നായികമാരെ കെട്ടിപ്പിടിക്കുമ്പോള്‍ അമാലിന്റെ ഭാവത്തെക്കുറിച്ച് ദുല്‍ഖര്‍.. പുരികം ചുളിയുമോ?

ഭാര്യയുടെ പുരികം ചുളിയുമോ?

നായികമാരുമൊത്തുള്ള രംഗങ്ങള്‍ പലപ്പോഴും നായകന്‍മാര്‍ക്ക് നിത്യ ജീവിതത്തില്‍ തലവേദനയായി മാറുന്ന സംഭവങ്ങളുണ്ട്. എന്നാല്‍ താന്‍ അത്തരത്തിലുള്ള പ്രശ്‌നം അനുഭവിക്കുന്നില്ലെന്ന് ദുല്‍ഖര്‍ വ്യക്തമാക്കി.

പുരികം ചുളിക്കാറില്ല

സിനിമയില്‍ നായികമാര്‍ക്കൊപ്പം പ്രണയ രംഗങ്ങളില്‍ താന്‍ അഭിനയിക്കുമ്പോള്‍ അമാലിന് അസ്വസ്ഥതയൊന്നും അനുഭവപ്പെടാറില്ലെന്ന് ദുല്‍ഖര്‍ പറയുന്നു. നായികമാരില്‍ പലരും അമാലുമായി മികച്ച സൗഹൃദം പുലര്‍ത്താറുണ്ടെന്നും താരം പറയുന്നു.

സോളോയിലെ നായികമാരെക്കുറിച്ച്

ഒന്നിനൊന്ന് വ്യത്യസ്തമായ നാല് നായികമാരുമായാണ് സോളോ പുറത്തിറങ്ങുന്നത്. ബിജോയ് നമ്പ്യാരാണ് ചിത്രം സംവിധാനം ചെയ്യുന്നത്. കഥാ സന്ദര്‍ഭത്തിനനുസരിച്ചുള്ള നായികമാരെയാണ് സംവിധായകന്‍ തിരഞ്ഞെടുത്തതെന്ന് ദുല്‍ഖര്‍ പറയുന്നു.

അച്ഛനായതിന് ശേഷമുള്ള മാറ്റം

ദുല്‍ഖരിനും അമാലിനു ഇടയിലേക്ക് കുഞ്ഞതിഥി എത്തിയത് അടുത്തിടെയാണ്. മറിയം അമീറ സല്‍മാനെന്നാണ് കുഞ്ഞിന് പേരിട്ടിട്ടുള്ളത്. അച്ഛനായതിനു ശേഷമുള്ള ജീവിതത്തിലെ മാറ്റങ്ങളെക്കുറിച്ച് പഠിച്ചു വരികയാണെന്നും താരം പറയുന്നു. നാല് മാസം പ്രായമായിട്ടേയുള്ളു കുഞ്ഞിന്.

വീട്ടിലെത്താനുള്ള തിടുക്കം

ലൊക്കേഷനിലെ സിനിമാ തിരക്കില്‍ നിന്നും വീട്ടിലെത്താനുള്ള തിരക്കിന് ഇപ്പോള്‍ ഒരു കാരണം കൂടിയായെന്നും ദുല്‍ഖര്‍ പറയുന്നു. മകളെ കാണാനുള്ള ആഗ്രഹം അടക്കി വെക്കാന്‍ കഴിയാതെ വരുമ്പോഴാണ് വീട്ടിലേക്ക് ഓടിയെത്തുന്നതെന്നും ദുല്‍ഖര്‍ പറയുന്നു.

മമ്മൂട്ടി നല്‍കുന്ന ഉപദേശം

അഭിനേതാവെന്ന നിലയില്‍ തന്റെ വളര്‍ച്ചയില്‍ സന്തോഷവാനാണ് വാപ്പച്ചിയെന്ന് മമ്മൂട്ടി പറയുന്നു.കരിയറില്‍ അനാവശ്യമായ ഇടപെടലുകളൊന്നും അദ്ദേഹം നടത്തിയിട്ടില്ലെന്നും ഡിക്യു വ്യക്തമാക്കി. തന്റെ സിനിമകളെക്കുറിച്ച് കൂടുതല്‍ കാര്യങ്ങളൊന്നും അദ്ദേഹം സംസാരിക്കാറില്ല. അമിത ആത്മവിശ്വാസത്തിലേക്ക് തന്നെ നയിക്കാതിരിക്കാനാണ് വാപ്പച്ചി ശ്രമിക്കുന്നത്.

സോഷ്യല്‍ മീഡിയയിലെ താരയുദ്ധങ്ങളെക്കുറിച്ച്

ഫാന്‍സ് പ്രവര്‍ത്തകര്‍ തമ്മില്‍ അന്യോന്യം പോരാടുന്നതിനോടൊന്നും യോജിപ്പിച്ചില്ല. അടുത്തിടെ വിജയ്-അജിത് ആരാധകര്‍ തമ്മിലുള്ള പോര് രൂക്ഷമായിരുന്നു. താരങ്ങള്‍ തമ്മില്‍ മികച്ച സൗഹൃദം തുടരുന്നതിനിടയില്‍ ഫാന്‍സ് പ്രവര്‍ത്തകര്‍ തമ്മില്‍ ഇത്തരത്തില്‍ പ്രവര്‍ത്തിക്കുന്നത് ശരിയല്ലെന്നും ദുല്‍ഖര്‍ പറയുന്നു.