»   » അര്‍നോള്‍ഡ് തിരിച്ചെത്തുന്നു

അര്‍നോള്‍ഡ് തിരിച്ചെത്തുന്നു

Posted By:
Subscribe to Filmibeat Malayalam
Arnold Schwarzenegger,
ഐ വില്‍ ബി ബാക്ക്...(ഞാന്‍ തിരിച്ചു വരും) വര്‍ഷങ്ങള്‍ എത്ര പിന്നിട്ടാലും ഹോളിവുഡ് ആരാധകര്‍ക്ക് മറക്കാനാവാത്ത ഡയലോഗ്. ടെര്‍മിനേറ്റര്‍ 2 ജഡ്ജ്‌മെന്റ് ഡേയിലെ അര്‍നോള്‍ഡ് ഷ്വാസ്‌നൈഗറുടെ പ്രശസ്തമായ ഡയലോഗ് ഇപ്പോള്‍ ഒരിയ്ക്കല്‍ കൂടി ആവര്‍ത്തിയ്ക്കപ്പെടുകയാണ്, പറയുന്നത് വേറാരുമല്ല ആര്‍നി തന്നെ!

കാലിഫോര്‍ണിയയുടെ ഗവര്‍ണര്‍ പദവിയില്‍ ഏഴ് വര്‍ഷത്തെ സേവനം പൂര്‍ത്തിയാക്കുന്ന ടെര്‍മിനേറ്റര്‍ ഹീറോ ഹോളിവുഡിലേക്ക് തിരിച്ചെത്തുന്നതിന്റെ സൂചനകള്‍ നല്‍കി കഴിഞ്ഞു.

ചെയ്യാന്‍ കഴിയുന്ന ഒരുപാടു കാര്യങ്ങള്‍ എനിയ്ക്കുണ്ട്. എന്നാല്‍ ഒന്നും തീരുമാനിച്ചിട്ടില്ല. അഭിനയമെന്നത് സൈക്കിളിങോ സ്‌ക്കിയിങോ പോലെ തന്നെയാണ്. ഒരു വെബ്‌സൈറ്റിന് നല്‍കിയ അഭിമുഖത്തിലാണ് ആര്‍നി തന്റെ ഭാവി പദ്ധതികളെക്കുറിച്ച് സൂചനകള്‍ നല്‍കിയത്.

അടുത്തയാഴ്ചയാണ് അറുപത്തിമൂന്നുകാരനായ ആര്‍നോള്‍ഡ് കാലിഫോര്‍ണിയ ഗവര്‍ണര്‍ പദവി ഒഴിയുന്നത്.2003ല്‍ രാഷ്ട്രീയത്തിന് വേണ്ടി സിനിമ ഉപേക്ഷിച്ച അര്‍നോള്‍ഡ,് ഗവര്‍ണര്‍ പദവിയിലിരിക്കെ എക്‌സ്‌പെന്‍ഡബിള്‍സ്, എറൗണ്ട് ദ വേള്‍ഡ് ഇന്‍ 80 ഡേയ്‌സ്, ടെര്‍മിനേറ്റര്‍ സാല്‍വേഷന്‍ എന്നീ സിനിമകളില്‍ അതിഥി വേഷങ്ങളില്‍ പ്രത്യക്ഷപ്പെട്ടിരുന്നു.

Please Wait while comments are loading...

Malayalam Photos

Go to : More Photos