ദിലീപിന്റെ കല്യാണത്തിന് കണ്ടപ്പോള്‍ മമ്മൂട്ടി ധര്‍മജനെ കെട്ടി പിടിച്ചു പറഞ്ഞു, നീ അത് തിന്നല്ലോ...

പ്രശംസകള്‍ ഏറെ കിട്ടി

ദാസപ്പന്‍ എന്ന കഥാപാത്രത്തിന് ധാരാളം പ്രശംസകള്‍ ലഭിച്ചു എന്ന് വനിതയ്ക്ക് നല്‍കിയ അഭിമുഖത്തില്‍ ധര്‍മജന്‍ പറഞ്ഞു. സിദ്ദിഖ്, സലിം കുമാര്‍ എന്നിവര്‍ക്കൊപ്പം നിന്ന് അഭിനയിക്കുക ഏറെ വെല്ലുവിളയായിരുന്നുവെങ്കിലും നല്ല രീതിയില്‍ ചെയ്യാന്‍ സാധിച്ചു എന്ന് ധര്‍മജന്‍ പറയുന്നു.

മമ്മൂട്ടി പറഞ്ഞത്

ദിലീപേട്ടന്റെ കല്യാണത്തിന് പോയപ്പോഴാണ് മമ്മൂക്കയെ കണ്ടത്. കണ്ടപ്പോള്‍ തന്നെ അദ്ദേഹം എന്നെ കെട്ടി പിടിച്ച്, ചേര്‍ത്ത് നിര്‍ത്തിയിട്ട് പറഞ്ഞു, നീ ആ സിനിമ തിന്നു കളഞ്ഞല്ലോടാ എന്ന്.

എന്റെ പേര് നിര്‍ദ്ദേശിക്കുന്നു

മമ്മൂക്ക പലരോടും എന്റെ പേര് റെക്കമെന്റ് ചെയ്യുന്നതായി അറിഞ്ഞു. ഉടനെ അദ്ദേഹത്തിനൊപ്പം ഒരു സിനിമ ചെയ്യാന്‍ ഒരു അവസരം ലഭിച്ചേക്കും. നമുക്ക് സന്തോഷിക്കാന്‍ ഇതൊക്കെ തന്നെ ധാരാളമല്ലേ എന്നാണ് ധര്‍മജന്‍ പറയുന്നത്.

ദിലീപ് പറഞ്ഞത്

കട്ടപ്പനയുടെ ഷൂട്ടിങ് തുടങ്ങിയപ്പോള്‍ നിര്‍മാതാവ് കൂടെയായ ദിലീപ് പറഞ്ഞത്രെ, നിനക്കൊക്കെ വേണ്ടിയാ ഞാന്‍ കോടികള്‍ മുടക്കുന്നത് എന്ന്. കല്യാണത്തിന് കണ്ടപ്പോള്‍ ധര്‍മജന്‍ അതിന് മറുപടി കൊടുത്തു, എന്നെയൊക്കെ വച്ച് കോടികള്‍ ഉണ്ടാക്കുകയല്ലേ, ഇനിയും കാശുണ്ടാക്കണേല്‍ വിളിക്ക് എന്ന്.