞെടുത്തത്. കുട്ടിക്കാലം മുതലുള്ള അവളുടെ വളര്‍ച്ച തങ്ങള്‍ കണ്ടതാണ്. അവള്‍ വലുമായി വിവാഹിതയായി മറ്റൊരു കുടുംബത്തിലേക്ക് പോവുമ്പോള്‍ കൈപിടിച്ചു കൊടുക്കാന്‍ എത്തുകയെന്നത് ഞങ്ങളുടെ കൂടി ഉത്തരവാദിത്തമാണ്. വിവാഹദിവസം ഇടയ്ക്ക് അമ്മ വിശ്രമിച്ചോളൂ എന്ന് മകള്‍ തന്നോട് പറഞ്ഞിരുന്നുവെങ്കിലും അങ്ങനെ ഇരിക്കേണ്ടവരല്ല തങ്ങളെന്ന് പറഞ്ഞപ്പോള്‍ അവളും എല്ലാത്തിനും ഒപ്പം ചേരുകയായിരുന്നുവെന്ന് വിന്ദുജ മേനോന്‍ പറയുന്നു.