ആദി കാണാന്‍ യുവാവ് കാണിച്ച അഭ്യാസം വൈറലാവുന്നു, ഇവനാരാ പ്രണവിന്റെ ഡ്യൂപ്പോ?

ആദി കാണാന്‍ പോയ യുവാവ്

ആദി റിലീസുണ്ടെന്ന കേട്ട് സിനിമ കാണാന്‍ പോവുന്ന ഒരു യുവാവിന്റെ വീഡിയോ ആണ് യൂട്യൂബിലൂടെ വൈറലാവുന്നത്. വീഡിയോ കാണുമ്പോള്‍ പ്രണവിന്റെ ഡ്യൂപ്പാണെന്നേ തോന്നു.

പാര്‍ക്കൗര്‍ അഭ്യാസം

ആദിയില്‍ പ്രണവ് ചെയ്യുന്നത് പോലെ പാര്‍ക്കൗര്‍ അഭ്യാസം കാണിച്ച് കൊണ്ടാണ് യുവാവ് സിനിമ കാണാന്‍ പോയത്. മതിലുകളുടെ മുകളിലൂടെ ചവിട്ടി കയറിയും കെട്ടിടങ്ങളുടെ മുകളിലൂടെയും ചാടി മറിഞ്ഞാണ് യുവാവ് തിയറ്ററുകളിലേക്കെത്തിയത്.

പ്രണവ് പഠിച്ചത്

സിനിമയ്ക്ക് വേണ്ടി വിദേശത്ത് നിന്നും പാര്‍ക്കൗര്‍ അഭ്യാസം പഠിച്ചിട്ടാണ് പ്രണവ് സിനിമയിലെ രംഗങ്ങള്‍ മനോഹരമാക്കിയത്. ഹോളിവുഡ് സിനിമകളില്‍ കാണിക്കാറുണ്ടെങ്കിലും ഇത്തരം അഭ്യാസ രംഗങ്ങള്‍ കേരളത്തില്‍ പുതുമയുള്ളതാണ്.

പ്രദര്‍ശനം തുടരുന്നു

ജനുവരി 26 തിയറ്ററുകളിലേക്കെത്തിയ ആദിയ്ക്ക് മികച്ച പ്രതികരണമായിരുന്നു കിട്ടിയത്. കേരളത്തില്‍ മാത്രം 200 തിയറ്ററുകളിലായിരുന്നു സിനിമ പ്രദര്‍ശനത്തിനെത്തിയത്. കൊച്ചി മള്‍ട്ടിപ്ലെക്‌സിലും സിനിമയ്ക്ക് വലിയ സ്വീകരണമാണ് കിട്ടിയിരിക്കുന്നത്.

ആദിയുടെ ജൈത്രയാത്ര

സിനിമ റിലീസായി മൂന്ന് ദിവസം കഴിയുമ്പോഴെക്കും ആദി മോശമില്ലാത്ത പ്രകടനമാണ് കാഴ്ച വെച്ചിരിക്കുന്നത്. കൊച്ചി മള്‍ട്ടിപ്ലെക്‌സില്‍ നിന്നും 21.9 ലക്ഷമാണ് സിനിമ സ്വന്തമാക്കിയിരിക്കുന്നത്.