ഷാജോണിന്റെ കഥാപാത്രത്തെകുറിച്ച് ഓർത്തപ്പോൾ ആദ്യം മനസ്സിൽ വന്നത് ആ നടനെ!! ശങ്കർ തുറന്നു പറയുന്നു

കൊച്ചിൻ ഹനീഫ

തെന്നിന്ത്യൻ സിനിമ പ്രേമികളുടെ തീരാനഷ്ടമാണ് കൊച്ചിൻ ഹനീഫ. മലയാളത്തിവും തമിഴിലും നിറസാന്നിധ്യമായിരുന്നു താരം. മലയാളി പ്രേക്ഷകരെ ചിരിപ്പിച്ചെങ്കിൽ തമിഴ് സിനിമയെ മികച്ച വില്ലനായിരുന്നു . 2.O ലെ ഷാജോൺ ചെയ്ത കഥാപാത്രം ആദ്യം മനസ്സിൽ വന്നപ്പോൾ ഓർമിച്ചത് കൊച്ചിൻ ഹനീഫയെയായിരുന്നുവെന്ന് സംവിധായകൻ ശങ്കർ . ശങ്കറിന്റെ തന്നെ മുതൽവൻ , അന്യൻ, ശിവാജി, എന്തിരൻ എന്നീ സിനിമകളിൽ കൊച്ചിൻ ഹനീഫ അഭിനയിച്ചിട്ടുണ്ട്.

സിനിമയിലെ മലയാളി സാന്നിധ്യം

തമിഴിലെ പോലെ തന്നെ മികച്ച അഭിനേതാക്കളാണ് മലയാള സിനിമയിലുമുളളത്. മലയാളി താരങ്ങളുടെ അഭിനയം തനിയ്ക്ക് ഏറെ ഇഷ്ടമാണെന്നും ശങ്കർ പറഞ്ഞു. അതിനാൽ തന്നെ തന്റെ എല്ലാ ചിത്രത്തിലും അങ്ങനെയാരു വേഷമുണ്ടാകുമെന്നും ശങ്കർ പറയുന്നു.

ചിത്രത്തിലേയ്ക്ക് ഷാജോൺ വന്നത്

സിനിമയിലെ ഈ കഥാപാത്രത്തിനെ കുറിച്ച് ചിന്തിച്ച് തുടങ്ങിയപ്പോൾ തന്നെ തന്റെ മനസ്സിൽ ആദ്യമെത്തിയത് കൊച്ചിൻ ഹനീഫയുടെ മുഖമാണ്. അദ്ദേഹത്തിന്റെ അസാനിധ്യത്തിൽ ആര് എന്ന് ചിന്തിച്ചപ്പോഴാണ് മനസ്സിലേയ്ക്ക് ഷാജോണിന്റെ മുഖം വന്നതെന്നും ശങ്കർ പറയുന്നു. അതു പോലെ തന്നെ കമൽ ഹാസനെ നായകനാക്കി ചെയ്യാൻ പോകുന്ന ഏറ്റവും ചിത്രമായ ഇന്ത്യ ടുവിൽ മലയാളത്തിൽ നിന്ന് നെടുമുടി വേണുവും എത്തുന്നുണ്ട്. അദ്ദേഹം ഈ ചിത്രത്തിന്റെ ആദ്യ ഭാഗത്തുമുണ്ടായിരുന്നു.

അത്ഭുതപ്പെടുത്തിയ ചിത്രങ്ങൾ

മലയാളി താരങ്ങളോടൊപ്പം പ്രവർത്തിക്കുന്നതിൽ പ്രത്യേകം ഒരു സംതൃപ്തിയുണ്ട്. അതു പോലെ തന്നെ മലയാളത്തിൽ ഒരുപാട് നല്ല ചിത്രങ്ങൾ ഉണ്ടാകാറുണ്ട്. പ്രേമവും , അങ്കമാലി ഡയറീസുമെല്ലാം തന്നെ അത്ഭുതപ്പെടുത്തിയെന്നും ശങ്കർ പറയുന്നു.

പ്രതിഫലം

സിനിമയിൽ സീനിയർ താരമാണ് നെടുവേണുസാർ. എന്നാൽ പ്രതിഫലത്തിന്റെ കാര്യം ചോദിക്കുമ്പോൾ നിങ്ങളുടെ ഇഷ്ടത്തിനുള്ളത് തന്നാൽ മതിയെന്നണ് മറുപടി പറയുക. അത്രത്തോളം വിനയത്തിലാണ് അദ്ദേഹം പെരുമാറാറുള്ളത്. എന്നാൽ അതുപോലെ തന്നെയാണ് കൊച്ചിൻ ഫനീഫയും, കലാഭവൻ മണിയും, ഷാജോണുമൊക്കെയെന്നും സങ്കർ പറഞ്ഞു.

യന്തിരൻ 3

ബിഗ്ബജറ്റ് ചിത്രങ്ങൾ ചെയ്യണമെന്ന് ഒരു ആഗ്രഹമില്ല. നിരന്തരം ആലോചനകളിലൂടെയാണ് ഒരോ കഥകളിലെത്തുന്നത്. ബിഗ് ബജറ്റ് എന്ന ആലോചനയോടെയല്ല ഒരോ ചിത്രങ്ങളേയും സമീപിക്കുന്നത്. ചിത്രത്തിന്റെ കഥയ്ക്ക് ആവശ്യമായ ബജറ്റിലാണ് ഓരോ ചിത്രമെടുക്കുന്നത്. നല്ല ആശയമുദിച്ചാല്‍ യന്തിരന്‍റെ മൂന്നാം ഭാഗം ചെയ്യുമെന്നും അദ്ദേഹം വ്യക്തമാക്കി.