മമ്മൂട്ടിക്ക് പകരമാണ് മോഹന്‍ലാലിനെ ക്ഷണിച്ചത്, ഇപ്പോ മോഹന്‍ലാലിനും സമയമില്ല, ബിലാത്തിക്കഥ വൈകും!

ബിലാത്തിക്കഥ വൈകുമെന്ന് റിപ്പോര്‍ട്ടുകള്‍

മോഹന്‍ലാല്‍ രഞ്ജിത് ടീമിന്റെ ബിലാത്തിക്കഥ തുടങ്ങാന്‍ വൈകുമെന്നുള്ള റിപ്പോര്‍ട്ടുകളാണ് ഇപ്പോള്‍ ലഭിക്കുന്നത്. മോഹന്‍ലാലിന് ഡേറ്റില്ലാത്തതാണ് സിനിമ വൈകിപ്പിക്കുന്നതെന്നും റിപ്പോര്‍ട്ടുകളുണ്ട്.

യുവതാരങ്ങളെ അണിനിരത്തി

ഇതാദ്യമായാണ് യുവതാരനിരയെ അണിനിരത്തി രഞ്ജിത് സിനിമയൊരുക്കുന്നത്. മണിയന്‍ പിള്ള രാജുവിന്റെ മകനായ നിരഞ്ജും അനു സിതാരയുമാണ് ചിത്രത്തിലെ നായികാനായകന്‍മാര്‍.

നേരത്തെ അറിയിച്ചത്

അടുത്ത മാസം ചിത്രീകരണം ആരംഭിക്കുമെന്നുള്ള വിവരങ്ങളായിരുന്നു നേരത്തെ ലഭിച്ചത്. എന്നാല്‍ ജൂണിലേ സിനിമ ആരംഭിക്കുള്ളൂവെന്ന റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്.

അതിഥി വേഷത്തില്‍ എത്തുന്നു

മോഹന്‍ലാല്‍ അതിഥിയായി എത്തുന്ന മൂന്നാമത്തെ സിനിമയാണ് ബിലാത്തിക്കഥ. നിവിന്‍ പോളി റോഷന്‍ ആന്‍ഡ്രൂസ് ടീമിന്റെ കായംകുളം കൊച്ചുണ്ണിയില്‍ ഇത്തിക്കര പക്കിയായി മോഹന്‍ലാല്‍ എത്തുന്നുണ്ട്. രജീഷ് മിഥില സംവിധാനം ചെയ്യുന്ന വാരിക്കുഴിയിലെ കൊലപാതകത്തിലും അദ്ദേഹം അതിഥിയായി എത്തുന്നുണ്ട്.

മോഹന്‍ലാലിന്റെ തിരക്ക്

മോഹന്‍ലാലിന്റെ ഡേറ്റ് ലഭിക്കാത്തതാണ് ചിത്രം വൈകാന്‍ കാരണമെന്നും റിപ്പോര്‍ട്ടുകളുണ്ട്. മോഹന്‍ലാലായിത്തന്നെയാണ് അദ്ദേഹം ഈ ചിത്രത്തില്‍ പ്രത്യക്ഷപ്പെടുന്നത്.

മറ്റ് താരങ്ങള്‍

കനിഹ, ജ്യുവല്‍ മേരി, കലാഭവന്‍ ഷാജോണ്‍, ദിലീഷ് പോത്തന്‍,കോട്ടയം നസീര്‍ എന്നിവരും ചിത്രത്തില്‍ അണിനിരക്കുന്നുണ്ട്. പ്രശാന്ത് നായരാണ് ചിത്രത്തിന്റെ ക്യാമറാമാന്‍. വര്‍ണ്ണചിത്രയുടെ ബാനറില്‍ മഹാസുബൈറാണ് ചിത്രം നിര്‍മ്മിക്കുന്നത്.