കുഞ്ഞായിരിക്കുമ്പോൾ തൊട്ട് ഒരേ ഹെയർ സ്റ്റെെൽ, ആരാധ്യയുടെ ഹെയർ സ്റ്റെെൽ മാറ്റാത്തതെന്തെന്ന് ആരാധകർ

പതിയെ ബോളിവുഡിലേക്ക് ചുവട് വെച്ച ഐശ്വര്യ പിന്നീട് മുൻനിര നായിക നടി ആയി. ഹിന്ദി സിനിമകളിൽ പുതിയൊരു തരം​ഗം ഉണ്ടാക്കാൻ ഐശ്വര്യക്ക് കഴിഞ്ഞു. ഐശ്വര്യയുടെ അഭിനയം വലിയ മെച്ചമില്ല എന്ന് നിരൂപകർ വിമർശിച്ചപ്പോഴും നടിയെ തേടി കൈ നിറയെ അവസരങ്ങൾ വന്നു. ​ദേവദാസ്, ​ഗുസാരിഷ്.

രാവണൻ തുടങ്ങിയ സിനിമകളിൽ മികച്ച പ്രകടനം കാഴ്ച വെച്ച ഐശ്വര്യ ചില സിനിമകളിൽ‌ ആരാധകരെ നിരാശപ്പെടുത്തുകയും ചെയ്തു. എന്നാൽ സിനിമകളുടെ വിജയ പരാജയത്തിന് അപ്പുറം ആയിരുന്നു ഐശ്വര്യയുടെ താരപ്രഭ.

49 കാരിയായ നടിക്ക് കരിയറിൽ വിജയവും പരാജയവും ഒരു പോലെ വന്നിട്ടുണ്ട്. എന്നാൽ അന്നും ഇന്നും ഐശ്വര്യ റായ് എന്ന പേരിന് പകരം മറ്റൊരു താരം ഉയർന്ന് വന്നിട്ടില്ല. ഐശ്വര്യയുടെ ഏറ്റവും ഒടുവിൽ റിലീസ് ചെയ്ത പൊന്നിയിൻ സെൽവനാണ്. നാല് വർഷത്തെ ഇടവേളയ്ക്ക് ശേഷമാണ് ഐശ്വര്യ ബി​ഗ് സ്ക്രീനിലേക്ക് എത്തിയത്. സിനിമ വൻ വിജയം ആയിരുന്നു. സുപ്രധാന കഥാപാത്രത്തെ ആണ് ഐശ്വര്യ സിനിമയിൽ അവതരിപ്പിച്ചത്.

ഇപ്പോഴിതാ ഐശ്വര്യ റായുടെ മകളുടെ ചിത്രമാണ് സോഷ്യൽ മീഡിയയിൽ ശ്രദ്ധ നേടുന്നത്. ആനന്ദ് അംബാനിയുടെ എൻ​ഗേജ്മെന്റ് പാർട്ടിക്കാണ് ഐശ്വര്യ റായ് മകൾ ആരാധ്യക്കൊപ്പം എത്തിയത്. അമ്മയ്ക്കൊപ്പം സുന്ദരി ആയാണ് ആരാധ്യ എത്തിയത്.

പൊതുവെ അമ്മയുടെ കൈയിൽ തൂങ്ങിയ കൊച്ചു കുട്ടി ആയാണ് ആരാധ്യയെ മാധ്യമങ്ങൾക്ക് മുന്നിൽ കണ്ടിട്ടുള്ളത്. വലിയൊരു പെൺകുട്ടിയായി അണിഞ്ഞൊരുങ്ങി വന്നിട്ടും ആരാധ്യയുടെ ഈ സ്വഭാവത്തിന് മാറ്റം ഇല്ല.

പക്ഷെ സോഷ്യൽ മീഡിയയിൽ ആരാധ്യക്കെതിരെ ട്രോളുകളും വരുന്നുണ്ട്. കൊച്ചുകുട്ടികളുടെ ഹെയർ സ്റ്റെെൽ ആരാധ്യക്ക് മാറ്റാനായെന്നാണ് പലരും അഭിപ്രായപ്പെടുന്നത്.

മകൾ വളർന്ന് വലുതായെന്ന് ഐശ്വര്യക്ക് ഇതുവരെ മനസ്സിലായില്ലെന്നും മകളെ ഇപ്പോഴും കൊഞ്ചിച്ച് വളർത്തുകയാണെന്നും പലരും അഭിപ്രായപ്പെടുന്നു. ചിലർ ആരാധ്യയുടെ ഉയരത്തെയും ചൂണ്ടിക്കാട്ടി. ആരാധ്യക്ക് അഭിഷേകിന്റെയും അമിതാഭ് ബച്ചന്റെയും ഉയരം ലഭിച്ചിട്ടുണ്ടെന്ന് പലരും അഭിപ്രായപ്പെട്ടു.