സോഷ്യല്‍ മീഡിയ പറഞ്ഞതൊന്നുമല്ല, 19ാംമത് ഏഷ്യാനെറ്റ് ഫിലിം അവാര്‍ഡ് മികച്ച നടന്‍? മികച്ച സിനിമ?

മികച്ച ചിത്രം

പ്രിയദര്‍ശന്‍ സംവിധാനം ചെയ്ത സസ്‌പെന്‍സ് ത്രില്ലര്‍ ചിത്രമായ ഒപ്പമാണ് 2016ലെ മികച്ച ചിത്രമായി ഏഷ്യാനെറ്റ് ഫിലിം അവാര്‍ഡ് തെരഞ്ഞെടുത്തത്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മ്മിച്ചത്.

2016 ജനപ്രിയ ചിത്രം

വൈശാഖ് സംവിധാനത്തില്‍ ഒരുങ്ങിയ ബ്രഹ്മാണ്ഡ ചിത്രം പുലിമുരുകനാണ് 2016ലെ ജനപ്രിയ ചിത്രം. മുളകുപാടം ഫിലിംസിന്റെ ബാനറില്‍ ടോമിച്ചന്‍ മുളകുപാടമാണ് ചിത്രം നിര്‍മ്മിച്ചത്. ജഗപതി ബാബു, കമാലിനി മുഖര്‍ജി, ലാല്‍ എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിച്ചത്.

മികച്ച നടന്‍

മോഹന്‍ലാലിനെയാണ് മികച്ച നടനായി തെരഞ്ഞെടുത്തത്. ഒപ്പത്തിലെ ജയരാമന്‍, പുലിമുരുകനിലെ മുരുകന്‍ എന്നീ കഥാപാത്രങ്ങളെ മികച്ച രീതിയില്‍ അവതരിപ്പിച്ചതിന്റെ അടിസ്ഥാനത്തിലാണ് മോഹന്‍ലാലിനെ മികച്ച നടനായി തെരഞ്ഞെടുക്കുന്നത്.

മികച്ച നടന്‍(ക്രിട്ടിക്‌സ്)

യുവനടന്‍ ദുല്‍ഖര്‍ സല്‍മാനാണ് മികച്ച നടനുള്ള ക്രിട്ടിക്‌സ് അവാര്‍ഡ് നേടിയത്. കലിയിലെ സിദ്ധാര്‍ത്ഥ്, കമ്മട്ടിപ്പാടത്തിലെ രാജീവ് രവി തുടങ്ങിയ അഭിനയ പ്രകടനത്തിലൂടെയാണ് അവാര്‍ഡ്.

മികച്ച നടി

മികച്ച നടിയ്ക്കുള്ള അവാര്‍ഡ് മഞ്ജു വാര്യരിനാണ്. രാജേഷ് പിള്ള സംവിധാനം ചെയ്ത ചിത്രത്തിലെ വേട്ട, കരിങ്കുന്നം സിക്‌സസിലെ വന്ദന എന്നീ കഥാപാത്രങ്ങളെ കണക്കിലെടുത്താണ് മഞ്ജു വാര്യരെ മികച്ച നടിയായി തെരഞ്ഞെടുത്തത്.

ജനപ്രിയ നടന്‍

ജനപ്രിയ നടനായി നിവിന്‍ പോളിയെ തെരഞ്ഞെടുത്തി. ആക്ഷന്‍ ഹീറോ ബിജു, ജേക്കബിന്റെ സ്വര്‍ഗരാജ്യം എന്നീ ചിത്രങ്ങളിലെ അഭിനയത്തിനാണ് നിവിന്‍ പോളിയ്ക്ക് അവാര്‍ഡ്. ചടങ്ങില്‍ നിവിന്‍ പോളിയുടെ ഒരു കിടിലന്‍ പെര്‍ഫോമന്‍സുമുണ്ടായിരുന്നു.

മികച്ച സംവിധായകന്‍

എബ്രിഡ് ഷൈനാണ് മികച്ച സംവിധായകന്‍. ആക്ഷന്‍ ഹീറോ ബിജുവിലെ സംവിധാന മികവിലൂടെയാണ് എബ്രിഡ് ഷൈനിനെ മികച്ച നടനായി തെരഞ്ഞെടുത്തത്. എബ്രിഡ് ഷൈനിന്റെ രണ്ടാമത്തെ ചിത്രമാണ് ആക്ഷന്‍ ഹീറോ ബിജു.

മോഹന്‍ലാലിന്റെ കിടിലന്‍ പെര്‍ഫോമന്‍സ്

പുലിമുരുകനിലെ മോഹന്‍ലാലിന്റെ കിടിലന്‍ പെര്‍ഫോമന്‍സും ചടങ്ങിലുണ്ടായിരുന്നു.