മമ്മൂട്ടി അങ്കിള്‍ തമാശയൊക്കെ പറയും, അതു കേട്ട് ഞങ്ങളൊക്കെ ചിരിക്കും : നിരഞ്ജന അനൂപ്

ക്ലൈമാക്‌സ് ഷൂട്ടിനിടയില്‍ സംഭവിച്ചത്

ചിത്രത്തിന്റെ ക്ലൈമാക്‌സ് സീനുകള്‍ ചിത്രീകരിച്ചത് ഗോവയിലായിരുന്നു. നിരവധി രസകരമായ കാര്യങ്ങള്‍ ഷൂട്ടിനിടയില്‍ സംഭവിച്ചിരുന്നുവെന്നും നിരഞ്ജന പറഞ്ഞു.

മമ്മൂട്ടി അങ്കിള്‍ തമാശ പറയും

പൊതുവേ ഗൗരവ പ്രകൃതക്കാരനായാണ് മമ്മൂട്ടിയെ വിശേഷിപ്പിക്കുന്നത്. അധികം ആരോടും സംസാരിക്കില്ലെന്നൊക്കെ പറഞ്ഞു കേള്‍ക്കാറുണ്ട്. എന്നാല്‍ ഗോവന്‍ ഷൂട്ടിനിടയില്‍ മമ്മൂട്ടി അങ്കിളുമായി അടുത്തിടപഴകാന്‍ സമയം ലഭിച്ചിരുന്നു. അദ്ദേഹം പറഞ്ഞ തമാശകളൊക്കെ ഞങ്ങളെല്ലാം ചിരിച്ചിരുന്നുവെന്നും താരം പറഞ്ഞു.

സൈറാബാനുവില്‍ നിന്നും പുത്തന്‍പണത്തിലേക്ക്

അഭിനേത്രി ആവുന്നതിന് മുന്‍പ് തന്നെ സിനിമയുമായി ബന്ധമുണ്ട് നിരഞ്ജന അനൂപിന്. ദേവാസുരം സിനിമയ്ക്ക് കാരണമായ മുല്ലശ്ശേരി രാജുവിന്റെ പേരക്കുട്ടിയാണ് നിരഞ്ജന. അമ്മ നാരായണിഅറിയപ്പെടുന്ന നര്‍ത്തകിയാണ്. കലാപാരമ്പര്യമുള്ള കുടുംബത്തില്‍ നിന്നും വരുന്നതിനാല്‍ത്തന്നെ സിനിമാ പ്രവേശനം വൈകിയോയെന്നാണ് പ്രേക്ഷകര്‍ക്ക് ചോദിക്കുന്നത്. മോഹന്‍ലാല്‍ ചിത്രമായ ലോഹത്തിലൂടെയാണ് നിരഞ്ജന സിനിമയിലേക്ക് കടന്നുവന്നത്.

മഞ്ജു വാര്യരുമായി അടുത്ത ബന്ധം

നിരഞ്ജനയുടെ അമ്മയുടെ അടുത്ത കൂട്ടുകാരിയാണ് മഞ്ജു വാര്യര്‍. എനിക്ക് സെക്കന്‍ഡ് മദര്‍ എന്നോ പാര്‍ട്ണര്‍ ഇന്‍ ക്രൈം എന്നൊക്കെയോ മേമയെ വിളിക്കാം. അത്രയ്ക്ക് അടുത്ത ബന്ധമാണ് മഞ്ജുവുമായുള്ളതെന്ന് നിരഞ്ജന പറഞ്ഞു. അടുത്ത ബന്ധമാണെങ്കിലും അഭിനയത്തെക്കുറിച്ച് കൂടുതല്‍ അഭിപ്രായമൊന്നും മേമ നടത്തിയിട്ടില്ല. അഭിനയം നന്നായിരുന്നുവെന്നും ക്യൂട്ടായിരുന്നുവെന്നും മാത്രമേ പറഞ്ഞുള്ളൂ.