Click it and Unblock the Notifications
മുന്തിരിപ്പൂക്കളുടെ അതിഥിയല്ല; പകരം ആഗതന്
ഏറെക്കാലം മുമ്പെ കമലിന്റെയും തിരക്കഥാകൃത്ത് കലവൂര് രവികുമാറിന്റെയും മനസ്സിലുണ്ടായിരുന്ന പ്രൊജക്ടാണ് ഇത്. വിമാനപകടത്തില് മരിച്ച സൗന്ദര്യയേയും പൃഥ്വിരാജിനെയും പ്രധാനകഥാപാത്രങ്ങളാക്കി ചിത്രം ചെയ്യാന് കമല് നേരത്തെ തീരുമാനിച്ചിരുന്നു. എന്നാല് സൗന്ദര്യയുടെ അകാലത്തിലുള്ള മരണം അതെല്ലാം കീഴ്മേല് മറിച്ചു. പിന്നീട് മറ്റു ചില താരങ്ങളെ വെച്ച് സിനിമ ചെയ്യാന് ആലോചിച്ചെങ്കിലും അതൊന്നും ലക്ഷ്യം കണ്ടില്ല.
ദാറ്റ്സ് മലയാളം സിനിമാ ഗാലറി കാണാം
ഒടുവില് സിനിമ ചെയ്യാനുള്ള സാഹചര്യമൊരുങ്ങിയപ്പോള് പൃഥ്വിയ്ക്ക് പകരം ദിലീപിനെയാണ് കമല് നായകനായി തിരഞ്ഞെടുത്തത്. പച്ചക്കുതിരയ്ക്ക് വേണ്ടിയാണ് ദിലീപും കമലും അവസാനമായി ഒന്നിച്ചത്. ബോക്സ് ഓഫീസില് നേട്ടമുണ്ടാക്കാന് ആ ചിത്രത്തിന് കഴിഞ്ഞിരുന്നില്ല.
പ്രണയവും പ്രതികാരവും ഇഴ ചേര്ത്തൊരുക്കുന്ന ആഗതനില് ഗൗതം മേനോന് എന്നൊരു ഐടി പ്രൊഫഷണലായാണ് ദിലീപ് അഭിനയിക്കുന്നത്. പാസഞ്ചറിലൂടെ ദിലീപിന്റെ ഭാഗ്യനായികയായി മാറിയ മംമ്തയെയാണ് ചിത്രത്തില് ആദ്യം നായികയായി തീരുമാനിച്ചിരുന്നതെങ്കിലും അസുഖമാണെന്ന കാരണം പറഞ്ഞ് നടി പിന്മാറി. തുടര്ന്ന് നടത്തിയ അന്വേഷണമാണ് ചാര്മ്മിയില് അവസാനിച്ചത്.
ഊട്ടിയ്ക്ക് പുറമെ കശ്മീര്, കൂര്ഗ്, ബാംഗ്ലൂര് എന്നിവിടങ്ങളും ആഗതന്റെ ഷൂട്ടിങ് ലൊക്കേഷനുകളാണ്.
Continue with Google