ഒരു വർഷമോടിയ മോഹൻലാൽ ചിത്രത്തിനൊപ്പം ഒരാഴ്ച മാത്രം ഓടിയ പ്രിയദർശൻ സിനിമ,പ്രേക്ഷകരെ ഞെട്ടിച്ച പരാജയം

1988 സമ്മർ റിലീസായി പ്രേക്ഷകർക്ക് മുന്നിലെത്തിയ ചിത്രം തിരുത്തപ്പെടാൻ കഴിയാത്ത റെക്കോർഡ് എഴുതി ചേർത്തു കൊണ്ടായിരുന്നു മലയാള സിനിമയിലെ ചരിത്രമായി മാറിയത്. പി കെ ആർ പിള്ള നിർമ്മിച്ച ചിത്രം വലിയ രീതിയിൽ ജനശ്രദ്ധ നേടിയതോടെ മോഹൻലാലിന്‍റെയും, പ്രിയദർശന്‍റെയും കരിയറിന് തന്നെ ചിത്രം വലിയൊരു ബ്രേക്കാവുകയായിരുന്നു. പക്ഷേ ആ വർഷം തന്നെ പ്രിയദർശൻ എന്ന സംവിധായകന് കയ്പ്പേറിയ മറ്റൊരു അനുഭവം നൽകിയ ചിത്രമായിരുന്നു ‘ഒരു മുത്തശ്ശിക്കഥ'. ഒരാഴ്ച മാത്രമായിരുന്നു തിയേറ്ററിലെ സിനിമയുടെ ആയുസ്സ്.

വളരെ പ്രതിസന്ധി നിറഞ്ഞ സിനിമയുടെ ചിത്രീകരണത്തിലേറെയും നടന്നത് കാസർകോട്ടായിരുന്നു. ബേക്കൽ ഫോർട്ട് ഉൾപ്പടെയുള്ള അതി മനോഹരമായ ലൊക്കേഷൻ നന്നായി ഉപയോഗപ്പെടുത്തിയ ചിത്രം കടലോര പശ്ചാത്തലത്തിൽ കഥ പറഞ്ഞ സിനിമയായിരുന്നു. മറ്റ് പ്രിയദർശൻ ചിത്രങ്ങൾ പോലെ വൻ താരനിരയായിരുന്നു ഈ സിനിമയിലും അണിനിരന്നത്. വിനീത് , കുതിരവട്ടം പപ്പു, ഗണേഷ്, ത്യാഗരാജൻ, സോമൻ, സുകുമാരൻ തുടങ്ങിയവരായിരുന്നു ചിത്രത്തിൽ പ്രധാന വേഷത്തിൽ എത്തിയത്.

അക്കാലത്തെ പ്രിയദർശൻ സിനിമകളെല്ലാം വലിയ ഹിറ്റ് സൃഷ്ടിച്ചപ്പോൾ അപൂർവ്വമായിരുന്നു ഒരു മുത്തശ്ശിക്കഥ എന്ന ചിത്രത്തിന്‍റെ പതനം. അന്ന് വലിയ മുതൽ മുടക്കിൽ നിർമ്മിച്ച ചിത്രത്തിന്‍റെ ബോക്സ് ഓഫീസ് പതനം പ്രേക്ഷകരെ സംബന്ധിച്ചും ഏറെ അപ്രതീക്ഷിതമായിരുന്നു.

1979 ൽ തിരനോട്ടം എന്ന ചിത്രത്തിലൂടെയായിരുന്നു പ്രിയദർശനും കരിയർ ആരംഭിച്ചത്. ആദ്യ ചിത്രം ഏറെ വേദന നൽകിയെങ്കിലും പിന്നീട് തിയേറ്ററുകളിൽ എത്തിയ പ്രിയൻ ചിത്രങ്ങളെല്ലാം റെക്കോഡുകൾ സ്വന്തമാക്കുകയായിരുന്നു. ഭൂരിഭാഗം പ്രിയദർശൻ ചിത്രങ്ങളിലേയും നായകൻ മോഹൻലാലാണ്. ആദ്യ ചിത്രം മുതൽ ഏറ്റവും ഒടുവിൽ പുറത്തു വന്ന ഒപ്പം വരെ എടുത്തു നോക്കുകയാണെങ്കിൽ ഇത് ദൃശ്യമാകുന്നണ്ട്. മോഹൻലാൽ- പ്രിയദർശൻ ചിത്രങ്ങൾ ഒരിക്കൽ പോലും പ്രേക്ഷകരെ നിരാശപ്പെടുത്തിയിട്ടില്ല.

Recommended Video

Mohanlal's next project is with B Unnikrishnan | Aarattu | Mohanlal

പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന മോഹൻലാൽ-പ്രിയദർശൻ ചിത്രമാണ് മരയ്ക്കാർ അറബിക്കടലിന്റെ സിംഹം. 2016 ൽ പുറത്തിറങ്ങിയ ഒപ്പത്തിന് ശേഷം ലാൽ- പ്രിയദർശൻ വീണ്ടും ഒന്നിക്കുന്ന ചിത്രമാണിത്. കുഞ്ഞാലി മരയ്ക്കാരുടെ കഥ പറയുന്ന ചിത്രത്തിൽ മരയ്ക്കാരായിട്ടാണ് ലാൽ എത്തുന്നത്. താരരാജവിനെ കൂടാതെ വൻ താരനിരയാണ് ചിത്രത്തിൽ അണിനിരക്കുന്നത്. കൊവിഡ് പ്രതിസന്ധിയെ തുടർന്ന് ചിത്രത്തിന്റെ റിലീസ് നീട്ടിവെച്ചിരിക്കുകയാണ്. തിയേറ്റർ റിലീസായിട്ടാകും മരയ്ക്കാർ എത്തുക.