സത്യം അറിയാവുന്നിടത്തോളം കാലം വിവാദങ്ങളെ ഭയക്കേണ്ടതില്ലെന്ന് രജിഷ വിജയന്‍ !

ഭംഗിയുള്ളവര്‍ക്ക് പറ്റിയ മേഖല

സിനിമയില്‍ അഭിനയിക്കണമെങ്കില്‍ നല്ല ഭംഗിയുണ്ടായിരിക്കണമെന്ന കാഴ്ചപ്പാടുകാരിയായിരുന്നു താനെന്ന് രജിഷ വിജയന്‍ പറയുന്നു. കുട്ടിക്കാലത്തെ തന്റെ കോലം വെച്ച് സിനിമയില്‍ അഭിനയിക്കുന്നതിനെക്കുറിച്ച് ചിന്തിക്കുക പോലും ചെയ്യാന്‍ കഴിയില്ലായിരുന്നു.

അഹങ്കാരിയാണെന്ന് പറയുന്നവരോട്

അടുത്ത സുഹൃത്തുക്കള്‍ വരെ ആദ്യ കാഴ്ചയില്‍ തന്നെക്കുറിച്ച് വിലയിരുത്തിയത് അഹങ്കാരി, ജാഡ തുടങ്ങിയ പേരിലാണ്. എന്താണെന്ന് അറിയില്ല നിന്നെക്കണ്ടാല്‍ അഹങ്കാരിയാണെന്ന് തൊന്നുമെന്ന് അമ്മയും പറഞ്ഞിട്ടുണ്ടെന്നും രജിഷ വിജയന്‍ പറയുന്നു.

ഷൂട്ടിങ്ങിനിടയിലെ മോശം അനുഭവം

സിനിമാക്കാരുടെ പ്രൈവസിയെക്കുറിച്ച് പലരും ചിന്തിക്കാറില്ലെന്ന് രജിഷ പറയുന്നു. സെല്‍ഫിയെടുക്കണമെന്നും പറഞ്ഞ് വരുന്നവരോട് നന്നായി പെരുമാറുണ്ട്. എന്നാല്‍ അപൂര്‍വ്വം സാഹചര്യങ്ങളില്‍ അത് മോശമായി തോന്നിയിരുന്നു.

ആദ്യ സിനിമയില്‍ത്തന്നെ അവാര്‍ഡ്

അഭിനേത്രിയെന്ന നിലയില്‍ ഏതൊരു ആര്‍ട്ടിസ്റ്റും കൊതിക്കുന്ന നേട്ടമാണ് ആദ്യ ചിത്രത്തിലൂടെ തന്നെ രജിഷയെ തേടിയെത്തിയത്. അവാര്‍ഡ് ലഭിച്ചത് അനുഗ്രഹമായിട്ടാണ് തോന്നുന്നത്. അവാര്‍ഡ് തലയില്‍ കയറിക്കഴിഞ്ഞാല്‍ പിന്നെ വീട്ടിലിരിപ്പേ ഉണ്ടാവുള്ളൂവെന്നും താരം പറയുന്നു.

സോഷ്യല്‍ മീഡിയയില്‍ അത്ര സജീവമല്ല

ഫേസ്ബുക്ക്, വാട്‌സാപ്പ് തുടങ്ങിയ മാധ്യമങ്ങളില്ലൊന്നും താന്‍ ആക്ടീവല്ലെന്നും താരം പറയുന്നു. ഫേസ്ബുക്കില്‍ ഒഫീഷ്യല്‍ പേജുണ്ട് പക്ഷേ അത്ര സജീവമായി ഇടപടാറില്ല. എന്നാല്‍ ഇന്‍സ്റ്റഗ്രാമില്‍ താന്‍ സജീവമാണെന്ന് താരം പറയുന്നു. നെഗറ്റിവിറ്റി ഇല്ലാത്തതിനാലാണ് അതില്‍ സജീവമാവുന്നത്.