അര്‍ച്ചന കവിയും ഭര്‍ത്താവ് അബീഷും വേര്‍പിരിഞ്ഞു? വിവാഹമോചനം ശരിവെച്ച് സോഷ്യല്‍മീഡിയ, ചര്‍ച്ചകള്‍ ഇങ്ങനെ

അര്‍ച്ചനയും അബീഷും

അര്‍ച്ചന കവി മാത്രമല്ല ഭര്‍ത്താവായ അബീഷും പ്രേക്ഷകര്‍ക്ക് പരിചിതനാണ്. സ്റ്റാന്‍ഡപ് കൊമേഡിയന്‍ കൂടിയായ അബീഷിനൊപ്പമുള്ള വീഡിയോയും ചിത്രങ്ങളുമെല്ലാം പങ്കുവെക്കാറുണ്ട് അര്‍ച്ചന. ഇവര്‍ ഇരുവരും വേര്‍പിരിഞ്ഞുവന്ന തരത്തിലുള്ള റിപ്പോര്‍ട്ടുകളായിരുന്നു സോഷ്യല്‍ മീഡിയയിലൂടെ പ്രചരിക്കുന്നത്. ഇതേക്കുറിച്ചുള്ള ചര്‍ച്ചകളും സജീവമായി നടക്കുന്നുണ്ട്. ഇരുവരും പിരിഞ്ഞുവെന്നുള്ള കാര്യം സത്യമാണെന്നാണ് ചിലര്‍ പറയുന്നത്. ഈ വാര്‍ത്ത ശരിയാണന്നും വിശ്വസിക്കാമെന്നുള്ള കമന്റുകളുമുണ്ട്.

പ്രണയവിവാഹം

പ്രണയവിവാഹമായിരുന്നു ഇവരുടേത്. അടുത്ത സുഹൃത്തുക്കളായി മാറിയ ഇരുവരും പ്രണയത്തിലാവുകയായിരുന്നു പിന്നീട്. കുട്ടിക്കാലം മുതലേ തന്നെ ഇരുവരും സുഹൃത്തുക്കളായിരുന്നു. അബീഷിന്റെ പ്രണയം തുടക്കത്തില്‍ നിരസിച്ചുവെങ്കിലും പിന്നീട് വിവാഹത്തിന് സമ്മതം അറിയിക്കുകയായിരുന്നു താരം. ഇവരുടെ വിവാഹനിശ്ചയ വീഡിയോയും ചിത്രങ്ങളുമെല്ലാം വൈറലായി മാറിയിരുന്നു. അടുത്ത ബന്ധുക്കളും സുഹൃത്തുക്കളുമൊക്കെയായിരുന്നു വിവാഹത്തില്‍ പങ്കെടുത്തത്.

അസാന്നിധ്യം

അര്‍ച്ചനയുടെ യൂട്യൂബ് വീഡിയോയില്‍ അബീഷിന്റെ സാന്നിധ്യവുമുണ്ടാവാറുണ്ട്. വീഡിയോയില്‍ കാണാതെ വന്നതോടെയാണ് ഇവര്‍ ഇരുവരും വേര്‍പിരിഞ്ഞുവെന്ന തരത്തിലുള്ള ചര്‍ച്ചകളും തുടങ്ങിയത്. ഇവരുടെ വിവാഹ വീഡിയോയ്ക്ക് കീഴിലും ഇതേക്കുറിച്ചുള്ള ചര്‍ച്ചകളുണ്ടായിരുന്നു. ഇരുവരും വേര്‍പിരിഞ്ഞുവെന്നുള്ളത് ശരിയാണ് എന്നാണ് ചിലരുടെ കമന്റിടുന്നത്. കേട്ടത് സത്യമായിരിക്കല്ലേയെന്ന് പ്രാര്‍ത്ഥിക്കുന്നുവെന്നായിരുന്നു ചിലരുടെ കമന്റുകള്‍.

Recommended Video

അർച്ചന കവി എവിടെയാണ്? | filmibeat Malayalam

ചൂടന്‍ ചര്‍ച്ച

വിവാഹവും വിവാഹമോചനവുമെല്ലാം എന്നും വാര്‍ത്തയാവാറുണ്ട്. പ്രണയിച്ച് വിവാഹിതരായവും അറേഞ്ച്ഡ് മാര്യേജ് നടത്തിയവരുമെല്ലാം വേര്‍പിരിയുമ്പോള്‍ വാര്‍ത്തയാവാറുണ്ട്. അര്‍ച്ചന കവിയും അബീഷും വിവാഹമോചിതരായതിനെക്കുറിച്ചുള്ള ചര്‍ച്ചകളും സോഷ്യല്‍ മീഡിയയില്‍ നടക്കുന്നുണ്ട്. പരസ്പരമുള്ള പഴിചാരലുകളില്ലാതെയാണ് ഇരുവരും വേര്‍പിരിഞ്ഞതെന്നാണ് ഒരുവിഭാഗം പറയുന്നത്. വിവാഹമോചന വാര്‍ത്തകളില്‍ പ്രതികരണവുമായി ഇരുവരും എത്തുന്നതിനായി കാത്തിരിക്കുന്നവരുമുണ്ട്.