Click it and Unblock the Notifications
മമ്മൂട്ടിയുമായി ചേര്ന്നതിനെക്കുറിച്ച് സുരേഷ് ഗോപി
ഏറെനാളുകള്ക്കുശേഷം മമ്മൂട്ടിയും സുരേഷ് ഗോപിയും ഈ ചിത്രത്തിലൂടെ ഒരൂമിച്ചെത്തുകയാണ്. ഇതുതന്നെയാണ് ചിത്രത്തിന്റെ ഏറ്റവും വലിയ പ്രത്യേകത. രണ്ടുപേര്ക്കുമിടയില് നിലനിന്നിരുന്ന സൗന്ദര്യപിണക്കങ്ങളും ഇതോടെ അവസാനിക്കുകയാണ്.
താനും മമ്മൂട്ടിയും ഒന്നിയ്ക്കാന് ഒരു കാരണമുണ്ടെന്നാണ് സുരേഷ് ഗോപി ഈ താരസംഗമത്തെക്കുറിച്ച് പറയുന്നത്. ഇനി ഒരിക്കലും ഉണ്ടാകില്ലെന്ന് സിനിമാലോകം വിധി എഴുതിയ മമ്മൂട്ടി സുരേഷ്ഗോപി കൂട്ടുകെട്ട് വീണ്ടും ഉണ്ടായി. ചില ജന്മങ്ങള് ഉണ്ടാകുന്നതുതന്നെ ഇത്തരം കാര്യങ്ങള്ക്കുവേണ്ടിയാണ്. ഞാനും മമ്മുക്കയും ഷാജിയും രണ്ജിയുമൊക്കെ ജനിച്ചത് ഇത്തരം മുഹൂര്ത്തങ്ങള് സൃഷ്ടിക്കാന് വേണ്ടിയാണ്- ഒരു ചലച്ചിത്രവാരികയിലെ അഭിമുഖത്തില് സുരേഷ് ഗോപി പറയുന്നു.
ഇടതുസര്ക്കാരിന്റെ മുന്നേറ്റത്തിന് ആക്കം കൂട്ടിയ ഒരു ചിത്രമായിരുന്നു ഭരത്ചന്ദ്രന് ഐ പി എസ്. ഇപ്പോള് കിംഗ് ആന്റ് കമ്മീഷണറിനുശേഷം ഒരുപക്ഷേ, ദേശീയരാഷ്ട്രീയത്തില് ഭരത്ചന്ദ്രനെപ്പോലെ, ജോസഫ് അലക്സിനെപ്പോലെ രണ്ട് ബ്യൂറോക്രാറ്റുകള് ഉയര്ന്നുവരുമായിരിക്കും-സുരേഷ് ഗോപി പറയുന്നു.
രണ്ടു വിജയചിത്രങ്ങളിലെ കഥാപാത്രങ്ങള് വീണ്ടും ഒരു ചിത്രത്തിലൂടെ കടന്നുവരുന്നു എന്നത് ലോക സിനിമയില് തന്നെ ആദ്യത്തെ ശ്രമമായിരിക്കും. ഈ സിനിമ കാലം ചര്ച്ച ചെയ്യുന്ന ഒന്നായിത്തീരണമെന്നാണ് ആഗ്രഹം-സുരേഷ് പറയുന്നു.
Continue with Google