»   » ജുറാസിക് പാര്‍ക്ക് 4- സ്പീല്‍ബര്‍ഗ് വീണ്ടും?

ജുറാസിക് പാര്‍ക്ക് 4- സ്പീല്‍ബര്‍ഗ് വീണ്ടും?

Posted By:
Subscribe to Filmibeat Malayalam
Jurrasic Park
ലോകത്തെ വിസ്മയിപ്പിച്ച ജുറാസിക് പാര്‍ക്കിന്റെ നാലാം ഭാഗത്തിനായി ഹോളിവുഡിന്റെ ഷോമാന്‍ സ്റ്റീവന്‍ സ്പീല്‍ബര്‍ഗ് ഒരുങ്ങുന്നതായി റിപ്പോര്‍ട്ടുകള്‍. ചരിത്രാതീത കാലത്തെ ദിനോസറുകളെക്കൊണ്ട് വെള്ളിത്തിരയില്‍ ചരിത്രമെഴുതിയ സംവിധായകന്‍ പുതിയ സിനിമയ്ക്ക് വേണ്ടി തലപുകച്ചു തുടങ്ങിയെന്ന് ദി ഹോളിവുഡ് റിപ്പോര്‍ട്ടര്‍ വെബ്‌സൈറ്റാണ് റിപ്പോര്‍ട്ട് ചെയ്യുന്നത്.

തിരക്കഥാകൃത്ത് മാര്‍ക്ക് പ്രോട്ടോസ്‌വിച്ചുമായി സ്പീല്‍ബര്‍ഗ് അടുത്തിടെ ചര്‍ച്ച നടത്തിയത് ഇതിന് വേണ്ടിയാണെന്നാണ് വെബ്‌സൈറ്റ് റിപ്പോര്‍ട്ടിലുള്ളത്.

1900ല്‍ മൈക്കല്‍ ക്രിറ്റന്‍ രചിച്ച നോവലിനെ ഉപജീവിച്ചാണ് ഹോളിവുഡിലെ എക്കാലത്തെയും മികച്ച സയന്‍സ് ഫിക്ഷനുകളിലൊന്നായ ജുറാസിക് പാര്‍ക്ക് പിറന്നത്. 93ല്‍ തിയറ്ററുകളിലെത്തിയ ജുറാസിക് പാര്‍ക്കും 97ലെ ദി ലോസ്റ്റ് വേള്‍ഡ്-ജുറാസിക് പാര്‍ക്കും സംവിധാനം ചെയ്തത് സ്പീല്‍ബര്‍ഗ് തന്നെയായിരുന്നു. 2001ല്‍ റിലീസ് ചെയ്ത ജുറാസിക് പാര്‍ക്കിന്റെ മൂന്നാം ഭാഗത്തിന്റെ എക്‌സിക്യൂട്ടീവ് പ്രൊഡ്യൂസറായി സ്പീല്‍ബര്‍ഗ് മാറിനിന്നു.

പരമ്പര പടങ്ങള്‍ ഹോളിവുഡില്‍ പണംവാരുന്നതും അവതാറിന് ശേഷം 3ഡി ടെക്‌നോളജിയ്ക്ക് ലഭിച്ച സ്വീകാര്യതയുമാണ് ജുറാസിക് പാര്‍ക്കിന്റെ റീബൂട്ടിന് സ്പീല്‍ബര്‍ഗിനെ പ്രേരിപ്പിയ്ക്കുന്നത്. അധികം വൈകാതെ 3ഡി ദിനോസറുകള്‍ പ്രേക്ഷകരെ തേടിയെത്തുമെന്നാണ് ഹോളിവുഡിന്റെ പ്രതീക്ഷ.

English summary
Dinosaurs have been extinct since 2001, when “Jurassic Park III” failed to reach the bar set by its predecessors. But now, Steven Spielberg is thinking about bringing the vertebrates back to life with a fourth installment of the pre-historic franchise, The Hollywood Reporter reported.
Please Wait while comments are loading...

Malayalam Photos

Go to : More Photos

വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam