Don't Miss!
- Automobiles തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ
- News ദിലീപ് ശ്രമിച്ചത് അതിനായിരുന്നു': നടി ആക്രമിക്കപ്പെട്ട കേസില് പുതിയ വെളിപ്പെടുത്തലുമായി ടിബി മിനി
- Sports IPL 2024: രോഹിത് അടുത്ത പഞ്ചാബ് ക്യാപ്റ്റന്! എല്ലാം പറഞ്ഞു സമ്മതിപ്പിച്ചു? പ്രതികരിച്ച് പ്രീതി
- Lifestyle സംശയാലുവായ ഭാര്യയും ഭര്ത്താവും, ദാമ്പത്യത്തിന്റെ അന്ത്യത്തിന് വഴിയൊരുക്കുന്ന 5 ശീലങ്ങള്
- Finance കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ
- Travel നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ്
- Technology ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
ആലം ആര- ഇന്ത്യന് സിനിമയുടെ വെളിച്ചം
'ആലം ആര' എന്നാല് ലോകത്തിന്റെ വെളിച്ചമെന്നാണ് അര്ത്ഥം. എന്നാല് ഇന്ത്യന് സിനിമയില് പുതിയ പ്രകാശം പകര്ന്ന ചിത്രമെന്ന നിലയ്ക്കാണ് ആലം ആര ചരിത്രത്തില് ഇടം കണ്ടെത്തുന്നത്. അന്നുവരെയുണ്ടായിരുന്ന വെള്ളിത്തിരയിലെ നിശബ്ദത ഭഞ്ജിയ്ക്കപ്പെട്ടത് ആലം ആരയിലൂടെയായിരുന്നു. ശബ്ദത്തിന്റെ അകമ്പടിയില്ലാതെ കറുപ്പിലും വെളുപ്പിലും മിന്നിമറയുന്ന വെള്ളിത്തിരയിലൂടെ ദൃശ്യങ്ങളിലൂടെ സിനിമ കണ്ടിരുന്ന പ്രേക്ഷകര്ക്ക് ആലം ആര അദ്ഭുതമായി മാറി.
സിനിമയില് ശബ്ദത്തിന്റെ പ്രാധാന്യമെന്തെന്ന് തിരിച്ചറിഞ്ഞ ആര്ദേഷിര് ഇറാനിയാണ് ആലം ആരയുടെ സംവിധായകന്. ഹിന്ദിയിലും ഉറുദുവിലും സംസാരിയ്ക്കുന്ന കഥാപാത്രങ്ങളെ വെള്ളിത്തിരയിലെത്തിച്ച് പ്രേക്ഷകരെ അദ്ഭുതപ്പെടുത്താന് ഇറാനിയ്ക്ക് കഴിഞ്ഞു. രാജകുമാരന്റെയും നാടോടി പെണ്കൊടിയും തമ്മിലുള്ള പ്രണയകഥ പ്രമേയമാക്കിയ ആലം ആരയുടെ രചിയിതാവ് പാര്സി തീയേറ്ററിലെ പ്രമുഖനായിരുന്ന ജോസഫ് ഡേവിഡാണ്.
ശബ്ദത്തിന്റെ സാധ്യകള് ആവോളമുപയോഗിച്ച ചിത്രത്തില് ഏഴോളം ഗാനങ്ങളും ഉള്ക്കൊള്ളിച്ചിരുന്നു. ചതിയും വഞ്ചനയും പ്രണയവുമെല്ലാം ഉള്ക്കൊള്ളിച്ചിരുന്നെങ്കിലും സിനിമയിലെ നായകനായ പൃഥ്വിരാജ് കപൂറിന് ഗാനരംഗങ്ങള് ഇല്ലായിരുന്നു. എന്നാല് നായിക സുബൈദയ്ക്കാവട്ടെ യഥേഷ്ടം പാട്ടും സംഭാഷണവും ഒക്കെയുണ്ടായിരുന്നു.
ഇന്ന് കോടികള് കിലുങ്ങുന്ന ബോളിവുഡ് സിനിമയുടെ ചരിത്രവും ആലം ആരയിലൂടെ ആരംഭിയ്ക്കുന്നു. ആദ്യശബ്ദ സിനിമ കാണാന് തടിച്ചുകൂടിയ ജനക്കൂട്ടത്തെ നിയന്ത്രിച്ചിരുന്നത് പൊലീസായിരുന്നു. സിനിമ വന്വിജയമായതോടെ ചലച്ചിത്രനിര്മ്മാണരംഗത്ത് മുതല് മുടക്കാന് കൂടുതല് പേര് തയാറായി. അതുവരെ സംഗീതനാടക വേദികളില് വ്യാപരിച്ചിരുന്ന കലാകാരന്മാരെ വെള്ളിത്തിരയുടെ അദ്ഭുതലോകത്തേക്ക് വഴിതിരിച്ചുവിടാന് കഴിഞ്ഞത് ആലം ആരയ്ക്ക് ഇന്ത്യന് സിനിമാ ചരിത്രത്തില് സവിശേഷ സ്ഥാനം നേടിക്കൊടുത്തു.
ഇന്ത്യയിലെ ആദ്യ ശബ്ദചിത്രം പിറന്നിട്ട് എട്ട് പതിറ്റാണ്ടുകള് പിന്നിടുമ്പോള് സിനിമയുടെ ഒരു പ്രിന്റ് പോലും ഇപ്പോഴില്ലെന്ന കാര്യവും അറിയുക. 2003ല് പുനെ ഫിലിം നാഷണല് ആര്ക്കൈവ്സിലുണ്ടായി അഗ്നിബാധയില് സിനിമയുടെ ശേഷിച്ചിരുന്ന പ്രിന്റ് നശിച്ചുപോയി. ആലം ആരയുടെ പ്രിന്റ് കണ്ടെത്താന് അധികൃതര് ഭഗീരഥ ശ്രമങ്ങള് നടത്തിയെങ്കിലും അതൊന്നും ലക്ഷ്യം കണ്ടില്ല.
ആലം ആരയുടെ എണ്പതാം പിറന്നാള് സെര്ച്ച് എഞ്ചിനായ ഗൂഗിളും ആഘോഷിയ്ക്കുകയാണ്. സിനിമയിലെ രംഗം ചിത്രീകരിയ്ക്കുന്ന ഡൂഡില് തയാറാക്കിയാണ് ഗൂഗിള് ആലം ആരയെ സ്മരിയ്ക്കുന്നത്.
-
'അന്ന് പ്രതിഫലം ഒരു രൂപ... ഇപ്പോൾ വാങ്ങുന്നത് മൂന്ന് കോടി വരെ'; ചാക്കോച്ചനൊപ്പമെത്തി പ്രണവിന്റെയും പ്രതിഫലം?
-
'കാലിലെ നഖം വരെ വെട്ടികൊടുത്തിരുന്നത് ആശയാണ്, ആ വിടവ് വിഷമിപ്പിക്കും'; മനോജിന്റെ ഭാര്യയെ കുറിച്ച് സോഷ്യൽമീഡിയ
-
ചെയ്യാവുന്നതൊക്കെ ചെയ്തിട്ടുണ്ടെന്ന് ഡോക്ടര് പറഞ്ഞു; അവസാനം ആ ശീലവും നിര്ത്തി; സലിം കുമാര്