»   » നയന്‍താരയ്‌ക്ക്‌ ചെട്ടികുളങ്ങരയില്‍ തുലാഭാരം

നയന്‍താരയ്‌ക്ക്‌ ചെട്ടികുളങ്ങരയില്‍ തുലാഭാരം

Subscribe to Filmibeat Malayalam
Nayan Thara
ആലപ്പുഴ: തെന്നിന്ത്യന്‍ താരം നയന്‍താര ചെട്ടികുളങ്ങര ഭഗവതിക്ഷേത്രത്തില്‍ തുലാഭാരം നടത്തി. വെള്ളിയാഴ്‌ച രാവിലെ പതിനൊന്നുമണിയോടെ അമ്മയ്‌ക്കൊപ്പം ക്ഷേത്രത്തില്‍ എത്തിയ നടി ദര്‍ശനം നടത്തിയശേഷമാണ്‌ തുലാഭാരം നടത്തിയത്‌.

ഏഴ്‌ ഞാലിപ്പൂവന്‍ പഴക്കുല ഉപയോഗിച്ചായിരുന്നു തുലാഭാരം. തുടര്‍ന്ന്‌ ഭഗവതിയുടെ ഇഷ്ടവഴിപാടായ കഞ്ഞിയും മുതിരപ്പുഴുക്കും കഴിച്ചാണ്‌ നയന്‍താരയും അമ്മയും മടങ്ങിയത്‌.

ഇപ്പോള്‍ എസ്‌ജെ സൂര്യയുടെ യാദവന്‍ എന്ന ചിത്രത്തിലാണ്‌ നയന്‍താര അഭിനയിക്കുന്നത്‌. ഷൂട്ടിങിന്റെ ഇടവേളയില്‍ ചെന്നൈയില്‍ നിന്നും നാട്ടില്‍ എത്തിയതാണ്‌ നയന്‍താര.

തിരുവല്ലയിലെ തറവാട്ടില്‍ വരുമ്പോഴെല്ലാം താന്‍ ചെട്ടികുളങ്ങര ഭഗവതി ക്ഷേത്രത്തില്‍ എത്തി ദര്‍ശനം നടത്താറുണ്ടെന്നും തന്റെ ജീവിതത്തില്‍ ഉണ്ടായിട്ടുള്ള ഉയര്‍ച്ചകള്‍ക്കെല്ലാം കാരണം ദേവിയുടെ അനുഗ്രഹമാണെന്നും നയന്‍താര പറഞ്ഞു.

Malayalam Photos

Go to : More Photos

വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam