For Quick Alerts
    ALLOW NOTIFICATIONS  
    For Daily Alerts

    നയന്‍സിന്റെ വഴിയേ ധന്യയും ഹിന്ദുമതത്തിലേക്ക്

    By Ajith Babu
    |

    Dhanya Mary Varghese
    പ്രണയത്തിന്റെ വഴിയില്‍ നയന്‍താരയ്ക്ക് പിന്നാലെ നടി ധന്യ മേരി വര്‍ഗ്ഗീസും മതം മാറാനൊരുങ്ങുന്നു. പ്രഭുദേവയുമായുള്ള വിവാഹത്തിന് മുന്നോടിയായി ക്രിസ്തുമതവിശ്വാസിയായിരുന്ന നയന്‍താര കഴിഞ്ഞദിവസം ഹിന്ദു മതം സ്വീകരിച്ചിരുന്നു.

    ചെന്നൈയിലെ ആര്യസമാജത്തില്‍ വച്ചാണ് ഡയാനകുര്യനെന്ന നയന്‍താര ഹിന്ദുമതം സ്വീകരിച്ചത്. നയന്‍സിന്റെ ഈ പ്രവൃത്തിക്കെതിരെ ചില ക്രൈസ്തവസംഘടനകള്‍ പ്രതിഷേധവുമായി രംഗത്തെത്തുകയും ചെയ്തു.

    ഇതിന്റെയെല്ലാം അലയൊലികള്‍ അടങ്ങുംമുമ്പെയാണ് നടി ധന്യമേരി മതംമാറ്റക്കാര്യവും പുറത്തുവന്നിരിയ്ക്കുന്നത്. മധുപാല്‍ സംവിധാനം ചെയ്ത തലപ്പാവിലൂടെ വെള്ളിത്തിരയില്‍ അരങ്ങേറിയ ധന്യയുടെ മതംമാറ്റത്തിന് പിന്നിലും പ്രണയം തന്നെയാണ് കാര്യം.

    സംവിധായകനായ അനൂപ് അരവിന്ദാണ് ധന്യയുടെ മനംകവര്‍ന്ന ആ ഭാഗ്യവാന്‍. ഇവരുടെ വിവാഹം ഉടനുണ്ടാവുമെന്നും അതിന് മുമ്പായി ക്രൈസ്തവിശ്വാസിയായ ധന്യ ഉടന്‍ ഹിന്ദുമതം സ്വീകരിയ്ക്കുമെന്നാണ് റിപ്പോര്‍ട്ടുകള്‍.

    അനൂപ് സംവിധാനം ചെയ്ത പ്രകൃതിയിലെ നായിക ധന്യയായിരുന്നു. ഇതിന്റെ ഷൂട്ടിങിനിടയിലാണ് ഇവര്‍ക്കിടയില്‍ പ്രണയം മൊട്ടിട്ടതെന്ന് കരുതപ്പെടുന്നു.

    ആദ്യചിത്രമായ തലപ്പാവിലൂടെ തന്നെ അഭിനയമികവ് തെളിയിച്ച ധന്യ ചെറിയകാലയളവില്‍ ഒരുപിടി സിനിമകളില്‍ ശ്രദ്ധേയമായ വേഷങ്ങള്‍ അവതരിപ്പിച്ചിരുന്നു. റെഡ് ചില്ലീസ്, കേരള കഫേ, നായകന്‍, കരയിലേക്ക് ഒരു കടല്‍ ദൂരം എന്നിവയാണ് ധന്യയുടെ പ്രധാന സിനിമകള്‍.

    English summary
    A few days back reports came that Nayantara embraced Hinduism to marry Prabhu Deva. Another Malayalam actress Dhanya Mary Varghese, a christian believer, too treading the path of Nayantara by converting her faith to Hinduism.
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X