ശരിക്കും ഭാര്യയോട് ഇതേ കുറിച്ച് ചോദിക്കുമ്പോഴാണ് വിഷമം വന്നത്; ഓൺസ്‌ക്രീനിലെ ഭാര്യയെ കുറിച്ച് നടന്‍ അനീഷ് രവി

ഒരുപാട് പേര്‍ അങ്ങനെ തെറ്റിദ്ധരിച്ചിരുന്നു. അനു ജോസഫ് ആണ് എന്റെ ഭാര്യ എന്ന് പലരും നേരിട്ട് ചോദിക്കുകയും ചെയ്തു. എനിക്കത് ഇറിറ്റേറ്റിങ് ആയി തോന്നിയിട്ടില്ല. ടിവിയില്‍ ഒരു ഷോ യിലേക്ക് വിളിക്കുമ്പോഴും ഉദ്ഘാടനത്തിന് വിളിക്കുമ്പോഴെല്ലാം ഒരുമിച്ചാണ് പോവുക. അതൊക്കെ ആ സ്പിരിറ്റിലേ എടുത്തിട്ടേ ഉണ്ടായിട്ടുള്ളൂ. ശല്യപ്പെടുത്തുന്ന തരം അനുഭവങ്ങളൊന്നും ഉണ്ടായിട്ടില്ല. പക്ഷെ ചിലര്‍ ഭാര്യയോട് ചോദിക്കുമ്പോഴാണ് എനിക്ക് സങ്കടം വരുന്നത്.

അവള്‍ എവിടെയെങ്കിലും പോയ സമയത്ത് എന്റെ ഭാര്യയാണെന്ന് പറയുമ്പോള്‍ ഓഹ്് നിങ്ങളാണല്ലേ. അപ്പോ അത് ആരാണെന്ന എന്ന രീതിയില്‍ ചോദിക്കാറട്ടുണ്ടെന്ന് അനീഷ് പറയുന്നു. ഇപ്പോള്‍ അങ്ങനെ ആരും ചോദിക്കാറില്ല. സാധാരണ എന്റെ അഭിമുഖങ്ങളില്‍ മാത്രമാണ് ഭാര്യയെ കൊണ്ട് വന്നിട്ടുള്ളു. എപ്പോഴും ലൊക്കേഷനില്‍ അങ്ങനെ കൊണ്ട് പോവാറില്ല.

പുള്ളിക്കാരിയും ജോലിയുടെ തിരക്കുകളില്‍ ജീവിക്കുകയാണ്. ലോക്ഡൗണ്‍ കാലത്ത് ഞാന്‍ സ്ഥിരം ഫേസ്ബുക്കില്‍ ലൈവില്‍ വരുമായിരുന്നു. അതില്‍ വീടും പരിസരവും ഭാര്യയും മക്കളുമെല്ലാം ഉള്‍പ്പെടും. അതോടെ ആളുകള്‍ക്ക് കുറച്ച് കൂടി മനസിലായി തുടങ്ങി. ജീവിതത്തില്‍ ഒരുപാട് പ്രതിസന്ധികള്‍ നേരിട്ട് കടന്നു വന്നിട്ടുള്ള ആളാണ് താന്‍ എന്നും അനീഷ് പറയുന്നു. ഇടക്കാലത്ത് വന്ന അസുഖത്തെ കുറിച്ചും താരം സൂചിപ്പിച്ചിരുന്നു.

Recommended Video

എയർപോർട്ടിൽ ബിഗ്‌ബോസ് ട്രോഫി പൊക്കി വീശുന്ന മണിക്കുട്ടനെ കണ്ടോ

ശരീരത്തില്‍ മുപ്പത് ശതമാനത്തോളം തീ പൊള്ളലേറ്റ അനുഭവത്തെ കുറിച്ചും താരം പറഞ്ഞു. ഷൂട്ടിങിനിടെയാണ് സംഭവം. ഒരു വീട് കത്തുന്നത് വെള്ളം ഒഴിച്ച് കെടുത്തുകയാണ് ഞാന്‍ ചെയ്യുന്നത്. അതിനിടെ ആര്‍ട്ടിലെ ഒരു പയ്യന്‍ വന്ന് മാറ്റി വെച്ചിരുന്ന പെട്രോള്‍ എടുത്ത് ഒഴിച്ചു. അത് ആളി വലിയൊരു ദുരന്തം ആയി. ഇരുപത്തി എട്ട് ദിവസം ആശുപത്രിയിലായിരുന്നു. അതിന് ശേഷം മിന്നു കെട്ട് എന്ന സീരിയലിലൂടെ തിരിച്ച് വരുന്നത്. ആ സമയത്താണ് ഒരു തലവേദന വന്നത്. ട്യൂബര്‍ കുലോമ എന്ന രോഗത്തോട് ഒന്നര വര്‍ഷത്തോളം പോരാടി ജീവിതം വീണ്ടെടുത്തതിനെ കുറിച്ചും അനീഷ് പറയുന്നു.