പാപ്പരാസികളെ പേടിച്ചിട്ടല്ല ഞങ്ങള്‍ ഒന്നിക്കാതിരുന്നത്; കാവ്യയും ദിലീപും പറയുന്നു

പിന്നെയും എന്ന ചിത്രത്തിലേക്ക് അടൂര്‍ ഗോപാല കൃഷ്ണന്‍ വിളിച്ചപ്പോള്‍

പിന്നെയും എന്ന ചിത്രത്തില്‍ എന്റെ കഥാപാത്രമായ പുരുഷോത്തമനെ കുറിച്ച് പറയുമ്പോള്‍ നായിക ആരാണെന്ന് അടൂര്‍ എന്നോട് പറഞ്ഞിരുന്നില്ല എന്ന് ദിലീപ് പറയുന്നു. പിന്നീട് ചോദിച്ചുവത്രെ, 'കാവ്യയെയാണ് ഞാന്‍ നായികയാക്കുന്നത്, കുഴപ്പമില്ലല്ലോ. നിങ്ങള്‍ കുറച്ചു നാളായില്ലേ ഒന്നിച്ച് അഭിനയിച്ചിട്ട് ' എന്ന്.

വിവാദങ്ങളെ ഭയന്നാണോ ഒരുമിച്ച് സിനിമ ചെയ്യാതിരുന്നത്?

അങ്ങനെ വിവാദങ്ങളെ ഭയന്ന് സിനിമ ഉപേക്ഷിച്ചിട്ടില്ല എന്ന് കാവ്യയും ദിലീപും വ്യക്തമാക്കി. പ്രേക്ഷക മനസ്സില്‍ സ്ഥാനം നേടിയ ജോഡികളായതുകൊണ്ട് തന്നെ ഒരു ഘട്ടം കഴിഞ്ഞപ്പോള്‍ കുറച്ചുകൂടി സെലക്ടീവാകാന്‍ ഞങ്ങള്‍ തീരുമാനിക്കുകയായിരുന്നു.

പ്രേക്ഷകര്‍ തന്ന വില നശിപ്പിക്കരുതല്ലോ

ഞങ്ങള്‍ക്ക് പ്രേക്ഷകര്‍ തന്ന വില കളയരുതല്ലോ. അതുകൊണ്ടാണ് ഇത്ര വലിയ ഇടവേള വന്നത്. വെള്ളരിപ്രാവിന്റെ ചങ്ങാതികളിലാണ് ഒടുവില്‍ ഒന്നിച്ച് അഭിനയിച്ചത്. വെള്ളരിപ്രാവ് ചെയ്തിട്ട് ഇപ്പോള്‍ അഞ്ച് വര്‍ഷമായി.

ഒന്നിച്ചഭിനയിച്ചതില്‍ ഇഷ്ടപ്പെട്ട ചിത്രങ്ങള്‍

ഞങ്ങള്‍ ഒന്നിച്ച് അഭിനയിച്ച ഇരുപത് സിനിമകളില്‍ മിക്കതും കൊമേര്‍ഷ്യല്‍ വിജയം നേടിയവയാണ്. അതുകൊണ്ട് അതില്‍ ചിലത് എടുത്തു പറയുക പ്രയാസമാണെന്നാണ് ദിലീപ് പറഞ്ഞത്. കാവ്യയ്ക്ക് ഇഷ്ടപ്പെട്ട സിനിമകള്‍ ചന്ദ്രനുദിയ്ക്കുന്ന ദിക്കില്‍, മീശാമാധവന്‍, തിളക്കം, ചക്കരമുത്ത്, മിഴിരണ്ടിലും, സദാനന്തന്റെ സമയം ഇപ്പോള്‍ പിന്നെയും..