ഹന്‍സിക മോട്‌വാനി വെറും ഹന്‍സിക!

By Ajith Babu

| Published: Saturday, May 12, 2012, 13:54 [IST]

ബോളിവുഡില്‍ നിന്നെത്തി തെന്നിന്ത്യയിലെ താരോദയമായി ഉയരുന്ന ഹന്‍സിക തന്റെ പേരിന്റെ വാലറ്റത്തുള്ള മോട്‌വാനിയെ മായ്ക്കുന്നു. ഒരു ജ്യോതിഷിയുടെ ഉപദേശം കേട്ടാണ് നടി പേരില്‍ മാറ്റംവരുത്തുന്നത്.

ഇതേക്കുറിച്ച് ഹന്‍സിക പറയുന്നതിങ്ങനെ. എന്റെ ലക്കിനമ്പര്‍ ഒമ്പതാണെന്നാണ് സംഖ്യാശാസ്ത്രപ്രകാരം ജ്യോതിഷി പറഞ്ഞത്. ഹന്‍സിക(Hansikkaa) എന്ന് ഇംഗ്ലീഷിലെഴുതമ്പോള്‍ 9 അക്ഷരങ്ങളുണ്ടാവും. അതുകൊണ്ട് ബാക്കിയുള്ള മോട് വാനിയെ വേണ്ടെന്നുവെയ്ക്കുകയായിരുന്നു.

പുതിയ തമിഴ് ചിത്രമായ വേലായുധത്തില്‍ വിജയ്‌ക്കൊപ്പം ചുംബനരംഗത്തില്‍ അഭിനയിച്ചുവെന്ന വാര്‍ത്തയും താരം ഇതിനൊപ്പം നിഷേധിച്ചു. എം രാജ സംവിധാനം ചെയ്യുന്ന ചിത്രത്തില്‍ അങ്ങനെയൊരു രംഗമേയില്ലെന്നാണ് 'വെറും' ഹന്‍സിക പറയുന്നത്.