ദയ അശ്വതി രണ്ടാമതും വിവാഹിതയായി; ഭര്‍ത്താവിനൊപ്പമുള്ള ചിത്രങ്ങളുമായി താരം, ആരാധകര്‍ കാത്തിരുന്ന ഉണ്ണി ഇതാണ്

ബിഗ് ബോസില്‍ നിന്ന് പുറത്ത് വന്നത് മുതലാണ് താന്‍ മറ്റൊരു പ്രണയത്തിലാണ്. വിവാഹം കഴിക്കും എന്ന തരത്തില്‍ ദയ പറഞ്ഞത്. പലപ്പോഴും സോഷ്യല്‍ മീഡിയയില്‍ ഫോട്ടോസും പങ്കുവെക്കാറുണ്ട്. ഉണ്ണി എന്നാണ് അദ്ദേഹത്തിന്റെ പേരെന്നും നടി തന്നെ വ്യക്തമാക്കി. കഴിഞ്ഞ ദിവസമാണ് വിവാഹശേഷമുള്ളത് പോലെ സിന്ദൂരം തൊട്ട് ഭര്‍ത്താവിനൊപ്പം നില്‍ക്കുന്ന ചിത്രങ്ങള്‍ വരുന്നത്. താന്‍ വിവാഹിതയായെന്ന് സൂചിപ്പിച്ച് സ്റ്റാറ്റസും മാറ്റിയിരുന്നു. അതേ സമയം ഇതുമായി ബന്ധപ്പെട്ട് കൂടുതല്‍ കാര്യങ്ങള്‍ ദയ വ്യക്തമാക്കിയിട്ടില്ല.

ഉണ്ണിയെ കെട്ടിപ്പിടിച്ചും ടാറ്റു എടുത്തതുമൊക്കെയുള്ള ചിത്രങ്ങളും ഫേസ്ബുക്ക് പേജില്‍ നിറഞ്ഞ് കിടക്കുകയാണ്. ഇതോടെ ആശംസകള്‍ അറിയിച്ച് പ്രിയപ്പെട്ടവരും ആരാധകരുമെല്ലാം എത്തി. ഇത് സത്യമാണോ, എല്ലാ തവണത്തെയും പോലെ പറ്റിക്കുന്നതാണോ തുടങ്ങി നിരവധി അഭിപ്രായങ്ങളാണ് ദയയുടെ രണ്ടാം വിവാഹത്തെ കുറിച്ച് വരുന്നത്.

പാലക്കാട് സ്വദേശിനിയായ ദയ അശ്വതി നേരത്തെ വിവാഹിതയും രണ്ട് കുട്ടികളുടെ അമ്മയുമാണ്. പതിനാറാമത്തെ വയസിലായിരുന്നു ആദ്യ വിവാഹം. എന്നാല്‍ അഞ്ച് വര്‍ഷത്തോളം നീണ്ട ദാമ്പത്യം പിന്നീട് അവസാനിപ്പിച്ചു. ബിഗ് ബോസില്‍ വന്നതിന് ശേഷമാണ് വിവാഹജീവിതം പാതി വഴിയില്‍ അവസാനിക്കാനുണ്ടായ കാരണത്തെ കുറിച്ചും മക്കള്‍ എവിടെയാണെന്നുമൊക്കെ ദയ വിശദമാക്കിയത്. മക്കള്‍ രണ്ട് പേരും ഭര്‍ത്താവിനൊപ്പമാണ്. അദ്ദേഹം മറ്റൊരു വിവാഹം കഴിച്ച് മക്കള്‍ക്കൊപ്പം സന്തോഷമായി കഴിയുകയാണെന്നും താരം പറഞ്ഞിട്ടുണ്ട്.

Recommended Video

മമ്മൂക്കയുടെ വെളിപ്പെടുത്തൽ.. CBI 5 ഷൂട്ട് ചെയ്യാൻ പോവുകയാണ് | FilmiBeat Malayalam

മലയാള സിനിമകളില്‍ ജൂനിയര്‍ ആര്‍ട്ടിസ്റ്റായി അഭിനയിച്ചിട്ടുണ്ട്. ബ്യൂട്ടീഷ്യന്‍ കോഴ്‌സ് പഠിച്ച് ബഹ്‌റൈനില്‍ ജോലി ചെയ്ത് വരികയായിരുന്നു. ആ സമയത്താണ് ബിഗ് ബോസില്‍ പങ്കെടുക്കാനുള്ള അവസരം കിട്ടുന്നത്. കഴിഞ്ഞ ജനുവരിയില്‍ ആരംഭിച്ച ഷോ കൊറോണ കാരണം പാതി വഴിയില്‍ അവസാനിപ്പിച്ചതോടെ നടി നാട്ടിലെത്തി. ശേഷം കൊച്ചിയില്‍ വന്ന് ഒരു ഫ്‌ളാറ്റെടുത്ത് താമസിക്കുകയായിരുന്നു. വരും ദിവസങ്ങളില്‍ നടി തന്നെ കൂടുതല്‍ വിശേഷങ്ങള്‍ പങ്കുവെക്കുമെന്ന് കരുതാം.