ദുല്‍ഖറിനൊപ്പം റൊമാന്‍സ് ചെയ്യുമ്പോള്‍ പേളി നാണിച്ചു, അപ്പോള്‍ ദുല്‍ഖര്‍ പറഞ്ഞത്

ദുല്‍ഖറിനൊപ്പം റൊമാന്റിക്

ദുല്‍ഖറിനൊപ്പം അഭിനയിക്കാന്‍ പോകുന്നു എന്ന് കേട്ടപ്പോള്‍ ഒരു ഐഡിയയും ഇല്ലായിരുന്നു. ദുല്‍ഖറുമായുള്ള റൊമാന്റിക് സീന്‍ ചെയ്യുമ്പോള്‍ ശരിക്കും നാണമായിരുന്നു. അപ്പോള്‍ ദുല്‍ഖര്‍ പറയും ഇതു സിനിമയാണ്, നാണമൊന്നും വേണ്ട, കണ്ണുകളില്‍ മാത്രം നോക്കിയാല്‍ മതിയെന്ന്. ദുല്‍ഖര്‍ ശരിക്കും ഫ്രണ്ട്‌ലി ആണ്, കൂളാണ്. ദുല്‍ഖറിനും എനിക്കും ഈ ചിത്രത്തില്‍ ശരിക്കും ഒരു ചലഞ്ചിംഗ് റോളായിരുന്നു.

ഫഹദിനൊപ്പം അഗ്രഹം

ഫഹദിന്റെ കൂടെ ഒരു സിനിമ ചെയ്യണമെന്നത് എന്റെ ആഗ്രഹമാണ്. ഫഹദ് എന്ന നടനെ കുറിച്ച് പറയുകയാണെങ്കില്‍ ഒരു പുസ്തകം വായിക്കുന്ന പോലെയാണ്. കൂടെ അഭിനയിക്കുന്നവരെ ഫഹദ് കംഫര്‍ട്ടബിള്‍ ആക്കാറുണ്ട്. ഡി ഫോര്‍ ഡാന്‍സ് ഷോയില്‍ വെച്ചാണ് ഫഹദിനെ ആദ്യമായി നേരില്‍ കാണുന്നത്.

ജയസൂര്യയെ കുറിച്ച്

കൂടെയുള്ള അഭിനേതാക്കളെ നല്ല രീതിയില്‍ സപ്പോര്‍ട്ട് ചെയ്യുന്ന, മോട്ടിവേറ്റ് ചെയ്യുന്ന ആളാണ് ജയസൂര്യ. ജയസൂര്യയുടെ കണ്ണുകളില്‍ നോക്കുമ്പോള്‍ മറ്റൊരു ദൈവത്തെ കണ്ട പ്രതീതിയാണ്. ജോലിയില്‍ സമര്‍പ്പണ മനോഭാവം കാട്ടുന്ന ഏതൊരു വ്യക്തിയുടെ കൂടെയും ദൈവമുണ്ട്.

ഷൂട്ടിങ് അനുഭവം

ഷൂട്ടിംഗ് ദിവസങ്ങളില്‍ രാവിലെ കാണുന്ന ജയസൂര്യയെ അല്ല പിന്നീട് കാണുന്നത്. അഭിനയിച്ച് തുടങ്ങുമ്പോള്‍ അദ്ദേഹം ഡോണ്‍ ബോസ്‌കോ ആയിമാറും. അദ്ദേഹത്തിന്റെ കൂടെ അഭിനയിക്കുമ്പോള്‍ നമ്മളും അറിയാതെ ആ കഥാപാത്രമായി മാറും. കട്ട് പറയുമ്പോള്‍ സത്യത്തില്‍ വിഷമം തോന്നും തീര്‍ന്നുപോയല്ലോ എന്നോര്‍ത്ത്- പേളി പറഞ്ഞു.