Don't Miss!
- Technology ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
- News കല്ല്യാശേരി മണ്ഡലത്തിലെ കള്ളവോട്ട്; 6 പേർക്കെതിരെ കേസെടുത്ത് പോലീസ്
- Sports IPL 2024: സിഎസ്കെയ്ക്കു പിഴയ്ക്കുന്നതെവിടെ? കുഴപ്പം ഒന്നും രണ്ടുമല്ല! ഇവയ്ക്കു ഉത്തരം വേണം
- Finance 55 ശതമാനം വരെ റിട്ടേൺ, നികുതി ഇളവും ഉറപ്പാണ്, ഇപ്പോൾ നിക്ഷേപിക്കാൻ 5 മ്യൂച്വൽ ഫണ്ടുകൾ
- Automobiles പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
- Lifestyle ചാണക്യനീതി; പുരുഷന് ഭാര്യയല്ലാതെ മറ്റ് സ്ത്രീകളോട് താല്പര്യം തോന്നുന്നതിന് 5 കാരണം
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
രക്ഷകനായത് മമ്മൂട്ടി: ഷാജി കൈലാസ്
മലയാളത്തില് മാത്രമല്ല പൊതുവെ എല്ലായിടത്തും ഇതുതന്നെയാണ് സ്ഥിതി. എന്നാല് ഇതിനൊക്കെ ഒരു മാറ്റം വരികയാണോ? വമ്പന് പരാജയങ്ങളേറ്റു വാങ്ങി നില്ക്കുന്ന സംവിധായകന് ഷാജി കൈലാസിനുണ്ടായ അനുഭവമാണ് മാറ്റത്തിന്റെ സൂചനകള് നല്കുന്നത്. ഇനി ഷാജിയെ വിളിച്ചതാരെന്നല്ലേ, വേറാരുമല്ല, സാക്ഷാല് മമ്മൂട്ടി!
ഇരുവരും അവസാനമായി ഒന്നിച്ച 'ദ്രോണ 2010' എന്ന ചിത്രം ബോക്സ് ഓഫീസില് എട്ടുനിലയില് പൊട്ടിതകര്ന്നിരുന്നു. ഈ പരാജയത്തോടെ സിനിമയോട് തന്നെ വിടപറയാന് ആലോചിച്ചിരുന്നുവെന്ന് ഷാജി പറയുന്നു. എന്നാല് ഇതിനിടെയാണ് മമ്മൂട്ടിയുടെ ഫോണ് ഷാജിയെ തേടിയെത്തിയത്.
"ദ്രോണ പരാജയപ്പെട്ടതിന്റെ വിഷമത്തിലിരിയ്ക്കുമ്പോഴാണ് മമ്മൂക്ക എന്നെ വിളിയ്ക്കുന്നത്. എവിടെയാണെന്ന് അദ്ദേഹം ചോദിച്ചു. സിനിമ പരാജയപ്പെട്ടതിന്റെ വിഷമത്തിലിരിയ്ക്കുകയാണെന്ന് പറഞ്ഞു. അതുവേണ്ടി നീ ഇങ്ങോട്ടു വാ എന്നാണ് അദ്ദേഹം പറഞ്ഞത്. ആഗസ്റ്റ് 15 എന്ന പ്രൊജക്ടിന്റെ എല്ലാ കാര്യങ്ങളും തീരുമാനിച്ച ശേഷമാണ് മമ്മൂക്ക എന്നെ വിളിച്ചത്"- ഷാജി പറയുന്നു. സിനിമാ വാരികയ്ക്ക് നല്കിയ അഭിമുഖത്തിലാണ് ഷാജി തന്റെ മനസ്സ് തുറന്നത്.
സിനിമയുടെ പരാജയം സംവിധായകന് തിരിച്ചടി തന്നെയാണ്. അങ്ങനെയൊരു സമയത്ത് മമ്മൂട്ടിയെ പോലൊരാള് വിളിച്ച് ആശ്വസിപ്പിയ്ക്കുമ്പോള് കൂടുതല് ആത്മവിശ്വാസം ലഭിയ്ക്കുകയാണ്. ഷാജി പറയുന്നു.
കരിയറില് ഇതുപോലുള്ള പ്രതിസന്ധികള് ആര്ക്കുമുണ്ടാകാം. സിനിമയില് നിന്ന് ഞാനും ഒരിയ്ക്കല് പുറത്താകാമെന്ന ഘട്ടം വന്നതാണ്. അവിടെ നിന്നാണ് തിരിച്ചുവന്നത്. ഇങ്ങനെയെല്ലാം പറഞ്ഞാണ് മമ്മൂക്ക എന്റെ കോണ്ഫിഡന്സ് ഉയര്ത്തിയത്. ആഗസ്റ്റ് 15ന് താന് സംവിധായകനായി എത്തിയതിന്റെ മുഴുവന് ക്രെഡിറ്റും ഷാജി മമ്മൂട്ടിയ്ക്കാണ് നല്കുന്നത്.
ഇരുവരും ഒന്നിയ്ക്കുന്ന ആഗസ്റ്റ് 15ന്റെ ഷൂട്ടിങ് തിരുവനന്തപുരത്ത് പുരോഗമിയ്ക്കുകയാണ്. എസ്എന് സ്വാമി തിരക്കഥയൊരുക്കുന്ന ചിത്രം ക്രിസ്മസിന് തിയറ്ററുകളിലെത്തും.