ഓര്‍മ്മക്കായി

ജോണ്‍ പോളിന്റെ തിരക്കഥയില്‍ ഭരതന്‍ സംവിധാനം ചെയ്ത ചിത്രമാണ് ഓര്‍മ്മക്കായി.ഭരത് ഗോപി,മാധവി,അടൂര്‍ ഭാസി,ഇന്നസെന്റ്,നെടുമുടി വേണു,കെ പി എ സി ലളിത,രാമു,കുഞ്ചന്‍,കൃഷ്ണചന്ദ്രന്‍ തുടങ്ങിയവരാണ് ചിത്രത്തിലെ അഭിനേതാക്കള്‍.അബദ്ധത്തില്‍ ഒരു കൊലപാതക കേസില്‍ ശിക്ഷിക്കപ്പെട്ട സൂസന്ന അഞ്ചു വര്‍ഷത്തിനുശേഷം ജയിലില്‍ നിന്നും പുറത്തു വരുന്നു.തന്റെ ജീവിതത്തില്‍ സംഭവിച്ച ദാരുണമായ സംഭവങ്ങളിലൂടെ കടന്നു പോവുന്ന സൂസന്നയുടെ ഓര്‍മ്മക്കുറിപ്പുകളിലൂടെയാണ് ചിത്രം കഥ പറയുന്നത്. മികച്ച നടന്‍,നടി,മികച്ച കലാസംവിധാനം,മികച്ച സംഗീത സംവിധാനം,മികച്ച ഛായാഗ്രഹണം,മികച്ച ചിത്രസംയോജനം,മികച്ച രണ്ടാമത്തെ ചിത്രം തുടങ്ങി എട്ട് കേരള സംസ്ഥാന ചലച്ചിത്ര അവാര്‍ഡുകള്‍ ചിത്രത്തിന് ലഭിച്ചിട്ടുണ്ട്.പങ്കജ് മൂവി മേയ്‌ക്കേഴ്‌സിന്റെ ബാനറില്‍ ഇന്നസെന്റ്,ഡേവിഡ് കാച്ചപ്പിള്ളി എന്നിവര്‍ ചേര്‍ന്നാണ് ചിത്രം നിര്‍മ്മിച്ചത്.