Click it and Unblock the Notifications
ഓണം-ഈദ്; ചാക്കോച്ചന് ഡബിള് ധമാക്ക
സീനിയേഴ്സ് എന്ന ചിത്രത്തിന്റെ വിജയത്തോടെ കുഞ്ചാക്കോ മലയാളചലച്ചിത്രത്തിന്റെ അവിഭാജ്യഘടകമാണെന്ന അവസ്ഥവന്നിരിക്കുന്നു. എല്ലാം കൊണ്ടും കരിയറിലെ ഏറ്റവും നല്ല സമയം ആസ്വദിക്കുന്ന ചാക്കോച്ചന് ഓണത്തിന് ഡബിള് ധമാക്കയാണ്.
ഈദ്്-ഓണം സീസണില് ചാക്കോച്ചന്റെ രണ്ട് ചിത്രങ്ങളാണ് പ്രദര്ശനത്തിനെത്തുന്നത്. ഇതില് ഒന്ന് ജോഷിയുടെ സെവന്സ് എന്ന ചിത്രമാണ്. ഇത് ഓഗസ്റ്റ് 31ന് തീയേറ്ററുകളിലെത്തും. ചാക്കോച്ചനെക്കൂടാതെ ആസിഫ് അലി, വിനീത് കുമാര്, രജത് മേനോന് തുടങ്ങി ഒട്ടേറെ യുവതാരങ്ങള് ഈ ചിത്രത്തില് അണിനിരക്കുന്നുണ്ട്. ഭാമ, റീമ കല്ലിങ്കല്, നദിയ മൊയ്തു എന്നിവരാണ് ചിത്രത്തില് അഭിനയിക്കുന്ന പ്രധാനനടിമാര്.
രണ്ടാമത്തെച്ചിത്രം ഡോക്ടര് ലവ് ആണ്. കെ ബിജുവിന്റെ ഈ ചിത്രം തീര്ത്തും വ്യത്യസ്തമായ ഒരു പ്രമേയമാണ് കൈകാര്യം ചെയ്യുന്നത്. ചിത്രത്തില് ഭാവന, അനന്യ, വിദ്യ ഉണ്ണി തുടങ്ങിയവരാണ് പ്രധാനവേഷത്തിലെത്തുന്ന നായികമാര്, ഓണച്ചിത്രമായി സെപ്റ്റംബര് 9നാണ് ഡോക്ടര് ലവ് റിലീസിനെത്തുക.
Continue with Google