നിരൂപകരുടെ മുഴുവന്‍ മാര്‍ക്കും നേടി ഡണ്‍കിര്‍ക്ക്!!! യുദ്ധ സിനിമകളുടെ അവസാന വാക്ക്!!!

യുദ്ധത്തിന്റെ അര്‍ത്ഥ ശൂന്യത

യുദ്ധത്തിന്റെ അര്‍ത്ഥ ശൂന്യതയെ വ്യക്തമാക്കുന്ന ചിത്രമാണ് ഡണ്‍കിര്‍ക്ക് എന്നാണ് ചിത്രത്തേക്കുറിച്ച് നിരൂപകര്‍ പറയുന്നത്. രണ്ടാം ലോകമഹായുദ്ധത്തിന്റെ പശ്ചാത്തലത്തിലാണ് സിനിമ സംഭവിക്കുന്നത്. സഖ്യകക്ഷികളുടെ സൈന്യം ഫ്രാന്‍സിലെ ഡണ്‍കിര്‍ക്ക് ബാച്ചില്‍ പെട്ടുപോകുന്നതാണ് ചിത്രത്തിന്റെ പ്രമേയം.

കീഴടങ്ങുക അല്ലെങ്കില്‍ മരിക്കുക

1940ലെ സംഭവമാണ് ചിത്രം പറയുന്നത്. ഡണ്‍കിര്‍ക്ക് ബീച്ചില്‍ ജര്‍മ്മന്‍ സൈന്യത്താല്‍ വളയപ്പെട്ട് ശത്രു സൈന്യത്തിന് കീഴടങ്ങലോ മരണമോ മാത്രം തിരഞ്ഞെടുക്കാന്‍ കഴിയുന്ന സഖ്യകക്ഷി സൈനീകരുടെ ജീവന്‍ മരണ പോരാട്ടമാണ് സിനിമ.

എന്തുകൊണ്ട് ഏറ്റവും മികച്ച കഥ?

സസ്‌പെന്‍സ് ചിത്രങ്ങളുടെ ഏറ്റവും മുകളിലായിരിക്കും ഡണ്‍കിര്‍ക്കിന്റെ സ്ഥാനം. മരണമോ കീഴടങ്ങലോ മാത്രം മുന്നിലുള്ള സഖ്യകക്ഷി സൈനീകരുടെ സാഹചര്യങ്ങളാണ് ചിത്രം വിവരിക്കുന്നത്. എന്നാല്‍ ചിത്രത്തിന്റെ ക്ലൈമാക്‌സ് എങ്ങനെ വരുന്നു എന്നതാണ് ഡണ്‍ക്രിക്കിനെ മനുഷ്യ ചരിത്രത്തിലെ ഏറ്റവും മികച്ച കഥ എന്ന് നോളന്‍ പറയാന്‍ കാരണം.

അതിശയിപ്പിക്കുന്ന കാഴ്ചാനുഭവം

അതിശയിപ്പിക്കുന്ന കാഴ്ചാനുഭവമാണ് ഡണ്‍കിര്‍ക്കിലൂടെ നോളന്‍ പ്രേക്ഷകര്‍ക്ക് നല്‍കുന്നത്. പ്രേക്ഷന് ചുറ്റിലും പേടിയും അരക്ഷിരാതാവസ്ഥയും സൃഷ്ടിക്കുന്ന ദൃശ്യാനുഭവമാണ് ഡണ്‍കിര്‍ക്ക്. നോളന്റെ ദൃശ്യ ഭാഷ തന്നെയാണ് ഡണ്‍കിര്‍ക്കിലും മികവുറ്റ് നില്‍ക്കുന്നത്.

മൂന്ന് സമാന്തര കഥകള്‍

കരയിലും വായുവിലും വെള്ളത്തിലുമായി നടക്കുന്ന മൂന്ന് കഥകളെ സമാന്തരമായി അവതരിപ്പിക്കുകയാണ് ക്രിസ്റ്റഫര്‍ നോളന്‍ ഡണ്‍കിര്‍ക്കിലൂടെ. പ്രേക്ഷകര്‍ ഇവ മൂന്നും ജീവിതവുമായി സമരപ്പെടുത്തുമ്പോള്‍ സിനിമയിലെ കഥാപാത്രങ്ങള്‍ക്ക് അത് മരണത്തെ മുഖാമുഖം കാണുന്ന നിമിഷങ്ങളാണ്.