അശ്ലീലമാണെന്നും തുണിക്ക് ഇറക്കം കുറവാണെന്നും അറിഞ്ഞ് തന്നെയാണ് അവളുടെ രാവുകളില്‍ അഭിനയിച്ചത്!

നായികയാവാമോ എന്ന് ചോദിച്ചു

നര്‍ത്തകിയായാണ് ശാന്തി സിനിമയിലേക്ക് എത്തിയത്. പ്രശസ്ത കോറിയോഗ്രാഫറുടെ കീഴില്‍ പ്രവര്‍ത്തിച്ചുവരുന്നതിനിടയിലാണ് അടുത്ത സിനിമയില്‍ നായികയാവാമോയെന്ന് ഐവി ശശി ചോദിച്ചത്.

ചോദ്യത്തിന് നല്‍കിയ മറുപടി

താന്‍ ആവശ്യപ്പെടുന്ന പണം പ്രതിഫലമായി താരമോയെന്നായിരുന്നു അന്ന് താന്‍ ചോദിച്ചതെന്ന് സീമ പറയുന്നു. താരമെന്ന് സമ്മതിച്ചതോടെയാണ് ചിത്രത്തില്‍ അഭിനയിക്കാന്‍ തയ്യാറായത്.

അന്ന് ലഭിച്ച പ്രതിഫലം

മൂവായിരം രൂപയായിരുന്നു ആ സിനിമയില്‍ അഭിനയിച്ചതിന് ലഭിച്ച പ്രതിഫലം. 18 ദിവസം കൊണ്ടാണ് അവളുടെ രാവുകളുടെ ചിത്രീകരണം പൂര്‍ത്തിയാക്കിയത്.

സംവിധായകനിലുള്ള വിശ്വാസം

അന്ന് ആ സിനിമയില്‍ അഭിനയിച്ചുകൊണ്ടിരിക്കുമ്പോള്‍ നായികയുടെ പ്രാധാന്യത്തെക്കുറിച്ചൊന്നും തനിക്ക് അറിയുമായിരുന്നില. സംവിധായകനിലുള്ള വിശ്വാസമായിരുന്നു മുന്നോട്ട് നയിച്ചത്.

മുന്‍നിര നായികമാര്‍ വിസമ്മതിച്ചു

അവളുടെ രാവുകളില്‍ അഭിനയിക്കുന്നതിന് മുന്‍നിര നായികമാര്‍ വിസമ്മതിച്ചുവെന്ന് അറിഞ്ഞിരുന്നു. 19ാമത്തെ വയസ്സിലാണ് താന്‍ ആ സിനിമയില്‍ അഭിനയിച്ചതെന്നും സീമ പറയുന്നു.

സംവിധായകന്‍ പറഞ്ഞുതന്നു

അവളുടെ രാവുകളിലെ രാജിയെക്കുറിച്ചുള്ള കാര്യങ്ങളെല്ലാം അദ്ദേഹം വിശദമാക്കിയിരുന്നു. വള്‍ഗറായ കഥാപാത്രമല്ല അതെന്നും അദ്ദേഹം വ്യക്തമാക്കിയിരുന്നു. സംവിധായകനില്‍ പൂര്‍ണ്ണ വിശ്വാസം അര്‍പ്പിച്ചാണ് അത് ചെയ്തത്.

കുറ്റബോധം തോന്നിയിട്ടില്ല

അവളുടെ രാവുകളില്‍ അഭിനയിച്ചതുമായി ബന്ധപ്പെട്ട് ഇന്നുവരെ കുറ്റബോധം തോന്നിയിട്ടില്ല. ആ കഥാപാത്രത്തിന്റെ കരുത്ത് കാരണമാണ് നിരവധി നല്ല അവസരങ്ങള്‍ ലഭിച്ചത്.

40 വര്‍ഷം

അതുവരെയുള്ള സിനിമാസങ്കല്‍പ്പങ്ങളെ ഒന്നടങ്കം പൊളിച്ചെഴുതിയ അവളുടെ രാവുകള്‍ എന്ന സിനിമ പുറത്തിറങ്ങിയിട്ട് 40 വര്‍ഷം പിന്നിടുകയാണ്. ഇന്നും മലയാള സിനിമയും പ്രേക്ഷകരും ഈ സിനിമയെ ഓര്‍ത്തിരിക്കുന്നുണ്ട്.