Click it and Unblock the Notifications
സിറ്റി ഓഫ് ഗോഡില് റീമയുടെ ഹോട്ട് അവതാര്
ഏറെ ശ്രദ്ധിയ്ക്കപ്പെട്ട നായകന് ശേഷം ലിജോ പല്ലിശേരി സംവിധാനം ചെയ്യുന്ന സിറ്റി ഓഫ് ഗോഡില് പൃഥ്വിരാജും ഇന്ദ്രജിത്തുമാണ് നായകന്മാര്. 2002ല് പുറത്തിറങ്ങിയ സിറ്റി ഓഫ് ഗോഡെന്ന ചിത്രത്തില് നിന്നും പ്രചോദനമുള്ക്കൊണ്ടാണ് സംവിധായകന് അതേ പേരില് ഈ സിനിമയൊരുക്കുന്നത്. ബ്രസീലിലെ റിയോഡി ജനീറോ തെരുവുകളിലെ ഗ്യാങ് വാറുകളായിരുന്നു സിറ്റി ഓഫ് ഗോഡിന്റെ പ്രമേയം. മലയാളത്തില് കൊച്ചി പശ്ചാത്തലമാക്കിയാണ് ബാബു ജനാര്ദ്ദനന് തിരക്കഥ ഒരുക്കിയിരിക്കുന്നത്.
അച്ഛനുറങ്ങാത്ത വീട്, നമ്മള് തമ്മില്, ക്ലാസ്മേറ്റ് എന്നീ സിനിമകള്ക്ക് ശേഷം പൃഥ്വിയും ഇന്ദ്രജിത്തും ഒന്നിയ്ക്കുന്നുവെന്ന പ്രത്യേകതയും ഈ സിനിമയ്ക്ക് സ്വന്തമാണ്. ശ്വേത മേനോന്, പാര്വതി മേനോന് രോഹിണി എന്നിവരാണ് ചിത്രത്തിലെ മറ്റ് നായികമാര്. ഫാസിലിന്റെ മകന് ഷാനുവും ചിത്രത്തില് അതിഥി വേഷത്തില് പ്രത്യക്ഷപ്പെടുന്നുണ്ട്.
ഒറിജിനല് സിനിമയിലേതു പോലെ മൂന്ന് കഥകള് സമാന്തരമായി നീങ്ങുകയും ക്ലൈമാക്സില് ഇവയെല്ലാം ഒന്നിയ്ക്കുകയും ചെയ്യുകയെന്ന വ്യത്യസ്ത ട്രീറ്റ്മെന്റാണ് സിറ്റി ഓഫ് ഗോഡിലും സംവിധായകന് പരീക്ഷിച്ചിരിയ്ക്കുന്നത്.
Continue with Google