Click it and Unblock the Notifications
Don't Miss!
-
ഛത്തീസ്ഗഡില് വന് ഏറ്റുമുട്ടല്, മാവോവാദി നേതാവ് അടക്കം 29 പേര് കൊല്ലപ്പെട്ടു -
വേനൽക്കാല യാത്രയിലെ ട്രെൻഡിങ് ഇടങ്ങൾ.. ഗൂഗിളിന്റെ ലിസ്റ്റ്.. ഇതിലേതാണ് നിങ്ങളുടെ ഇടം? -
IPL 2024: ഡിക്കെ എന്തിനു ലോകകപ്പ് ടീമില്? റായുഡുവിനെ കളിയാക്കി ഇര്ഫാന്, സഞ്ജു മതി -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഇടംകൈയ്യനിൽ ഒതുങ്ങില്ല! ലോകത്തെ ആദ്യ റൈറ്റ് ഹാൻഡ് ഡ്രൈവ് ഹമ്മർ ഇവി ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന്‌ വർഷത്തെ വളർച്ച 3800%, കൂടെക്കൂട്ടുന്നോ...?
ഷാജി ചിത്രത്തില്‍ പൃഥ്വി ത്രിബിള്‍ റോളില്‍
രഘുപതി രാഘവ രാജാറാം.... ഗാന്ധിയുടെ പ്രിയപ്പെട്ട ഭജന ഗീതത്തിന്റെ തുടക്കമാണെന്ന്‌ ധരിച്ചെങ്കില്‍ തെറ്റി. ആക്ഷന്‍ ചിത്രങ്ങളുടെ അമരക്കാരനായ ഷാജി കൈലാസ്‌ ഒരുക്കുന്ന പുതിയ പൃഥ്വി ചിത്രത്തിന്റെ പേരാണിത്‌. എകെ സാജന്‍ തിരക്കഥയൊരുക്കുന്ന ചിത്രത്തില്‍ പൃഥ്വി ത്രിബിള്‍ റോളിലാണ്‌ എത്തുന്നത്‌.
മമ്മൂട്ടിയ്‌ക്കും മോഹന്‍ലാലിനും ശേഷം മലയാളത്തിന്റെ സൂപ്പര്‍ സ്റ്റാര്‍ പദവി കൈയടക്കാനൊരുങ്ങുന്ന പൃഥ്വിയുടെ പുതുമകള്‍ തേടിയുള്ള അന്വേഷണമാണ്‌ ഈ ഷാജി കൈലാസ്‌ ചിത്രമെന്ന്‌ കരുതേണ്ടിയിരിക്കുന്നു.
ഏറെ പ്രത്യേകതകളോടെയാണ്‌ എകെ സാജന്‍ പുതിയ ഷാജി ചിത്രത്തിന്റെ തിരക്കഥ രചിയ്‌ക്കുന്നത്‌. മൂന്ന്‌ വ്യത്യസ്‌ത സ്ഥലങ്ങളില്‍ നടക്കുന്ന മൂന്ന്‌ കഥകളിലെ മൂന്ന്‌ നായകന്‍മാരെയാണ്‌ പൃഥ്വി അവതരിപ്പിയ്‌ക്കുന്നത്‌. തിരുവനന്തപുരം, കൊച്ചി, കാസര്‍കോട്‌, എന്നിവിടങ്ങളില്‍ വസിയ്‌ക്കുന്ന ഈ മൂന്ന്‌ നായകരും പരസ്‌പരം കാണുന്നില്ല.
തലസ്ഥാന നഗരിയിലെ പ്രശസ്‌തനായ മനശാസ്‌ത്രജ്ഞനാണ്‌ രാഘവന്‍, കൊച്ചിയില്‍ ക്രിമിനലുകളെ അടിച്ചൊതുക്കുന്ന പോലീസ്‌ കമ്മീഷണറാണ്‌ രഘുപതി, അങ്ങ്‌ വടക്കേയറ്റത്തെ കാസര്‍കോട്ടെത്തുമ്പോള്‍ ഗുണ്ടയായ രാജാറാമിന്റെ റോളിലാണ്‌ പൃഥി. ഇവര്‍ മൂന്നു പേരും പരസ്‌പരം കാണുന്നില്ലെങ്കിലും ഇവരുടെയെല്ലാം ശത്രു അതായത്‌ വില്ലന്‍ ഒരാളാണ്‌.
കടലാസ്‌ ജോലികള്‍ പുരോഗമിയ്‌ക്കുന്ന ചിത്രത്തിലെ താരനിര്‍ണയം പൂര്‍ത്തിയായി വരികയാണ്‌. മൂന്ന്‌ നായകന്‍മാരെ നേരിടേണ്ടതിനാല്‍ ശക്തനായ ഒരു വില്ലനെ ബോളിവുഡില്‍ നിന്ന്‌ ഇറക്കുമതി ചെയ്യാനാണ്‌ അണിയറക്കാര്‍ ആലോചിയ്‌ക്കുന്നത്‌. മിക്കവാറും പൃഥ്വിയുടെ റംസാന്‍ ചിത്രമായിരിക്കും ഇതെന്ന്‌ റിപ്പോര്‍ട്ടുകളുണ്ട്‌.
