ജീന്‍ പോള്‍ ലാല്‍ ചിത്രത്തില്‍ നായകനായി പൃഥ്വിരാജ്? ചിത്രമൊരുങ്ങുന്നത് ബിഗ് ബഡ്ജറ്റില്‍!!

ജീന്‍ പോള്‍ ചിത്രത്തില്‍ പൃഥ്വി

ലാലിന്റെ മകന്‍ ജീന്‍ പോള്‍ ലാല്‍ സംവിധാനം ചെയ്യുന്ന പുതിയ ചിത്രത്തിലാണ് പൃഥ്വി നായകനാവുന്നത്. ഹണി ബീ എന്ന ആദ്യ ചിത്രത്തിലൂടെ ശ്രദ്ധേയനായ സംവിധായകനാണ് ജീന്‍ പോള്‍ ലാല്‍. ഹണീ ബിക്ക് ശേഷം ചിത്രത്തിന്റെ രണ്ടാം ഭാഗവും ഹായ് ഐഎം ടോണി എന്നൊരു ചിത്രവും ജീന്‍ പോള്‍ സംവിധാനം ചെയ്തിരുന്നു. ജീന്‍ ഇതുവരെ സംവിധാനം ചെയ്ത ചിത്രങ്ങളില്‍ നിന്നും വ്യത്യസ്തമാണ് പൃഥ്വിരാജിനൊപ്പമുളളത് എന്നാണറിയുന്നത്.

ബിഗ് ബഡ്ജറ്റ് ചിത്രം

പൃഥ്വരാജിനെ നായകനാക്കി ഒരു ബിഗ് ബഡ്ജറ്റ് ചിത്രമാണ് ജീന്‍ പോള്‍ ലാല്‍ ഒരുക്കുന്നതെന്നാണ് അറിയുന്നത്. തിരക്കഥാകൃത്തും സംവിധായകനുമായ സച്ചിയാണ് ചിത്രത്തിനു വേണ്ടി സ്‌ക്രിപ്റ്റ് എഴുതുന്നത്. ജീ്ന്‍ പോള്‍ സംവിധാനം ചെയ്യുന്ന നാലാമത്തെ ചിത്രം കൂടിയായിരിക്കും പൃഥ്വിരാജിനൊപ്പമുളളത്. അടുത്ത വര്‍ഷം ഫ്രെബ്രുവരിയിലായിരിക്കും ചിത്രത്തിന്റെ ഷൂട്ടിംഗ് ആരംഭിക്കുകയെന്നും റിപ്പോര്‍ട്ടുകള്‍ സൂചിപ്പിക്കുന്നു. ചിത്രത്തിന്റെ ഔദ്യോഗിക പ്രഖ്യാപനം ഉടനുണ്ടാവുമെന്നും അറിയുന്നു.

9

കമലിന്റെ മകന്‍ ജെനൂസ് മുഹമ്മദ് സംവിധാനം ചെയ്യുന്ന പൃഥ്വിരാജ് ചിത്രമാണ് 9. സയന്‍ ഫിക്ഷന്‍ സിനിമയായി ഒരുങ്ങുന്ന ചിത്രത്തില്‍ ഒരു ശാസ്ത്രഞ്ജന്റെ വേഷത്തിലാണ് പൃഥ്വി എത്തുന്നത്. മംമ്താ മോഹന്‍ദാസും വാമിഖ ഗബ്ബിയുമാണ് ചിത്രത്തില്‍ നായികമാരായി എത്തുന്നത്. ചിത്രത്തിന്റെ ഷൂട്ടിംഗ് നേരത്തെ പൂര്‍ത്തിയായതായി റിപ്പോര്‍ട്ടുകള്‍ വന്നിരുന്നു. 2019 ഫ്രെബ്രുവരി ആറിനാണ് ചിത്രം തിയ്യേറ്ററുകളിലേക്ക് എത്തുന്നത്. പൃഥ്വിരാജ് പ്രൊഡക്ഷന്‍സും സോണി പിക്‌ചേഴ്‌സും ചേര്‍ന്നാണ് ചിത്രത്തിന്റെ നിര്‍മ്മാണം

ആടു ജീവിതം

ബ്ലെസി സംവിധാനം ചെയ്യുന്ന ആടു ജീവിതം പൃഥ്വിയുടെ ആരാധകര്‍ ആകാംക്ഷയോടെ കാത്തിരിക്കുന്ന ചിത്രമാണ്. ബെന്യാമിന്റെ നോവലിനെ ആസ്പദമാക്കിയൊരുക്കുന്ന ചിത്രത്തിന്റെ ആദ്യ ഷെഡ്യൂള്‍ നേരത്തെ പൂര്‍ത്തിയായിരുന്നു. അമലാ പോളാണ് ചിത്രത്തില്‍ നായികയായി എത്തുന്നത്. ചിത്രത്തിന്റെ അടുത്ത ഷെഡ്യളുകള്‍ ഗള്‍ഫില്‍ വെച്ചായിരിക്കും ഉണ്ടാവുക. വിനീത് ശ്രീനിവാസന്‍,അപര്‍ണ ബാലമുരളി.സന്തോഷ് കീഴാറ്റൂര്‍,ലെന തുടങ്ങിയവരും ചിത്രത്തില്‍ അഭിനയിക്കുന്നുണ്ട്

ബ്രദേഴ്‌സ് ഡേ

കലാഭവന്‍ ഷാജോണിന്റെ ആദ്യ സംവിധാന സംരഭമായ ബ്രദേഴ്‌സ് ഡേയാണ് പൃഥ്വിയുടെതായി അണിയറയില്‍ ഒരുങ്ങുന്ന മറ്റൊരു ചിത്രം. ഹാസ്യത്തിന് പ്രാധാന്യം നല്‍കിയുളെളാരു എന്റര്‍ടെയ്‌നറായിരിക്കും സിനിമ. ചിത്രത്തിന്റെ പ്രഖ്യാപനം പൃഥ്വിയുടെ പിറന്നാള്‍ ദിനമായിരുന്നു നടന്നത്. പിറന്നാള്‍ ദിനത്തില്‍ ബ്രദേഴ്‌സ് ഡേയുടെ ടൈറ്റില്‍ പോസ്റ്റര്‍ അണിയറപ്രവര്‍ത്തകര്‍ പുറത്തുവിട്ടിരുന്നു