Click it and Unblock the Notifications
ഭൂമിക ചാവ്ലയും വിവാഹമോചനത്തിന്
ഭരതിന്റെ മറ്റൊരു ബന്ധമാണ് ഭൂമികയെ വിവാഹമോചനത്തിന് പ്രേരിപ്പച്ചതെന്നാണ് റിപ്പോര്ട്ടുകള്. എന്നാല് ഈ വാര്ത്തകളെല്ലാം നുണയാണെന്ന് ബോധ്യപ്പെടുത്താന് ഭരത് ശ്രമിച്ചെങ്കിലും അതൊന്നും ഭൂമിക വിശ്വസിച്ചില്ലത്രേ. പ്രശസ്തനായ യോഗ ഗുരുവാണ് ഭരത് താക്കൂര്. ലോകമൊട്ടുക്കും യോഗ-മെഡിറ്റേഷന് ക്ലാസുകള് സംഘടിപ്പിയ്ക്കുന്ന ഭരതിന് പക്ഷേ സ്വന്തം ദാന്പത്യം ജീവിതം സംരക്ഷിയ്ക്കാന് സാധിച്ചില്ല.
ഭൂമികയെ പിരിയുന്നതില് ഭരതിന് നിരാശയുണ്ടെങ്കിലും വിവാഹമോചനം വേണമെന്ന വാശിയിലാണ് നടിയെന്ന് പറയപ്പെടുന്നു. പാര്ട്ടികളും മറ്റുപൊതുപരിപാടികളിലും ഒന്നിച്ച് പ്രത്യക്ഷപ്പെടാതിരുന്നതോടെയാണ് ഇവര്ക്കിയിലുള്ള അകല്ച്ച പുറത്തായത്.
നാല് വര്ഷം നീണ്ട പ്രണയത്തിന് ശേഷം 2007 ഒക്ടോബര് 21നാണ് ഭരതും ഭൂമികയും വിവാഹിതരായത്. വിവാഹത്തിന് ശേഷം വെള്ളിത്തിര വിടുകയെന്ന പതിവ് തെറ്റിച്ച ഭൂമിക സിനിമയില് സജീവമായി തുടര്ന്നിരുന്നു. തമിഴിലും തെലുങ്കിലും ഒട്ടേറെ ചിത്രങ്ങള് അഭിനയിച്ച നടി മോഹന്ലാല് നായകനായ ഭ്രമരത്തിലൂടെ മലയാളത്തിലുമെത്തി.
Continue with Google