പുഷ്പയുടെ രണ്ടാം ഭാ​ഗത്തിൽ നിന്നും ഫഹദ് ഫാസിൽ പിന്മാറി, കാരണം വിജയ് സേതുപതിയോ? സത്യം ഇതാണ്!

പൊലീസ് ഉദ്യോ​​ഗസ്ഥനായ ഭൻവർ സിങ് ശെഖാവത്ത് എന്ന കഥാപാത്രത്തെയാണ് ഫ​ഹദ് അവതരിപ്പിച്ചത്. അതേസമയം രണ്ടാം ഭാ​ഗത്തിന്റെ ഷൂട്ടിങ് ആരംഭിക്കാനിരിക്കെ ഫഹദ് ഫാസിൽ സിനിമയിൽ നിന്നും പിന്മാറിയെന്നുള്ള വിവരങ്ങളാണ് പുറത്ത് വരുന്നത്.

വിജയ് സേതുപതിയും പുഷ്പയിൽ ഭാ​ഗമായതാണ് പിന്മാറ്റത്തിന് കാരണമെന്നും റിപ്പോർട്ടുകളുണ്ട്. വിജയ് സേതുപതിയും ഫഹദ് ഫാസിലും ഇന്ത്യയിലുടനീളം ഡിമാൻഡുള്ള രണ്ട് തിരക്കുള്ള തെന്നിന്ത്യൻ അഭിനേതാക്കളാണ്.

അടുത്തിടെ ലോകേഷ് കനകരാജ് സംവിധാനം ചെയ്ത കമൽഹാസന്റെ വിക്രം എന്ന സിനിമയിൽ ഇരുവരും സ്‌ക്രീൻ സ്പേസ് പങ്കിട്ടിരുന്നു.

ഇരുവരും മികച്ച പ്രകടനമാണ് സിനിമയിൽ കാഴ്ചവെച്ചത്. അതുകൊണ്ട് കൂടിയാണ് കമൽഹാസൻ ചിത്രം വിക്രം വലിയ വിജയമായത്.

സുകുമാർ സംവിധാനം ചെയ്ത അല്ലു അർജുന്റെ പുഷ്പയുടെ ആദ്യ ഭാ​ഗത്തിൽ ഫഹദ് ഫാസിൽ ശക്തമായ കഥാപാത്രത്തെ അവതരിപ്പിച്ചെങ്കിലും അവസാന അരമണിക്കൂറിൽ മാത്രമാണ് അദ്ദേഹം സ്ക്രീനിൽ പ്രത്യക്ഷപ്പെട്ടത്.

എസ്.പി ഭൻവർ സിങ് ശെഖാവത്തായുള്ള ഫഹദിന്റെ കൂടുതൽ പ്രകടനം രണ്ടാം ഭാ​ഗത്തിൽ കൂടുതൽ കാണാമെന്ന പ്രതീക്ഷയിൽ പ്രേക്ഷകർ കാത്തിരിക്കുമ്പോഴാണ് ഫഹദ് സിനിമയിൽ നിന്നും പിന്മാറിയെന്ന റിപ്പോർട്ട് വരുന്നത്.

രണ്ടാംഭാഗത്തിൽ ഏറെ പ്രാധാന്യമുള്ള ഒരു വില്ലൻ കഥാപാത്രത്തെയാണ് വിജയ് സേതുപതി അവതരിപ്പിക്കാൻ പോകുന്നത്.

പുഷ്പ സംവിധായകൻ സുകുമാറിൻറെ അടുത്ത സുഹൃത്താണ് വിജയ് സേതുപതി. വിക്രത്തിലെ തന്റെ സഹ​താരം പുഷ്പയിലും അഭിനയിക്കുന്നതാണ് ഫഹദിന്റെ പിന്മാറ്റത്തിന് കാരണമെന്നും റിപ്പോർട്ടുണ്ട്.

ഇത്തരം വാർത്തകൾ വരുമ്പോഴും പുഷ്പയിൽ നിന്നും ഫഹദ് പിന്മാറിയിട്ടില്ലെന്നാണ് അണിയറപ്രവർത്തകരോട് അടുത്ത വൃത്തങ്ങൾ പറയുന്നത്.

ചിത്രത്തിൽ ക്ലീൻ ഷേവ് ചെയ്ത തലയുമായി താരം പ്രത്യക്ഷപ്പെടുന്നതിനാൽ തന്റെ ഭാഗങ്ങൾ പൂർത്തിയാക്കുന്നത് വരെ പുതിയ ചിത്രങ്ങളിൽ അഭിനയിക്കുന്നതും ഫഹദ് നിർത്തിയെന്നും റിപ്പോർട്ടുണ്ട്.

Blesslee's Sister Reacts: ബ്ലെസ്ലിയെ കാണാൻ പറ്റാതെ പെങ്ങൾ, പിന്നെ ഒരു മിന്നായംപോലെ.. | *BiggBoss

പുഷ്പയിൽ ഫഹദിന്റെ റോളിലേക്ക് ആദ്യം തിരഞ്ഞെടുത്തത് വിജയ് സേതുപതിയെ ആയിരുന്നു. എന്നാൽ വെളിപ്പെടുത്താത്ത കാരണങ്ങളാൽ അദ്ദേഹം ആ റോൾ നിരസിച്ചു.

ശേഷമാണ് ഇപ്പോൾ രണ്ടാം ഭാ​ഗത്തിലേക്ക് വരാൻ സമ്മതിച്ചത്. പുഷ്പയിൽ രശ്മിക മന്ദാനയായിരുന്നു നായിക. അതേസമയം വിജയ് സേതുപതിയുടെ കാസ്റ്റിംഗ് സംബന്ധിച്ച് ഒഫിഷ്യൽ അനൗൺസ്‍മെൻറ് ഇനിയും പുറത്തെത്തിയിട്ടില്ല.

കഥാപാത്രത്തെ സേതുപതിക്ക് ഇഷ്ടമായെങ്കിലും ഡേറ്റിൻറെ ലഭ്യത ഒരു പ്രശ്നമായി അവശേഷിക്കുന്നുവെന്ന് റിപ്പോർട്ടുകളുണ്ട്.