Click it and Unblock the Notifications
ഗോഡ്ഫാദറാകാന് മമ്മൂട്ടിയും
ഷാജി കൈലാസിന്റെ സംവിധാന സഹായിയായിരുന്ന ഷേഖ് ആണ് ആക്ഷന് മൂഡിലുള്ള ഈ മമ്മൂട്ടി ചിത്രം ഒരുക്കുന്നത്. സര്ക്കാര് എന്ന പേര് തന്നെ പുതിയ ചിത്രത്തിന് സ്വീകരിയ്ക്കാനാണ് ഷേഖ് തീരുമാനിച്ചിരിയ്ക്കുന്നത്.
സിനിമയുടെ കഥ വായിച്ച് ഇഷ്ടപ്പെട്ട മമ്മൂട്ടി തന്നെയാണ് ഷേഖിന് പച്ചക്കൊടി കാണിച്ചത്. തമിഴിലും മലയാളത്തിലും ഒരേ സമയം സര്ക്കാര് ഒരുക്കാനാണ് നിര്മാതാക്കളായ ജെ.ജെ ഗുഡ് ഫിലിംസ് തീരുമാനിച്ചിരിയ്ക്കുന്നത്.
ഇതോടെ വന്ദേമാതരത്തിന് ശേഷം മമ്മൂട്ടി അഭിനയിക്കുന്ന ദ്വിഭാഷ ചിത്രമായി സര്ക്കാര് മാറും. മമ്മൂട്ടിയും അര്ജ്ജുനും കേന്ദ്ര കഥാപാത്രങ്ങളായെത്തുന്ന വന്ദേമാതരം അടുത്ത മാസം പ്രദര്ശനത്തിനെത്തിയ്ക്കാനാണ് തീരുമാനിച്ചിരിയ്ക്കുന്നത്.
സര്ക്കാരിന് പുറമെ കോളിവുഡിലെ യുവനടന്മാരില് ശ്രദ്ധേയനായ വിശാലിനൊപ്പം ഒരു തമിഴ് ചിത്രവും മമ്മൂട്ടിയുടെ പരിഗണനയിലുണ്ട്. ഈ വര്ഷം മധ്യത്തോടെ ചിത്രത്തിന്റെ ഷൂട്ടിംഗ് ആരംഭിയ്ക്കാനാണ് തീരുമാനിച്ചിരിയ്ക്കുന്നത്.
Continue with Google