Click it and Unblock the Notifications
രണ്ബീറിന്റെ വിവാഹാഭ്യര്ത്ഥന കത്രീന നിരസിച്ചു?
എന്തുമാത്രം വാര്ത്തയാണ് പ്രണയത്തിന്റെ പേരില് രണ്ബീര് കപൂറും കത്രീന കെയ്ഫും സൃഷ്ടിച്ചത്. സ്പെയിനില് അവധിക്കാലം ആഘോഷിക്കാന് പോവുകയും കടല്ത്തീരത്ത് വച്ച് പാപ്പരാസികളുടെ ക്യാമറയില് കുടുങ്ങുകയും ചെയ്ത കത്രീനയുടെ ബിക്കിനി ചിത്രങ്ങളും രണ്ബീറിന്റെ അര്ദ്ധനനഗ്ന ചിത്രങ്ങളും നെറ്റില് ദിവസങ്ങളോളും ചൂടന് വിഭവമായിരുന്നു.
വിദേശത്തും സ്വകാര്യത നല്കാത്ത പാപ്പരാസികളുടെ രീതിയ്ക്കെതിരെ കത്രീന അതിശക്തമായിട്ടായിരുന്നു തിരിച്ചെത്തിയപ്പോള് പ്രതികരിച്ചത്. ഇത്രയേറെ പ്രശ്നങ്ങള് നടന്നിട്ടും തങ്ങള് പ്രണയത്തിലാണോയെന്നകാര്യം കത്രീനയും രണ്ബീറും വ്യക്തമാക്കുകയും ചെയ്തിരുന്നില്ല. സ്പെയിന് വെക്കേഷന് കഴിഞ്ഞയുടന് തന്നെ രണ്ബീറിനൊപ്പം കത്രീന പിന്നീട് ശ്രീലങ്കയിലെ ലൊക്കേഷനിലേയ്ക്കും യാത്രചെയ്തിരുന്നു. ഇത്രയൊക്കെ ആയപ്പോള് കത്രീനയും രണ്ബീറും ഉടന് വിവാഹിതരാകുമെന്നുള്ള രീതിയില് വാര്ത്തകള് വന്നുതുടങ്ങി.
2014ല് വിവാഹനിശ്ചയം നടക്കുമെന്നായിരുന്നു വാര്ത്തകള്. പക്ഷേ ഇപ്പോള് കേള്ക്കുന്നത് കത്രീനയെ വിവാഹം കഴിയ്ക്കുകയെന്നുള്ള രണ്ബീറിന്റെ പദ്ധതി പൊളിഞ്ഞുവെന്നാണ്. തനിയ്ക്ക് വിവാഹത്തില് വലിയ താല്പര്യമില്ലെന്നാണേ്രത കത്രീനയുടെ നിലപാട്. രണ്ബീര് തന്റെ ജന്മദിനത്തിലാണത്രേ കത്രീനയോട് വിവാഹാഭ്യര്ത്ഥന നടത്തിയത്. എന്നാല് അത് കത്രീന പൂര്ണമായും നിരസിച്ചുവെന്നാണ് ഇപ്പോല് ബോളിവുഡില് പറഞ്ഞുകേള്ക്കുന്നത്.
പ്രണയമാകാമെന്നും വിവാഹജീവിതത്തിലേയ്ക്ക് കടക്കാന് തനിയ്ക്ക് താല്പര്യമില്ലെന്നുമാണത്രേ കത്രീന പറഞ്ഞത്. വിവാഹത്തിലും വലുതായി താന് കാണുന്നത് സിനിമയെയാണെന്നും കത്രീന രണ്ബീറിനോട് പറഞ്ഞുവെന്നാണ് സൂചന.
Continue with Google