നല്ല അവസരങ്ങള്‍ വന്ന സമയം സിനിമ വിട്ടു, ചിത്ര മാറിനിന്നതിന് കാരണം ഇതാണ്

സിനിമയില്‍ ഇല്ലാത്ത സമയത്തും പ്രേക്ഷക മനസുകളില്‍ നിറഞ്ഞുനിന്ന താരമാണ് ചിത്ര. നായികയായി സജീവമായ സമയത്താണ് വര്‍ഷങ്ങള്‍ക്ക് മുന്‍പ് സിനിമ വിടാന്‍ നടി തീരുമാനിച്ചത്‌. പെട്ടെന്ന് അങ്ങനെ ഒരു തീരുമാനം എടുത്തതിന്റെ കാരണം ഒരഭിമുഖത്തില്‍ ചിത്ര തുറന്നുപറഞ്ഞിട്ടുണ്ട്. തനിക്ക് സിനിമയില്‍ നിന്ന് നല്ല അവസരങ്ങള്‍ ലഭിച്ച സമയത്താണ് അച്ഛന് വൃക്കരോഗം പിടിപ്പെട്ടതെന്ന് ഒരു പഴയ അഭിമുഖത്തില്‍ നടി പറയുന്നു.

രണ്ട് വൃക്കകളും തകരാറിലായ സമയത്ത് അദ്ദേഹം പേടിച്ചു. തുടര്‍ന്ന് എന്റെ വിവാഹം പെട്ടെന്ന് തന്നെ നടത്താന്‍ അച്ഛന്‍ തീരുമാനിക്കുകയായിരുന്നു. അച്ഛന്‍ പെട്ടെന്ന് മരിച്ചാല്‍ ഞാന്‍ ഒറ്റയ്ക്കായി പോവരുതെന്ന ചിന്തയിലാണ് അദ്ദേഹം അങ്ങനെ ഒരു തീരുമാനം എടുത്തത്. ശശികുമാര്‍ സംവിധാനം ചെയ്ത രാജവാഴ്ച എന്ന സിനിമയില്‍ ചിത്ര അഭിനയിക്കുന്ന സമയത്താണ് അമ്മയുടെ വിയോഗം.

അന്ന് താന്‍ അരികില്‍ ഇല്ലാതെ അച്ഛനും ലോകത്തോട് വിടപറയരുതെന്ന് നടി തീരുമാനിച്ചു.
തുടര്‍ന്ന്‌ അച്ഛനെ നോക്കുന്നതിനായി സിനിമ വിടാന്‍ തീരുമാനിക്കുകയായിരുന്നു ചിത്ര. അതേസമയം ബിസിനസ് മാന്‍ ആണ് ചിത്രയുടെ ഭര്‍ത്താവ് വിജയരാഘവന്‍. ഭര്‍ത്താവിനും കുടുംബത്തിനും ഇഷ്ടപ്പെടില്ലെന്ന് കരുതി നിരവധി നല്ല ഓഫറുകള്‍ നിരസിച്ചതായി നടി മുന്‍പ് പറഞ്ഞിട്ടുണ്ട്. എന്നാല്‍ ഭര്‍ത്താവ് പ്രൊഫഷന്‍ തുടരാനായി നടിയോട് പറഞ്ഞു.

അങ്ങനെ അദ്ദേഹത്തിന്‌റെ പ്രോല്‍സാഹനത്തിലാണ് വിവാഹ ശേഷം താന്‍ മഴവില്ല്, സുത്രധാരന്‍ എന്നീ സിനിമകള്‍ ചെയ്തതെന്നും ചിത്ര അഭിമുഖത്തില്‍ പറഞ്ഞു. തനിക്ക് ചെയ്യാന്‍ കഴിയുന്ന നല്ല വേഷങ്ങള്‍ ലഭിച്ചാല്‍ വീണ്ടും അഭിനയിക്കുമെന്ന് ചിത്ര വ്യക്തമാക്കിയിരുന്നു. അതേസമയം തമിഴ് സീരിയലുകളിലൂടെയും പ്രേക്ഷകരുടെ ഇഷ്ടം നേടിയിട്ടുണ്ട് ചിത്ര. സിനിമയില്‍ ഇല്ലാത്ത സമയത്ത് മിനിസ്‌ക്രീന്‍ രംഗത്താണ് ചിത്ര സജീവമായത്.

Recommended Video

നടി ചിത്ര മനസുതുറക്കുന്നു; തിരികെ മലയാളത്തിലേക്ക് | filmibeat Malayalam

ഗാനരംഗങ്ങളും ചിത്രയുടെ കരിയറില്‍ ഏറെ ശ്രദ്ധിക്കപ്പെട്ടു. അദ്വൈതം എന്ന മോഹന്‍ലാല്‍ ചിത്രത്തിലെ 'നീലക്കുയിലെ ചൊല്ലു' എന്ന ഗാനരംഗത്തില്‍ ലാലേട്ടനൊപ്പം നടി തിളങ്ങി. കൂടാതെ മലയാളത്തില്‍ വലിയ തരംഗമായ 'നാണമാകുന്നു മേനി നോവുന്നു' പാട്ട് രംഗങ്ങളും നടിയുടെതായി ശ്രദ്ധിക്കപ്പെട്ടു. മോഹന്‍ലാലിനൊപ്പം തന്നെയാണ് ഈ പാട്ട് സീനില്‍ നടി എത്തിയത്.